Хурдан ирээрэй хүмүүс ээ

Улаанбаатарт цаг агаар яг л дэлхий нийтийнх шиг дулаахан хэвээр. Шинэ жил болж байгаа ч, алдартай 9 нь эхэлж байгаа ч өнөөдөр Улаанбаатарт өдөртөө - 10 хэмийн дотор л эргэлдэж байна гэвэл та гайхах уу? Өнгөрсөн жилээс лав л хамаагүй дулаахан байна. Цас бол бараг л байхгүй. Манайхан баярыг сайхан тэмдэглэдэг хүмүүс болохоор тэр цас энэ тэр хамаагүй баяр үргэлжлээд л... Дарга нар нь тойруулж нэгнээ шагнаад л... Ууж идээд л...

MONDAY MORNING MESSAGES /5 дахь долоо хоног /

ЯЛАХЫН ТӨЛӨӨ АМЬДАР

Зүгээр суугаад байгаа хүн хэзээ ч амжилтанд хүрэхгүй. Ямар нэгэн юм хийх нь эрсдлийг авчирдаг ч амжилтанд хүрэх боломжийг олгодог.

Чарлес Ф.Кэттэрин

Бид эргээд булан тойрохдоо 160 фитт өндөр хаданд уулын авиралтын тоноглолоор өвч тоноглогдсон хоёр авирагч авирч хамтрагчид нь доод талд нь хамгаалалтын олсыг барьж байхыг харсан юм. Тэд их туршлагатай хүмүүс шиг харагдаж байлаа.

Шинэ жилийн мэнд хүргэе

ШИНЭ

ЖИЛИЙН МЭНД

ХҮРГЭЕ!

Ширхэглэн будрах цагаан цастай

Чимэглэн гоёсон ногоон гацууртай

Ширээ тойрсон хайртай хүмүүстэй

Шинэ оноо сайхан угтаарай

Аз жаргал шидлээ шүү

Алгаа тосоод аваарай

Халуун дулаахан үгсийг хамтад нь бас шивнэлээ ...

HAPPY NEW YEAR!!!

MONDAY MORNING MESSAGES /4 дахь долоо хоног /

УРАМ ЗОРИГ ХАЙРЛА

Амьдралынхаа туршид хийж байгаа зүйлээ байнга өөлөн чамлаж байдаг хүнийг би мэднэ. Гэвч ингэснээр өөрөө хөгжих боломжоо алддаг.

Чарлес М.Шваб

Цюрихээс Цинцинат хүрэх нислэг битүү захиалгатай байлаа. Бид нисэхээр суудлаа эзлэх тэр үед Ниццад байдаг авиа компаниас бидэнд өгсөн тийзэн дэх суудал өөр эгнээ байтугай онгоцны хоёр мухарт байсныг мэдсэн юм. Би анх удаа жирэмслээд 15 долоо хонож байгаа эхнэртээ тайлбарлавч надаас тусдаа 9 цаг нисэх нь асуудал болж байгааг би мэдэрсэн юм.

Монголын төлөө

Сүүлийн үед Монголынхоо төлөө ямар нэг юм хийх, бүтээх гэсэн санаатай бичлэгүүдийг блогчидынхоо дундаас олныг олж харах боллоо. Энэ бол Монголын төлөө зүрх нь цохилдог хэн бүхний цээжинд байдаг бодол гэж бодож байна.
Жишээ нь: Өнгөрсөн жил яг өдийд, яг ийм бодолтой хэсэг залуус энэ дэлхийн өнцөг булан бүрт амьдардаг ч газрын холоос үл хамаарсан үзэл бодлын нэгдэл дээрээ тулгуурлан интернэт гээч сайхан юмыг ашиглан нэгдэцгээсэнсэн. Би өөрөө тэдний нэг. Яг л блогчид шиг хэн нэгнээ танихгүй хэр нь ганцхан үзэл бодлоороо л нэгдсэн хэрэг. Yahoo-д групп үүсгээд тэндээ бичээд л, conference хийгээд л... Энэ дэлхийн маань өнцөг буланд байгаа газраасаа сэтгэлээрээ холбогддог байсан юм.

Хүүхэд нас

Уг нь би Хүүхдийн хүмүүжил гээд ноороглоод орхисон байснаа өнөөдөр гэнэт авч хаямаар санагдаад. Ер нь би тэр тухай юугаа мэдэхэв дээ. Гэхдээ дараа бодож явдагаа бол бичнэ ээ. Өнөөдөр манай оюутны блог дээр тэр тухай бичигдсэн харагдана лээ, жоохон хүүхэд бичиж байхад би яагаад болохгүй гэж, мэддэггүй ч гэсэн боддогоо заавал...

MONDAY MORNING MESSAGES /3 дахь долоо хоног /

ӨӨРИЙГӨӨ СОРЬ

Хийж чаддаг зүйлээ байнга хийвэл хэзээ ч өсөхгүй
Хийж чаддаггүй зүйлдээ өөрийгөө сорьж үзэхэд та өснө.

Рональд Э.Осборн

1999 оны 11 дүгээр сард JCI-ын Уран илтгэлийн уралдааны аварга Эрик Хартли гэдэг Британи залуутай Францын Канн хотод уулзаж ярилцсан юм. Уралдаандаа түрүүлээд 24 цаг ч болоогүй байхад би түүнээс дараа нь юу хийх гэж байгааг сонирхсон юм. Гэтэл тэр дараа жил Саппоро хотод болох дэлхийн Cogress-ийн үеэр зохиогдох шилдэг web хуудасны шагнал авахаар зорьж байгаагаа хэлсэн юм. Тэрээр урнаар илтгэх чадвартай болсон учир өөрийгөө өөр зүйлд сорихоор шийдсэн байлаа.

MONDAY MORNING MESSAGES /2 дахь долоо хоног/

ХАНДЛАГАА СОНГО

Таны амьдралын хэв маяг ч тэр түүнд хэрхэн хандаж байгаа байдал ч тэр амьдралын чинь гол хандлага болохгүй юм. Нөхцөл байдал амьдралд өнгө оруулдаг хэдий ч ямар өнгөтэй болгохыг оюун ухаан тань л шийддэг.

Жон Хомер Миллер

Миний ажлын өрөөнд хөл бөмбөгийн хувцас өмсөөд зүүн гартаа бөмбөгөө сугавчилсан 7 настай охины зураг байдаг. Тэр зургийг би байнга харагдаж байхаар утасныхаа харилцуурын дэргэд байрлуулсан ба энэ нь надад дундаж амьдралаар амьдарч байгаа ихэнх хүмүүсээс амжилттай байгаа хүмүүсийг хэдэн гол зүйл ялгаж байдгийг сануулж байдаг юм.

Monday Morning Message /1 дэх долоо хоног /

ЗОРЬСНОО ТӨСӨӨЛ

Та ямар нэгэн зүйлийг хийхээр зорьсон л бол таныг хэн ч зогсоож чадахгүй.

Хэдэн жилийн өмнө бид эхнэрийнхээ өссөн хотод байдаг нууранд очиж амарсан юм. Энэ нуур бол манайхаас 1 цаг 20 минутын зайд байдаг байв. 50 милл үргэлжилсэн энэ нуурын эргэн тойрон ой модоор хүрээлэгдсэн ба орчин нь их сайхан үзэсгэлэнтэй байлаа.

Нэр нь үл мэдэгдэх суутан

Илгээсэн Э.Оргил

Удаан хугацааны туршид бид нуурын ойролцоо нэгэн жижиг байшинтай болъё гэж ярилцаж барих газраа хайж байсан юм. Нэг аятайхан газар олсон нь өтгөн ойтой, огцом өгсүүр, байшин барих бүү хэл төсөөлөхөд ч хэцүү газар байлаа. Хамгийн сүүлд бид тэр нууранд очоод эргэж ирэхдээ нэг сайхан өдөр тэнд ямар байшин барихаа төсөөлцгөөсөн юм.

Бясалгал

Ойрдоо хачин хэвийн бус амьдралаар амьдраад, бясалгалаа хийхгүй таслаад байгаа. Юу ч бичиж ч амжихгүй хэд хонолоо. Өөрийгөө контролдох чадвар буураад ч байх шиг санагдаад байгаа, юм л бол уурлачих гээд.

Бясалгалыхаа үргэлжлэлийг жоохон бичье.

Ер нь бол Шри Шри Равий Шанкарын гараас багшлах эрх аваагүй цагт энэ бүхнийг хүнд заахгүй гэж тийм нэг гэрээ шиг юм байгуулдаг ч гэх юм уу, гарын үсэг зуруулдаг юм байна лээ. Гэхдээ өдөр тутмын хэрэгтэй зүйлсийг бол тэгдэггүй биз. Тэр янз бүрийн дасгалуудыг нь л тэгдэг байх.

Эмзэглэл

Өнөөдөр эмнэлэгт очиж хүнд өвчтэй байгаа эгчийгээ эргээд энэ бичлэгийг өнөө орой заавал бичнэ гэж амласан юм, өөртөө. Хүсэлтийг минь бурхан сонсох ч юм билүү...

Монгол оронд хүн амын өвчлөл ер нь санаа зовоосон асуудлын нэг болсон гэж би боддог. Хамгийн аймаар нь дандаа аймшгийн өвчнүүд шүү. 2014 он гэхэд манай Монгол 2000 гаруй ДОХ-той хүнтэй болно гэсэн. Хүнд сонсогдож байгаа биз? Гэтэл одоо 25 гэлүү дээ, хүн ДОХ-той байгаа гэсэн албан ёсны бүртгэлтэй гэнэ. Үүнээс 4 нь яг энэ гамшгийн өвчнөөрөө хорвоог орхисон. Нэг хүний цаана 100, 500 хүн байдаг гэсэн тоонууд сонсогдож л байдаг. Багаар нь бодоход тэгвэл одоо аль хэдийн тэр 2014 оны 2000 гаруй хүн нь байж л байгаа гэдэг нь илэрхий.

Сайхан, бас муухай дулаарал

Өнөөдөр дэлгүүр хэсээд. Нэг гараад ирсэн чинь гоё цас бударч байна аа. Бороо бороо ороорой Оросын маамуу ирээрэй гэдэг шиг бүгд л баярлаад, гараа тосоод л. Тэгээд Улаанбаатарт л лав хүмүүс цас хүсч байгаа юм байна гэж бодлоо. Хартал байгалийн урласан гоё ширхэг цасан биш байна лээ, зүгээр нэг бөөрөнхийдүү хэлбэртэй. Жоохон том байсан бол мөндөр байх байсан даа гэмээр. Цас цайраад будрахаар гоё. Том том ширхэг нь асгараад л, дээшээ харахаар замбараагүй олон цаснууд тэнгэрээр дүүрэн... Моднууд мөчрөөрөө дүүрэн цасаа даахгүй юм шиг бөхийгөөд, бүх юм цаасан биш цасан малгай өмсөөд...

Зүүд

Үүнийг уншигч эрхэм авхай та хэр их зүүдэлдэг хүн бэ? Зүүдийг юу гэж боддог вэ?

Би бол мэдээ орсон цагаасаа гэхэд хаашаа юм, ер нь л дандаа зүүдэлдэг.
Хүний тархины давтамж буурахаар хүний нойр хүрч унтдаг бөгөөд гүн, гүн биш гэж хуваагддаг гэсэн. Мэдээж шөнийн 2 эсвэл 3 цагийн үед хүн бөх унтдаг бол үүрээр нойр ямар нэг хэмжээгээр хөнгөрсөн байдаг учир энэ үеийн зүүд хүнд илүү тодоор харагдаж санагддаг юм байна. Гүн нойрсолтын үед ч хүн зүүдэлж байдаг бөгөөд гагцхүү санах боломжгүй байдаг гэнэ.
Хүн уг нь тухайн өдрийнхөө харсан, бодсоныг л зүүдэлдэг гэсэн. Гэвч тийм биш ер бусын зүүд зөндөө байдаг ш дээ, бүр зөнтэй ч гэмээр. Надад лав их сонин зүүд зөндөө зүүдлэгддэг. Харин сая шри шри-д явсан чинь 2-3 хоног, зүүд улам тод болоод байх шиг санагдсан. Хүний нүүр царай, юмны өнгө энэ тэр гэж хачин тод, сонин.

Үлгэр

ЭРТ УРЬДЫН ЦАГТ...

Та үлгэрт дуртай юу? Хэрэв одоо хариулж чадахгүй, эсвэл дургүй гэж хариулж байгаа ч багадаа дуртай л байсан байгаа даа.

Одооных шиг ямар олон ФМ байсан биш, орой болохоор Монголын радиогоор

"Үлгэрээс сурах юм их бий

Үлгэрээс сонсох юм их бий

Маш сайн магадлан дуулаад

Маргаашийн үлгэрийг сонсоорой багачууд аа"

The Art of Living

Энэ бичлэгийг алс хол Солонгос, Япон, Америкт бас Африкт байгаа найзууддаа зориулж бичлээ

Саяхан "Амьдрах урлаг" бясалгалын хичээлд суулаа. 5 өдрийн туршид өөртөө 20 цагийг зориулж чадсандаа сэтгэл хангалуун байна. Ямар ч гэсэн өөрийгөө контролдох чадвар маань нэмэгдсэн шүү. Энэ хичээлийг маань заасан Саранцэцэг багш нь энэ дэлхийн 3 гэгээрсэн хүний нэг болох Шри Шри Равий Шанкар Гүрүжи -ийн шавь юм байна. Нэг л их сайхан инээмсэглэсэн эмэгтэй байна лээ. Маш их уншдаг байдлыг нь би хувьдаа биширсэн, бас их сайхан үлгэр ярина.
Өмнө сонсож байснаараа стрессийг хурдан тайлах аргад суралцах санаатай суусан хэрэг.

Амралт, чөлөөт цагаа хэрхэн өнгөрүүлдэг вэ та?

Өчигдөр, 10-р сарын 25-ны Балжинням, Дашням давхацсан сайн өдөр манай сургуулийн 55 жилийн ой болж, нэг өдөр амрах боллоо. Ажил хийдэг хүн ажлынхаа дундуур ажлаа тас мартан амрах шиг сайхан юм байдаггүй гэж би боддог юм л даа. Тэгээд урьд орой нь харихынхаа өмнө ширээн дээрээ

1. 
   
   АМАР
2. 
   
   АМАР
3. 
   
   АМАР

Жендэрийн асуудалд

Хэдийгээр Монгол улс Үндсэн хуулиндаа эрэгтэй эмэгтэй хүмүүс ижил тэгш эрхтэй гэж заасан байдаг хэдий ч наад захын зүйл дээр л ижил тэгш бусаар хандах байдал та бүхэнд ч тааралдаж байсан байх гэж бодож байна. Тэгээд энэ талаар бичмээр санагдаад...

Хүн бүхэн ээжтэй. Эмэгтэй хүнийг ээжтэйгээ зүйрлэн хайрлах хэрэгтэй гээд л сургадаггүй гэж үү? Гэтэл тэднийг нулиман гишгичиж, харааж доромжлох нь ер нь хэвийн үзэгдэл шиг л байдаг асуудал болчиж. Tийм аймаар талаас нь биш энгийн жишээн дээр хэлье л дээ.

Монголд шатахууны үнэ нэлээд нэмэгдээд байгаа хэдий ч нийтийн тээврийн хэрэгсэл 200 төгрөгөөр үйлчилж байгаа юм. Харин микро автобуснууд ер нь л 300 төгрөгөөр явдаг болсон бололтой.

Ном унших дон ба хүний хүмүүжил

Энэ бол хараахан Номын цагаан солио биш л дээ. Гэхдээ хэтэрхий номын амтанд орохыг хэлээд байх шиг...

Би багадаа ном их уншдаг байлаа. Миний бага ангийн багш Алтангэрэл гэж их сайхан эмэгтэй байдаг юм. Суурь боловсрол хүний хөгжил боловсролд хамгийн чухал нөлөөтэй гэж би боддог. Багш маань бидэнд "А" үсэг заахдаа хичээсний хүчинд манай ангийн хэд тэр хавьдаа их л сайн сурлагатай бас ч их хөдөлгөөнтэй хүүхдүүд байсан юм. өнгөрсөн жил 1-р ангийн багштайгаа уулзаад ярьж суусан чинь "Түрүүлж уншиж сурсан хүүхэд байсан учир үймүүлээд байхаар нь нэг үлгэрийн ном бариулаад суулгасан чинь номноос салахаа болиод сүүлдээ үг хэлээд ч нэмэргүй хүүхэд болж билээ" гэж ярьсансан. Гэртээ байсан номнуудыг дуусаад найз нөхдийнх рүүгээ орно. Хичээл дээр уншиж багшид загнуулна, харанхуйд "Хүжийн гал" шиг л гэрэл чийдэн асааж орон дотроо хэвтээ, суугаагаараа эсвэл хажуулдан уншина. Нэг ном уншаад эхэлчихвэл дуустал нь хамаг юмаа хаяад хичээлээ ч таслаад л асуудал дэгдээдэгсэн.

Амьдрал дахь тэгш байдлын "ноёрхол"

Хүний амьдралд тэгш юм байдаг болов уу? Миний бодлоор арван хуруу тэгш хүн амьдралд байдаггүй гэдэгтэй адил тэгш юм гэж байхгүй байх аа.
Яагаад НОЁРХОЛ гэдэг үг хэрэглэсэн бэ гэхээр ойлгомжтой байна уу? Хашилтан доторх энэ үгийг би хувьдаа эсрэг утгаар ашиглаж байна л даа. Өөрөөр хэлбэл ХОМСДОЛ гэж хэлэх гээд л...

Яавал тархи амьд байх вэ?

Жоохон 10 жилийн хүүхэд байхад "Тоо бодвол толгой сэргэнэ" гээд л багш маань хэлдэгсэн. Зарим маань жигтэйхэн дургүй, харин ч эсрэгээрээ муудна гээд л...
Хүний тархи гэдэг оюун ухааны залуурч маань тэгээд бодоод байхаар сэргээд сайн байх юм болов уу, эсвэл харин ч амраагаад элдэв юм бодохгүй бол сайн байх болов уу гэж бодсон чинь бас л хариу олж чаддаггүй дээ.

Яагаад хүмүүс хадамтайгаа мууддаг юм бол?

Амьдрал гэдэг үргэлжийн сайхан инээд хөөр, баяр баясгалантайгаар шулуун дардан замаар үргэлжилдэггүй. Ээдрээт амьдралын дунд үүссэн бэрхшээлт асуудлын учгийг тайлж амьдрах нарийн ухаан эмэгтэй хүнд заяасан байдаг гэлтэй. Гэтэл?
Энэ хадам бэрийн асуудлын учир чухам хэнд нь байдаг юм бол оо? Гээндээ ч бий гоондоо ч бий гэдэг шиг үү? Хүн хүн өөр болохоор, амьдрал нь тусдаа учир аль алинаасаа л болдог уу? Ерөөсөө хадамтайгаа мууддаггүй хүн байдаг болуу? Эсвэл ерөөсөө шалтгаангүй байхад өө эрж муудаад байдаг хадам эсвэл бэр байдаг юм болов уу? Энэ ганцхан Монголд л байдаг асуудал уу? Ээж, эхнэрийнхээ хэнийг нь гэхээ мэдэхгүй залуучуудаас болдог уу? Хадам аав гэж яагаад хэлдэггүй юм бол?
Ингээд толгой эргэм олон асуултын дунд би үлдлээ. Хариуг нь олж чадах болов уу?

Жор

Энэ хүний хорвоод юм бүхэн хоёр талтай. Гэхдээ энэ бол миний л бодол. Аливааг олон талаас нь хардаг хүмүүст бол илүү олон өнгө, олон тал харагддаг ч байж болох.Юутай ч, ядаж дахин нэг талаас нь харахыг хичээдгийн учир гэрэл сүүдэр, хар цагаан, сайн муу гэсэн хоёр тал ажиглагддаг билээ. Эсрэг тэсрэг хоёр тал, хоёр өнгө. Дунд сургуульд Нийгэм судлалын хичээлээр "Эсрэг тэсрэгийн нэгдэл тэмцлийн хууль" үздэгсэн. Тэр эсрэг тэсрэг зүйлс зөрчилдөн тэмцэлдсэнээр хөгжил явагддаг гэх. Заавал байгаад байгаа энэ эсрэгүүдийг хэрхэн тэнцүүлэх билээ?Нөгөөх л хар цагаан сүлэлдэн байдаг энэ орчлонд амьдралд хар цагааныг яасхийн найруулбал жор таарах бол? Намайг ойлгодогт нь найдан дотны хүнээ хайхрахгүй хэр нь, бусдыг анхаарч халамжилна гээч. Тэр л үл хайхарлын цаана гомдоож үл болох сэтгэл, хайр явж байх. 2006.02.27

Амьдрал хэцүү юу эсвэл...

Амьдрал хэцүү... амьдрах бүр ч хэцүү. Оньсого таавар мэт...Хүн амьд байхад ч хэцүү... гэмээр маш олон зовлон бэрхшээл, үхэл хагацал үзнэ, туулна. Заримдаа сөхөрнө... бас босно.Бүх зүйл сайхан байна, болж байна гээд л яваад байснаа гэнэтхэн нэг л өдөр тэр л сайхан байсан зүйлс өөр байгааг мэдрээд өвдөг дээрээ сөхрөн унах вий гэж айдагсан... Гэвч амьдрах гэдэг гайхамшигтай сайхан. Гагцхүү түүнийг өөртөө байгаа тэрхэн эгшин, үе мөч тутамд нь ч гэсэн сайхныг нь мэдэрч сурвал мөнхүү амьдралын сайн сайхан, гайхамшиг бүхнийг мэдрэх болно. Нар мандах, жаргах, сар гийх, оддыг харах, бороонд норох... инээх, уйлах...Бүгд гайхамшигтай сайхан. Энэ бүхэн сайханд сэтгэл ханах биш, зөвхөн сайхныг мэдрэх хэрэгтэй гэсэн үг.

П.Хурай. Сэтгэл эрхтэн мөн үү

Энэ нэгэн нийтлэлийг найзындаа уншаад сонинг нь гуйж аваад явж билээ. Дэвтэртээ бичиж vлдээснээ энд бичихээр шийдлээ.