Миний...

МАРШ!!!

2012-01-02T13:29:00.000+08:00

Оны эхний ажлын өдрөөс, хагалгаа хийлгээд яг 2 сарын дараагаар ажилдаа маршиллаа. Хөл тийм ч сайн болоогүй хэвээрээ л байна. Гэхдээ хийх ажил маш их, намайг хүлээгээд овоорч байгаа учир ажиллаад байж дээ.

Бүх хүмүүст шинэ оны мэнд хүргээд, ирж буй шинэ онд таны гэр аз жаргалаар дүүрэн бялхаж байх болтугай гэж хүсье!

Тайлбар хэрэгтэй

2011-12-22T09:00:00.000+08:00

Ахиллийн шөрмөс - 5. Дасгалууд

2011-12-16T14:47:00.004+08:00

Хоёр "хамгаалагч"-даа Баяртай гэж хэлэх нь дөхсөн бололтой шүү би ч. Харин санаа зовоосон зарим нэг асуудал байсаар байна.

Эхнийх нь бол яваад байх тусам хавдах, бас шөрмөс тасарсан хэсгээрээ хөхрөх хандлагатай болоод байна. Нэг талдаа байсан хөх толбо өнөөдөр нэмэгдээд нөгөө талдаа бас гарчихаж. Багасна гэж найдъя.

Харин нэлээн хурц асуудал бол булчин. Хөлийн булчин хөдөлгөөнгүй удаан байснаас сулраад, нэг тийм унжгар сонин болчихож. Баруун хөл маань зүүнээсээ нарийн ч юм шиг. Энэ л ноцтой байна. Яваад хөдөлгөөн нь хэвийн болоод ирэхээр эргээд чангарна гэж найдаж байна. Дасгал хөдөлгөөний тухай оруулах байснаа өнөөдөр уншсан чинь сэргээх арга хэмжээ авахгүй бол тэгж хатингаршдаг гэнэ ээ, аймаар. Үүнийг хүмүүсийн туршлагаас харахад ер нь байдаг бололтой. Тэгэхээр анхааралдаа авахгүй л бол...

За тэгээд орчуулах гэж чадан ядан оролдож байгаа цувралынхаа дараагийн дугаарыг дасгал хөдөлгөөнтэй холбогдуулан оруулъя.

АХИЛЛИЙН ШӨРМӨСНИЙ ДАСГАЛУУД

Тохирсон дасгалуудыг авахын тулд та эмчийн зөвлөгөөг дагах ёстой. Ямар нэгэн заавар, дасгалыг хэрхэн хийх үндсэн мэдлэггүйгээр Ахиллийн сунгалтын дасгалуудыг хийхээр оролдох нь харин ч эсрэг үр дүн өгч болохыг санаарай.

Хагалгааг нэгэнт хийлгэсэн л бол Ахиллийн шөрмөсний сунгалтын болон бусад дасгалуудыг хийн, булчинг идэвхтэй байлгахгүй бол хатингаршдаг. Тэгэхээр булчин, шөрмөсийг хэвийн байдалд оруулан сэргээх үйл нь өвчтөний өвчин даах түвшинг тогтоохоос эхлэх бөгөөд энэ нь шөрмөс эдгэх хүртэл аажмаар өвчнийг багасгана.

Дараагийн шат нь өвчнийг үндсээр нь арилган шагай, шөрмөсний хэвийн үйлдлийг сэргээх, бэхжүүлэхэд оршино. Эмч нар ихэнхдээ дасгалын дэглэм бэлдсэн байдаг ба хагалгааны дараах таны хөл дээрээ босох хугацааг ч төлөвлөсөн байдаг.

Ахиллийн шөрмөсийг хэвийн байдалд оруулах, сунгах дасгалууд

Хамгийн эхний гол зүйл бол хүчлэхэд бага зэргийн буюу өвчин огт мэдрэхгүй байгаа эсэхийг магадал. Ахиллийн шөрмөсийг хүчтэй татахгүйгээр, шагайгаар зөөлөн хөдөлгөх г.м маш энгийн хөдөлгөөнийг болгоомжтой хийж үз.

Үүндээ дасан тогтвортой байдал, шаардлагатай хүч бий болсны дараа, дараагийн асуудал бол хөлөө эргүүлэхэд анхаарлаа төвлөрүүл. Үүнийг ямар ч өвчингүй өдөр тутам хийдэг болчихвол арай хүнд хэсэг рүү шилжинэ.

Сунгалтын дасгал

Шөрмөс сунгах боломжтой эсэх, хангалттай уян хатан болсон эсэхийг магадал. Энэ нь зөвхөн шөрмөс ч биш шилбэ, хөлийн булчинд хамаатай зүйл юм. Өвчтөн эдгээр булчингуудыг сунгахаас эхэлнэ.

Дараах зураг дээрх энгийн сунгалтууд нь шилбэний булчин хангалттай сунах боломжтой болгоно.

Хамгийн сайн дасгал бол өвчтөн шалан дээр суугаад хөлийн өлмийнөөс дээш татах юм. Энэ нь булчин шөрмөс хоёуланг нь сунгадаг. (Миний харж байгаагаар эхлээд шууд гараараа хийхэд хүндрэлтэй байх магадлалтай учир энэ зүгээр санагдаад дараах зургийг нэмж орууллаа)

Аль ч дасгалыг гүйцэтгэх үед огцом хүчтэй үйлдэл хийхгүй байхыг анхааруулъя. Удаан эхлээд, аажмаар дасгал бүрийн хугацааг нэмэгдүүлэх хэрэгтэй. Ингэснээр булчин идэвхжиж, шөрмөс хэвийн байдалдаа орох нөхцөл бүрдэнэ.

Бэхжүүлэх дасгалууд

Шөрмөс болон шилбэний булчин маань сунгалт хийх үндсэн чадвар, Ахиллийн шөрмөс сунах уян хатан байдал нь сэргэсэн бол хүчийг нь сэргээх нь маш чухал зүйл юм. Үсрэх, ойр зайд гүйх г.м үйлдлүүд нь зөвхөн уян хатан байдал төдийгүй хүч, тэнцвэрийг хөлнөөс шаардана. Ер нь сэргээх програмын зорилго нь эдгээрийг бүгдийг нь энгийн хялбар дасгалуудаар нөхөж авах явдал юм.

Шилбэний булчинг чангалах хамгийн сайн дасгал бол Изометрийн дасгал. Энэ дасгалд, хөлийн хөдөлгөөнийг хязгаарлан, гадаад хүч ашиглан Ахилл болон шилбэний булчинг агшааж үүнийг эсэргүүцэх замаар хүчийг сэргээнэ. Гадны хүчийг аажмаар нэмэгдүүлнэ. (Энд харгалзах зураг оруулах гэсэн боловч яг онож олоогүй учир, буруу зүйл зөвлөхөөс сэргийлэн татгалзлаа. Ер нь эх материал зураггүй учир зурагнуудыг олж харгалзуулан оруулсан болно.)

Тэнцвэрийн дасгал

Тэнцвэрийг сэргээх нь хүч хөдөлмөр шаардсан, бараг эргүүлэн авчрах гэж хэлж болмоор үйл юм. Өвчтөн тэнцвэрээ алдсан байх шалтгаан нь гэмтэл үүсэх эсвэл хагалгааны үед мэдрэлийн тогтолцоонд нөлөөлсний хүндрэлээс үүсдэг.

Шулуун зам дээр алхах, нэг хөл дээр зогсч тэнцвэрээ хадгалах зэрэг энгийн дасгалуудыг байнга хийнэ. Сэргээх эмчилгээ хийснээс хэдэн сарын дараа гүйх, дугуй унах зэрэг нь ч мөн тус болно.

——————————————————————————

Дээрх дасгалуудаас харахад...

За за залхуу хүрчихлээ. Дараа үргэлжлүүлье.

Ахиллийн шөрмөс - 4

2011-12-10T17:52:00.009+08:00

Энэ ер нь эдгэхдээ хүн бүрт янз бүр байдаг бололтой. Хэр зэрэг тасарснаасаа болох учраас мэдээж байх. Миний хувьд хагалгаанаас хойш яг 5 долоо хоног өнгөрөөд өчигдөр анх удаа таягаа хэрэглэхгүй өнжиж, урьд шөнө анх удаа гипсгүй унтлаа. Хөл хөнгөрөөд ямар сайхан байна гээч. Гэхдээ хэт эрт хүчлэх нь эдгэрэлтэд саад болох нь ойлгомжтой, бас хүн бүр тэгж зөвлөж байгаа учир нэг их хүчлээгүй ээ.

Өмнө нь Гэмтэлд хэвтэж байхдаа гүүглдэж суухад нэг тийм sky booting, skying boot ч билүү нэртэй гутал өмсөх тухай уншиж байснаа санаад дахин хайлаа. Учир нь гипсээ авсны дараа өвдөгөөрөө нугалж болж байгаа ч алхах оролдлого хийхээр нугалж татагдахгүй төвөгтэй байгаа юм. Ер нь бол хөндлөнгөөс харвал маш инээдтэй байх. Хөлөө нугалахгүйгээр урагш татаж байгаа учир гараараа даллах хөдөлгөөн хийж тэнцвэрээ алдахгүй байх, биеэ татах үйлдэл хийж байгаа гэсэн үг.

Хагалгаанаас өмнө бол энэ гутлыг өмсөхийг зөвлөсөн байна.

Шагайн гэмтэл, ахиллийн шөрмөсний хагалгааны дараах г.м үеүдэд хэрэглэх зориулалт бүхий иймэрхүү супер гутлууд байдаг юм байна. 70-200 доллар орчим харагдаж байна Амазон дээр.

Энэ түлхүүрээр өлмийн таталтын хэмжээг тохируулдаг бололтой юм аа.

Харин яг одоо бол хөлийн өлмий жийлттэй байх тусам алхах үед хөлөнд ирэх ачаалал бага байлгах нь дээр бололтой. Анзаарвал, гутлын ул хавтгай байх тусам хөлөө нугалж татах чадвар 0 байна. Өөрөөр хэлбэл хөлийг иймэрхүү байдлаар байлгах хэрэгтэй гэсэн үг л дээ. Гуталнууд ч бүгд өсгийгөөрөө өндөрлөсөн маягтай байна.

Тиймээс би өнөөдөр

-ийг
-ээр солилоо. Яг ийм биш, гэхдээ иймэрхүү. Бага зэрэг өндөр ч байх.

Үр дүн: Хамаагүй дээрдэж байна. Би бараг л асуудалгүйгээр хэд гишгэлээ. Ура! :-)

Дараа ямар дасгал хийж болох талаар оруулна аа.

Гоё

2011-12-08T13:00:00.000+08:00

Absolutely amazing! why i like mathematics! !!!!!!!!! !!!!!!!!! !!!!!!

Beauty of Mathematics! !!!!!!
1 x 8 + 1 = 9
12 x 8 + 2 = 98
123 x 8 + 3 = 987
1234 x 8 + 4 = 9876
12345 x 8 + 5 = 98765
123456 x 8 + 6 = 987654
1234567 x 8 + 7 = 9876543
12345678 x 8 + 8 = 98765432
123456789 x 8 + 9 = 987654321

1 x 9 + 2 = 11
12 x 9 + 3 = 111
123 x 9 + 4 = 1111
1234 x 9 + 5 = 11111
12345 x 9 + 6 = 111111
123456 x 9 + 7 = 1111111
1234567 x 9 + 8 = 11111111
12345678 x 9 + 9 = 111111111
123456789 x 9 +10= 1111111111
9 x 9 + 7 = 88
98 x 9 + 6 = 888
987 x 9 + 5 = 8888
9876 x 9 + 4 = 88888
98765 x 9 + 3 = 888888
987654 x 9 + 2 = 8888888
9876543 x 9 + 1 = 88888888
98765432 x 9 + 0 = 888888888
Brilliant, isn't it?
And look at this symmetry:
1 x 1 = 1
11 x 11 = 121
111 x 111 = 12321
1111 x 1111 = 1234321
11111 x 11111 = 123454321
111111 x 111111 = 12345654321
1111111 x 1111111 = 1234567654321
11111111 x 11111111 = 123456787654321
111111111 x 111111111 = 12345678987654321
Now, take a look at this...

101%
From a strictly mathematical viewpoint:
What Equals 100%?
What does it mean to give MORE than 100%?
Ever wonder about those people who say they are giving more than 100%?
We have all been in situations where someone wants you to
GIVE OVER 100%.
How about ACHIEVING 101%?

What equals 100% in life?

Here's a little mathematical formula that might help
answer these questions:
If:
A B C D E F G H I J K L M N O P Q R S T U V W X Y Z
Is represented as:
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26.

If:
H-A-R-D-W-O- R- K
8+1+18+4+23+ 15+18+11 = 98%

And:
K-N-O-W-L-E- D-G-E
11+14+15+23+ 12+5+4+7+ 5 = 96%

But:
A-T-T-I-T-U- D-E
1+20+20+9+20+ 21+4+5 = 100%

THEN, look how far the love of God will take you:
L-O-V-E-O-F- G-O-D
12+15+22+5+15+ 6+7+15+4 = 101%

Therefore, one can conclude with mathematical certainty that:
While Hard Work and Knowledge will get you close, and Attitude will
get you there, It's the Love of God that will put you over the top!
It's up to you if you share this with your friends & loved ones just
the way I did..
Have a nice day & God bless!!

--
If debugging is the process of removing bugs, then programming must be the process of putting them in.

UNKNOWN

Хэзээ ч билээ... Бараг 3 жилийн өмнө байх аа, мэйл листэнд ирж байсан юм байна аа.

Үнэхээр их таалагдсан шүү :-) Танд ч бас таалагдана гэж найдаж байна.
Монгол хэлний үсгүүдээр бүтээх гээд үзвэл...

Гошин...

2011-12-06T13:52:00.006+08:00

Гэхдээ л хошин шог биш, зүгээр зар.

"Гутал" компани шинэ жилийн хүлээн авалт хийнэ. Амт чанартай сайхан хоол, сайхан хөгжим. Утас...

гэнээ :D

Ахиллийн шөрмөс - 3

2011-12-04T21:20:00.003+08:00

Өнөөдөр таягаа хаяж алхах гэж оролдлоо. Харин орой харсан чинь ийм үр дүнтэй.

Хөдөлгөөний хомсдол гэдгийг жинхэнэ мэдэрч байна аа. Сарын дараа өвдгөөрөө нугалах ямар сайхан бэ гэдгийг л ойлголоо. Гэхдээ сарын турш нугалаагүй өвдөг нугалаад буцаагаад тэнийхээрээ аймаар өвддөг юм байна. Хөлөө хэд хөдөлгөөд л баруун хөлийн булчин булраад нэл өвчин. Тэгэхээр бидний биед хөдөлгөөн ингэж л дутдаг байх нь гэж бодож сууна.

Ахиллийн шөрмөс - 2

2011-12-02T09:02:00.013+08:00

Хагалгаанаас хойш яг 1 сарын дараа хөл маань иймэрхүү байдалтай байна. Косметик оёо тавьсан учир оёоны утас авахуулах энэ тэр гэсэн асуудалгүй сарын дараах байдал. Тэр хар цэгүүд нь ил байсан оёдлын "шархууд".

Зарим нэг том нь шохой холгоод үүссэн шарх. Өвдөг давсан том шохойг аваад хөлийн ар талд, өвдөгнөөс доош, тэгээд хөлийн өлмийг дээш татсан байдалтай шинээр шохойдуулахаас өмнө иймэрхүү харагдаж байна. Харин таталтын дараа, тасархай хэвээрээ юм биш биз дээ гэсэн айдас төрүүлж байсан шөрмөсний хонхорхой арилж санаа амарлаа.

Таяг тулж явах чинь бас амаргүй л эд юм. 2 гарын алга цэврүүтээд, хатуурч эвэршээд ийм болж эдгэж байна одоо. Бас 2 суга их өвчин ордог юм байна.

Би Домог

2011-12-01T11:52:00.012+08:00

биш л дээ, хэхэ. Заавал ямар нэг зүйлээ, жишээ нь амиа ч юм уу золиосолсон хүн домог болон үлддэг юм болов уу? гэж л бодсон хэрэг.

"Данкогийн домог" гээд бага байхдаа уншиж байсан зохиолд ойд төөрсөн хүмүүсийг зүрхээ гарган гэрэлтүүлж замчилдаг Данко-гийн тухай гардаг даа. Оросын алдарт зохиолч Максим Горькийн бүтээл юм байна. Хөөрхий тэр зүрхээ гаргасан юм чинь мэдээж үхсэн. Тэрэнд нь харамсдагсан хүүхэд байхад. :-)

Харин энд би бас нэгэн домгийн тухай дурдах гээд. Вилл Смитийн тоглосон "Би Домог" кино.

Миний л хувьд аймшгийнд тооцогдох хэдий ч дуртай жүжигчнийхээ тоглосон энэ киног шимтэн үзчихээд 2 ч удаа хар дарж зүүдэлж билээ, нөгөө муухай зомбинуудыг.

Энд харин киноны өөр нэгэн, албан бус төгсгөлийн тухай бичиж байна. Албан ёсны хувилбарын төгсгөлд эрдэмтэн Роберт Невилл хүн төрөлхтөнийг үгүй хийж байгаа аймшигт

нянгийн эсрэг вакциныг гарган авах туршилтаа удаан үргэлжлүүлсний эцэст амжилт олох хэдий ч вакцинаа зомби нараас хамгаалахын тулд амиа өгдөг. Харин 7 минут орчим үргэлжлэх ялгаатай төгсгөлд бол эсрэгээрээ эрдэмтэн маань зомби нарт туршилтад байсан өвчтэй эмэгтэйг өгч явуулан, өөрөө амьд үлдэн, найзынхаа хамт явснаар кино дуусна.
Үнэхээр, хэрэв тэр үхэхгүй л бол кино "Би Домог" гэж нэрлэгдэхгүй байх байсан юм болов уу? Тэр вакциныг амиараа сольсон учраас л хүмүүс түүний юу хийснийг үүрд дурсана гэсэн үг үү?

Энэхүү хасагдсан төгсгөлөөс надад хамгийн таалагдсан хэсгүүд.

Зомбинуудын ахлагч, Вилл-д баригдан туршилтанд орсон эмэгтэйгээ л авахыг хүсч байгаагаа ойлгуулдаг хэсэг. Тэр шилийг мөргөн хагалж, хэд хэд оролдсоны дараа гараараа эрвээхэйн дүрсийг үүсгэнэ.

Үүнийг ойлгосон Вилл өвчтэй эмэгтэйн гар дээрх шивээсийг санан очиж харна.

Ингээд тэр эмэгтэйг тэдэнд өгөх хэрэгтэйг ухааран хаалгыг онгойлгуулж, түүнийг авч гарна. Тал талаас нь зомбинууд идчих шахах авч ахлагчийнхаа тушаалаар түүнд ойртож чадсангүй.

Тэдэнд ч бас хайр байдаг бололтой. Хайр гэж хаа сайгүй байдаг агуу эд юм аа :-)

Бүсгүйгээ олсон тэд эрдэмтнийг орхин явна.

Вилл тэдэнд вакциныг өгч явуулсан гэж найдаж байна :-)

2010-05-18

Филипок (Лев Николайвич Толстой)

2011-11-25T14:12:00.006+08:00

За нөгөөх чинь бүүр тийм алдартай зохиолчийнх болж таарлаа шүү. Үргэлжлэлийг нь одоо бол чадан ядан орчуулах гэж оролдоод үзье.

Филипок (Лев Николайвич Толстой)
Үргэлжлэл

Тэр багш руу харан уйлчихав. Багш түүний толгойг илж, энэ хүү хэн болохыг хүүхдүүдээс асуулаа..

- Энэ бол Филипок, Костюшкиний дүү. Тэр сургуульд явахыг хүсдэг ч ээж нь түүнийг явуулаагүй. Тэгээд тэр нууцаар хүрээд иржээ.

- Тэгвэл ахынхаа дэргэд очоод суу. Харин би чамайг сургуульд явуулаач гэж ээжээс чинь гуйя.

Ингээд багш Филипокт үсэг зааж эхлэхэд тэр аль хэдийн мэддэг учир бага багаар уншиж байлаа.

- Чи өөрийнхөө нэрийг үсэглээдэх дээ гэж багшийг хэлэхэд Филипок

- хве-и-хви, —ле-и-ли, —пеок-пок гэхэд бүгд инээлдэв.

- Сайн байна гэж багш хэлээд, - Хэн чамд уншихыг заасан бэ? гэхэд Филипок их л бардамаар

- Костюшка. Би ухаантай шүү, бүгдийг нь дор нь ойлгосон. Би ямар эвлэгхэн гээ!

Багш инээмсэглэн

- Үнэнч занг чи мэдэх үү? гэхэд Филипок

- Мэднэ ээ гээд Гэгээн Мариягийн тухай ярьж эхлэв. Багш түүнийг зогсоогоод

- Хангалттай, хичээлдээ орцгооё гэж хэлэв.

Тэр цагаас хойш Филипок хүүхдүүдтэй хамт сургуульд явдаг болсон юм.

Ёстой барахгүй эд байна. Гурилдаад л тавьчихлаа. Нээх сайхан орчуулаад өгөх хүн байна уу?

Филипок

2011-11-25T09:01:00.007+08:00

Саяхан энэ өгүүллэгийн тухай дурдаад, эргэн санах гэж оролдсон ч цасан дээр унасан хүүхдийн тухайгаас өөр юу ч толгойд орж ирээгүй юм. Гэтэл өнөөдөр санамсаргүй бүр хуучны дэвтэр олоод хартал оросоос орчуулж байсан бололтой гараар бичсэнээр олдог байна шүү. Дутуу юм гэхдээ. Яаж дуусдаг билээ дээ? Бас би өөрөө орчуулсан юм байх даа гээд гайхаж сууна.

Филипп гэдэг нэртэй хүү байжээ. Хүүхдүүд бүгд сургуульд явцгаав. Филипп малгайгаа авч тэдэнтэй хамт бас явахыг хүсчээ. Гэвч ээж нь түүнд:

- Чи хаачих нь вэ Филипок? гэхэд

- Сургуульд

- Чи бага байна, бүү яв гэж хэлээд ээж нь түүнийг гэрт орхиод явав.

Хүүхдүүд бүгд сургууль руу явцгаасан. Эцэг нь өглөө ой руу явсан, ээж нь өдрийнхөө ажилд явсан байв. Харин эмээ нь л пийшин дээрээ хэвтэж түүнтэй хамт гэртээ үлдэв. Эмээ нь унтахад Филипок уйдаж эхэлжээ. Тэгээд малгайгаа хайж эхэлсэн ч өөрийнх нь олдсонгүй, харин эцгийнх нь хуучин малгай олдсоныг өмсч аваад сургууль руу явав. Сургууль тосгоны цаад талын сүмийн дэргэд байдаг байв. Филипок тосгоны дундуур явахад ноход түүнийг таньдаг болохоор дайрахгүй байсан ч нэг хашааны дэргэдүүр өнгөрөхөд Жучка хуцан гүйж, Жучкагаас том Волчок гэдэг нохой гарч ирэв. Филипок айсандаа зугтаж, ноход түүнийг хөөв. Филипок хашгирч, уйлж эхлэв. Гэтэл нэг эрэгтэй хүн гарч ирэн нохойнуудыг хөөгөөд,

- Жаал минь чи ганцаараа хаачих гэж яваа юм? гэхэд Филипок юу ч хэлэлгүй хормойгоо шууж бариад цааш гүйсээр сургууль дээр ирэв. Довжоон дээр хэн ч байсангүй, харин сургууль дотор хүүхдүүдийн цангинасан дуу сонсогдож байв. Филипокод "Багш намайг хөөх болов уу?" гэсэн айдас төрж байлаа. Тэгээд тэр юу хийхээ бодож эхдэв. Хэрэв эргээд явбал ноход дахиад л идчих шахна. Сургууль руу орох гэхээр багшаас айна хэмээн бодож зогстол сургуулийн дэргэдүүр хувин барьсан эмээ явахдаа түүнд

- Бүгд орсон байхад чи ганцаараа яагаад зогсч байдаг билээ? гэв.Филипок ч сургууль руу оров. Тэр үүдний пинд малгайгаа авч хаалгыг татан орсон. Сургуулийн хүүхдүүд бүрэн байв.

Бүгд л өөр өөрийнхөөрөө орилолдож, улаан ороолт зүүсэн багш дундуур нь явж байв.

- Чи хэн бэ? гэж хэн нэг нь Филипокт хандан хашгирахад Филипок малгайгаа авч юу ч дуугарсангүй.

- Чи хэн бэ?

Филипок дуугарсангүй.

- Эсвэл чи хэлгүй юм уу?

Филипок айж байсан учир юу ч хэлсэнгүй.

- Хэрэв ярихыг хүсэхгүй бол чи гэртээ харь.

Үргэлжлэл бий

Ахиллийн шөрмөс

2011-11-20T17:41:00.006+08:00

Ээлжит асуудал бол шөрмөс. Өнгөрсөн жил өдийд л байх. Хөлөө удаан дарж суусны улмаас цус боогдож байснаа, гэнэт хүчтэй гүйгээд жирвэлзэн, мэдрэлгүй юм шиг бадайрдаг даа. Нэг тийм өдөр босч ирээд анзааралгүй тэр дороо алхах гэж оролдоод унаж, шагайн гаднах зөөлөн эдээ гэмтээчихсэн юм. Хэд хоноод гайгүй болсон ч одоо хэр нь өсгийтэй гутал дээр удаан явах, зааланд тоглох г.м ачаалал өгөх үед өвдөөд салахаа байж.

Гэтэл харин саяхан зааланд тоглож байгаад нөгөө хөлийнхөө шөрмөсийг тасалж орхидог байна шүү.

Шагайн ард, шилбэний булчингийн доор байрлах шөрмөсийг анагаах ухаанд Ахиллийн шөрмөс гэж нэрлэдэг бөгөөд хүний биеийн хамгийн том шөрмөс юм байна. Хөлний хөдөлгөөнийг голчлон удирддаг, хэрэв тасарсан хэсэг нь сайн эмчлэхгүй бол хөлийн хөдөлгөөнийг эргэн сэргээх боломжгүй болдог гэнэ.

Энэ шөрмөсний хагас буюу бүтэн тасралт гэсэн гэмтэл ялангуяа спортынхонд хамгийн түгээмэл тааралддаг бөгөөд бие халаалт сайн хийгээгүйгээс болж маш амархан гэмтдэг юм байна. Тухайн хүнд мэдрэгдэхдээ шилбэний ар руу хүн өшиглөх эсвэл буудах мэт мэдрэмж төрж, мэдэгдэм чанга дуу гардаг байна. Их том, хамгийн бүдүүн шөрмөс маань тасарч байгаа болоод тэр байх. Миний хувьд Золоо эгч өшиглөчихлөө гэж л бодсон ч... ;))
Эмч “Хүн өшиглөх шиг болсон уу? Эргээд харсан чинь хэн ч байгаагүй юу?” г.м асуух үед нь гайхаж байсан ч ийм мэдрэмж төрдөгийг нь уншаад ойлголоо.

Хэрэв шөрмөс бүрэн тасарсан бол нээлттэй, ил мэс ажилбар хийн залгах арга хэмжээ авдаг ба аль болох цаг хугацаа алдалгүй хийх хэрэгтэй байдаг гэнэ.

Харин хагас тасарсан тохиолдолд 2 замаар эмчилдэг бөгөөд уламжлалт арга нь хөлийн өлмийг жийлгэн шохойдож, шөрмөсний үзүүрүүдийг уулзуулсан байдалтай 6-8 долоо хоног байлгаснаар шөрмөс залгагдан сорвижин (яг л яс бороолдог шиг) эдгэдэг гэнэ. Нөгөө арга нь ил эсвэл далд оёх мэс ажилбар хийн тасарсан хэсгүүдийг залган үзүүрүүдийг нь нийлүүлэн, мөн хэсэг хугацаанд хүлээснээр эдгээдэг арга байна. Ер нь шөрмөс өөрөө судаслаг биш эд болохоор цусан хангамж сайтай бишээсээ болоод эдгэхдээ удаан байдаг бололтой.

Уламжлалт арга төсөр, эмгүй, эрсдэлгүй арга боловч дэлхийн жишиг одоо мэс ажилбарын замыг илүүтэй сонгож байна.

Хагалгаа хийсний гол давуу тал нь дахин тасрах эрсдэлийг багасгана. Зарим эх сурвалжуудад 5-15 хувь бууруулна гэж дурдсан байна. Гэвч ямар нэг хэмжээний мэс ажилбар учраас цус алдах, мэдрэлийн судал дайрах, арьсны халдвар, шөрмөс эргэн анхных шигээ хүчтэй болж сэргэхгүй байх эрсдэлүүд, өртөг өндөр г.м сул талуудтай.
Ерөнхийдөө маш удаан хугацаанд гамнаж байж эдгэрнэ. Хагалгаа эдгээд ирэхээр, хагалгаа хийлгээгүй бол мөн хэсэг хугацааны дараагаас (биеийн байдал, эмчийн зөвлөгөөгөөр) зориулалтын гутал өмсөж байж алхвал их сайн. Энэ нь эхлэн алхах үеийн шөрмөсний суналтыг хязгаарлаж алхахад дэм болж байдаг бололтой. Дараа нь биеэ халаах, булчингаа сунгах, удаанаар их ачаалал өгөхгүй дасгал хийх г.м алхамуудаар дасгаж авдаг юм байна.
Хамгийн гол нь тамирчин, спортоор хичээллэдэг, сонирхдог хүмүүс биеэ сайн халааж байхгүй бол ийм асуудал таараад байх магадлалтай юм. Буян хишиг ихтэй Балжинням Дашнямтай өдрүүдээр тохиосон манай сургуулийн тэмцээнээр л гэхэд 4 хүн ийм асуудалтай тулгарсан шүү. Зааланд хувцасаа солингуутаа л бөмбөг хөөгөөд гүйж болохгүй нь ээ.

Энэ бүхнийг ГССҮТөвийн эмч нартай хөлийнхөө шөрмөсийг залгуулж оёулна хэмээн зөрүүдэлж байх явцдаа уншиж мэдсэн билээ. Их эмч Эрдэнэбилэг, Баасанжав нар Гэмтлийн эмнэлгийн хамгийн хялбарт тооцогдом хагалгааг хийж хөлийг минь найдвартай гишгэхээр болгож өгсөн юм. Одоо хөл дээр минь хэдэн цэг төдий л сорви байна, магадгүй удахгүй арилах биз. Тэдэнд чин сэтгэлээсээ талархал илэрхийлье.

11.11.11

2011-11-11T11:11:00.003+08:00

Өнөөдөр аавын минь төрсөн өдөр. Тэр яг 60 настай байх байсан өнөөдөр. Содон өдрөөр нэгэн жарныг элээх байжээ та минь. Эгэлийн эгэл амьдрал, хайрын дээд хайр, ухааны дээж байсан даа та минь. Хүүхэд бүрийн ээжүүд хүүхэд бүрдээ сайхан даа гээд дуулдаг шиг л аав, ээж маань хэний ч хувьд тийм л байдаг. Хүн бүрийн аав, ээжүүд тэдэндээ бурхад. Бүр амьд бурхад. Яагаад гэвэл тэд л биднийг бусдаас илүү хайрласан болоод тэр байх.

Одоо бол тэр минь тэнгэрт байдаг бурхан болсон. Аавдаа би хайртай. Санаж байна таныгаа.

Таныхаа нутаглуулсан газраас, өлмийд тань сөхөрч, адис аван, яг 30 жилийн өмнөх тэр өдрийн, хүүтэй болсон тэр өдрийн тань баярыг сануулан, гунигийг хуваалцан суухдаа та минь баярласанд, ховорхон харж байсан нулимсыг тань ч бас тэнгэрийн энгээс бас мэдэрсэн гэдэгтээ итгэж, дүү минь тэнд юу бодож байсныг төсөөлөх гэж оролдсон.
Шиврээ зөөлөн бороотой, манан буусан нэг их сайхан өдөр байсан. Цэцгийг зайгүй үргэлжлүүлэн дэвссэн мэт тал дундуур зам татуулан давхиж очсон, бас одсон би. Дахиад л цэцгэн хээтэй зунаар, цалин цагаан цаснаар ч, бороотой намраар эсвэл хавар эртийн яргуйтай олон очно оо.

Нүүрний мэдрэлийн саажилт

2011-11-02T17:32:00.008+08:00

Эрүүл мэндийн асуудлаар өмнө тэмдэглэж байсан болон саяхан тохиолдсон асуудлуудынхаа талаар оруулахаар боллоо.

Хүний нүүрний мэдрэлийн гол сувгууд чихний омогны урд байрлах цэг дээрээс салаалж тархсан байдалтайгаар нүүрийг мэдрэлээр хангаж, бид нүдээ аньж нээж, амаа ангайж, хааж, хоолыг зажилж, залгиж чаддаг байна.

Хэт ядаргаанд орох, хэт хүйтэнд хайрагдах г.м шалтгаанаар энэхүү мэдрэлийн судлууд саажилтанд орсноор дээр дурдагдсан наад захын үйлдлүүдийг бид хянаж чадахаа болино гэсэн үг.

Олон жилийн өмнө би ч мөн энэ өвчний хохирогч болж байсан бөгөөд харин харьцангуй бага ор мөр үлдсэн юм. Гэтэл саяхан үсчинд нэгэн эмэгтэйтэй тааралдаад тэсгэлгүй асуулаа. Тэрээр өвчлөөд удаагүй байгаа бололтой харагдаад, яаж үр дүнтэй эмчилснээ хэлэх санаатай асуусан боловч 7-8 жил болж байгаа гэнэ. Нэгэнт удаан хугацаанд өвчний шинж тэмдэг үлдсэн хэвээр байгаа бол эргэж сэргэх магадлал ерөнхийдөө бага гэсэн.

Нэг л өглөө босоход нүүрний маань нэг тал татсан байдалтай болсон байсан. Гэтэл үнэн хэрэгтээ тэр тал татсан биш, нөгөө тал нь мэдрэлийн саажилтад нэрвэгдсэн учир булчингууд нь сулраад нөгөө эрүүл тал руугаа татсан мэд харагдаж байгаа юм.

Шинж тэмдэг нь: Булчин суларсан талдаа духны атираа арилах, хөмсөг, нүдний зовхи, хацрын булчин доош унжих, уруулын булан тэр чигтээ унжсан байдалтай болно. Нүдээ анихгүй учир нүд их аргана.

Нүдээ аньж, амаа хамхиж чадахгүй учир хоолыг тэр талаараа асгаж цутган олигтой идэж ч чадахгүй, ер нь харахад нүд хальтрам муухай дүр төрх бий болгочихдог юм. Нэг ах маань намайг хараад уйлж байж билээ.

Эмчилгээ: Цаг алдалгүй бүхий л төрлийн арга хэмжээг авснаар ул мөр багатай эдгэх боломжтой. Физик эмчилгээнээс зүү тавиулах, мөн ПП витамин, Прозерин нэртэй тариа тариулах их үр дүнтэй байсан. Миний хувьд Прозериныг гарын булчинд хийдэг боловч дээр дурдсан чихний урд байрлах мэдрэлийн сувгуудын эхлэл дээр тариулах нь хамгийн үр дүнтэй зам юм. Цэгийг нь олж зөв тарьдаг хүн олж тариулахгүй бол дурын эмч ч тарьчихдаггүй юм билээ.

Хэн нэгэнд хэзээ нэгэн цагт хэрэг болж магад гэж бодоод тэмдэглэмээр санагдлаа. Битгий их уйлж шаналаарай хүмүүс ээ. Тэр чинь энэнд ямар их нөлөөлдөг гэж санана.

2011-04-15

Гэгэлгэн...

2011-10-25T17:38:00.002+08:00

Я.Цэвэлийн Монгол хэлний тайлбар толины онлайн хувилбараас ГЭГЭЛЗЭХ, ГЭГЭЛГЭН, СЭТГЭЛ ГЭГЭЛЗЭХ гэдэг үгийн утгыг хайгаад ТОЛГОЙГОО ӨЧҮҮХЭН ӨЧҮҮХЭН ДОХИСХИЙХ гэсэн хариу оллоо. Санаанд хүрсэнгүй. Магадгүй Монгол хэлний эрдэмтдээр нэлээн шүүмжлүүлдэг НЭЛЭЭДГҮЙ г.м. орчин үед илүү хэрэглэдэг болсон үгнүүдийн нэг юм болов уу?

Юутай ч миний ойлголтоор ГЭГЭЛЗЭХ гэдэг нь сэтгэл хөвсөлзөх, сэтгэл хөдлөх, сэтгэл догдлох гэсэн утгатай юм шиг. Хэрэв тийм бол энэ зохиолын дуу гэдэг чинь хүний сэтгэлийг гэгэлзүүлдэг эд юм аа. Тийм зүйлсийн нэгэнд багтах л байх.

...

Хоёр зүрхтэй бол чамайг бас хайрламаар байна

...

Дурлаад дуудаад дуулаад ч чи ирсэнгүй

...

Дэрээ нэвтэртэл уйллаа би

...

гээд яваад байвал нэлээн цаашилна аа. Тэгээд нөгөө хүүхдүүд нь, хүн дэрээ нэвтэртэл уйлдаг юм байна, ба арай багадуулаад байна гээд бодчихно оо, ккк. Ая дан нь ч үгтэйгээ нийцэлтэй гэж жигтэйхэн.

Хэсэг зохиолын дуунаас ангид байж байгаад эргээд сонсоод байхаар яг мэдэгддэг юм байна даа. Ойрын үед ОРООД байгаа дуу бол Аялгуу бүүвэй ээж, Зүүдний шувуу шиг бүсгүй г.м. Та сонсож үзээд таашаах эсэхийг мэдэхгүй. Гэхдээ 2 дахь нь лав өнгөрсөн хавар хит болсон дуу гэсэн.

Халуурал

2011-07-27T06:47:00.002+08:00

...

- Яаж ч бодсон танайд 100 их сургууль байх боломжгүй ээ. Арай дэндүү байна. Яаж ийм байж болох юм бэ? 3 сая хүрэхгүй хүн амтай, ганцхан хотдоо ихэнх нь амьдардаг. Тэгээд? Итгэж чадахгүй нээ. Тэгээд хэдэн оюутантай байх юм бэ? Хэн тэнд чинь явдаг байна аа?

- Манайх танай Европ шиг хөгшин биш ээ, хүн амын ихэнх нь залуучууд.

- Үгүй гэхдээ, масс их байлаа гээд, нийт хүн ам чинь ийм жаахан байхад... Энэ үнэхээр боломжгүй гэж бодож байна. Манай улс 70 шахам сая хүн амтай, 100 аад их сургуультай. Миний амьдардаг хот 3 сая хүн амтай, одоо 2 дахь их сургууль нээгдэж байгаа. Тэгээд харьцуулахаар толгойд үнэхээр буухгүй нээ.

- ...

Яаж яваад ч юм ийм ярианд хүрсэн юм. Уншиж харж байсан 180 гэсэн тоогоо ДАРААД ДАРААД 100 орчим гэж хэлээд ч барсангүй. Саяхан хаагдсан сургууль 8, төрийн өмчийн их сургуулиуд бараг 10 орчим гэж бодоод харьцуулахад бодит тоо санагдаж байсан ч сүүлдээ өөртөө итгэлтэй байсан энэ тоонд ч эргэлзэж эхэлнэ биз дээ. Гүүглдээд үзтэл үнэхээр дээд сургууль, коллежуудаа оруулаад 180 юм байна.

Дахиад адууны мах...

2011-07-17T20:03:00.001+08:00

...
- Морины мах их хатуу байх аа?
- Яагаад тэгж бодож байгаа юм?
- Дандаа давхиж байдаг болохоор тэр чигтээ нэл булчин, их л хатуу, идэхэд хэцүү санагдаж байна.
...

ХАХА, Самет...

Адууны мах БА Нохойн мах

2011-07-17T19:54:00.002+08:00

...
- Яаж та нар морины мах иддэг байна аа?
- Манайх хүйтэн учраас өвөлдөө илчлэг ихтэй хүнс хэрэглэхгүй бол болохгүй. Адууны мах чинь илчлэг ихтэй учраас тэр. Гэхдээ иддэггүй хүн ч байдаг.
- Яг эд нар нохойн мах иддэг шиг санагдаж байна
- Яаж тэрэнтэй зүйрлэж чадаж байна аа? Энэ чинь огт өөр зүйл.
- Миний хувьд лав ялгаагүй. Нохойг хүний нөхөр болохоор нь иддэг гэхээр сонин байдаг юм. Морь ч гэсэн хүний нөхөр ш дээ...
...

ЗАЛБИРАЛ

2011-07-14T06:59:00.000+08:00

УМ МА НИ БАД МИ ХУМ

"Ижийтэйгээ vзсэн тэр жилийн наадам"

2011-07-10T20:49:00.013+08:00

Аргасан нүдэнд минь ч нулимс торуулж дөнгөдөг Ардын уран зохиолч Б.Лхагвасүрэн гуайн шинэ яриаг, шүлгийг олж уншлаа. Дахиад л мэлмэрүүлж орхилоо. Хүмүүс түүнийг хүү Хасарыг нь Болор цом авах жил нь янз бүрээр их л хэлж байсан даа. Тэгсэн ч гэсэн яадгийн, би лав тэр хүнийг шүтдэг. Тэрүүгээрээ муу байсан ч яахав, надад падгүй.

Нээсэн тоолонд минь түүний шүлгүүд гарч ирээд байх юм өнөөдөр, яг л "Сэтгэлийн чинь утсыг хөндөх гэсэн юм би" гэсэн шиг... Хэлэх гэснийг минь хэлдэг болохоор тэр байх. Нээрээ л түүний хэлснээр онгорхой цоорхой бүхнээ ойр тойрныхон, хэдэн найз найраараа нөхөж яваа он жилүүдийг минь сануулсан болоод тэр байх, өнөөдрийн яриа шүлэг онцгой байлаа. (Энэ тухай удахгүй дурдана)

Татсан тамхиных нь цэнхэр утаа хөвөрсөн бодлыг тань урлан, ухааны чинагш аялах үг бүрийг чинь олж ирэн, улам биднийг баясгах болтугай.

Монгол Улсын Төрийн шагналт, Ардын уран зохиолч “Болор цом” наадмын гурван удаагийн эзэн, Драмын урлагийн “Гэгээн муза” наадмын хоёр удаагийн шагналт, утга зохиолын “Алтан–Өд” наадмын хоёр удаагийн шагналт, Монголын зохиолчдын эвлэлийн шагналт, Америкийн дэлхийн утга зохиолын их сургуулийн хүндэт доктор эрдэмтэн С.Лувсанвандангийн нэрэмжит гоо зүйн дээд шагналт Б.Лхагвасүрэн

Ижийтэйгээ vзсэн тэр жилийн наадам

Ижийтэйгээ vзсэн тэр жилийн наадам
Цэцэг нар хоёртоо бахардсан наадам
Ижийтэйгээ vзсэн тэр жилийн наадам

Чихэр инээд хоёртоо бялуурсан наадам
Наадамчдын зулай дээр
Нар голлон халуун байсан ч
Элбэг дээл шиг
Ижийнхээ сvvдэрт хярахад сэрvvхэн
Дан эмжээртэй
Даалимбан дээлнээс минь
Даавууны шинэхэн vнэр
Сэнгэнэх нь даан ч сайхан
Над шиг гоё хvнгvй
Тэр жилийн наадам
Нар хур тэнцсэн
Тэр жилийн наадам
Долоогийн даваа
Нар хэвийлгэн шувтарч
Даага ирлээ гэсэн шуугиан
Наадмын хєндий дvvрсэнсэн
Тоссон ирсэн хоёр тоос
Бичигтийн хєндийд томолдож
Тоос тоосны дундаас
Зургаан даага сугарсансан
Хошуу сvvл даран
Хоорондоо их ойрхон
Барианы газар
Бараа саахалтын хэртэй
Бэлчээрт хvрсэн нь л тvрvvлнэ гэсэн аархал
Эмээл бvхэн дээр ноцож байхад
Бичигт хадны сvг зураг
Татвалзаж байх шиг санагдсан...
Хєтєлгєє гvvтэй євгєн уяач хажууд байсныг
Хєєрч догдлохдоо би хараагvй байж
Зєв талын дєрєєн сэнж ханхийлгэн
Жингэнэтэл vvрсэн хєтєлгєє гvv нь тэлvvлэв
Зургаад нь явсан буурал даага
Зуузай даран янцгааснаа сvvл нь годойж
Хаанаас гарсан ид шид нь энэ вэ гэлтэй
Хар хурдаараа яралзан барианд магнайлав
Хєлсийг нь хусахын зав єгєлгvй
Хєхєє хєхєх гэж эх рvvгээ шунгав
Эхийнхээ дууг сонссон
Исгэл даага сум юм билээ
Ингэдэг гэдгийг нь мэддэг
Хашир уяач нум юм билээ
Ижийтэйгээ vзсэн тэр жилийн наадам
Цэцэг нар хоёртоо бахардсан наадам
Ижийтэйгээ vзсэн тэр жилийн наадам
Чихэр инээд хоёртоо бялуурсан наадам

Наадам аа гэж...

2011-07-09T10:19:00.008+08:00

Нэлээн дээр 4 хоногийн зураглал гээд агшин зуур хувирдаг Монголын цаг агаарын тухай дүрслэх гэж оролдож байж билээ. Харин өнөөдөр гэнэт наадмын өмнөх зураглал нүдэнд тодроод ирлээ. Буулгах гээд оролдвол...

Наадам дөхөөд л байдаг. Хөдөө бол... алив нэг нүдээ аниад төсөөлөх гээд оролдъё.

Наадам гэхээр хамгийн түрүүнд ногоон өнгө санаанд бууж байна. Цэл ногоон тал, уул хөндий , тэгээд тэнд дүүрэн алаглах асар майхан, унаа машин, морь хүн гээд л тэд ногоон дэнжийг өнгийн цэцэгс аятай чимсэн тийм зураг л бууж байна. Хаа сайгүй хардаг болоод тэр байх.

Өнөөдөр их сунгааны өдөр. Морины хүүхэд, уяач нарын сэтгэл дэвэлзэж, наадмын өглөөний үүлийг харах л үлдлээ гэж суугаа байх даа. Нэг өдөр амраагаад л хөдөлмөрийнхөө үр шимийг үзнэ дээ гээд л... Маргааш өглөө мандах нарнаар сэргэлэн горхиныхоо шүд хага ташим усаар морио усалж, шүүдэр бөнжигнөсөн өлөн өвс хэд хазуулаад... Ийнхүү бодол хөвөргөн суугаа байх даа.

Морьтойгоо ярих нь холгүй(ярьдаг ч биз) зүлгэн дээр завилан бодол болон суугаа тийм л хүн харагдаж байна. Хөгшин эсвэл, хүүхэд нь мэдэгдэхгүй ч шляп тавьсан, дээлнийхээ энгэрийг сул тавьж сугалдаргалсан, тийм л хүн байна.

Хурдан морь ирэхийг харах үнэхээр хамрын самсаа шархирахгүй байхын аргагүй шүү. Гэхдээ барууны тэр морин тойруулгын уралдаан тэгтэл юм бодогдуулдаггүй ш дээ. Харин наадмын өдрийн морьд бол ч... Тээр жил наадмаар... Ээжийнхээ урласан цэнхэр даашинзаар гоёод аавынхаа шинэхэн ногоон автобусанд суугаад наадам үзэж билээ. Цэнгэлдэхийн суудалд сууж анх үзэж, хурдан морь ирэхийг анх харсансан. Тэгэхэд хэд хэдэн морь унаад (бодвол үхсэн байх) өөрийн эрхгүй уйлж билээ, үнэхээр өрөвдөм юм билээ. Тэгээд дахиж морь үзэх сонирхолгүй болчихсон. Зурагтаар харахаар тийм тал нь харагдахгүй амар. Гэхдээ л сэтгэл хөдлөм сайхан агшин шүү яах аргагүй.

Эмээл дээрээ шувуу шиг босоод

Наадмын морио унадаг байлаа

Эрээхэн цамцаа дэрвэн дэрвүүлсээр

Агтны түрүүнд ирдэг байлаа

гэдэг дуу хүүхэд байхад дуулдаг байсан ш дээ, гэнэт толгойд ороод ирлээ. Хурдны байтугай хонины морь унаж чадахгүй ч тэгж бодогддог л байсан юм даа.

Ээжүүд харин ханьдаа, хүүхдүүддээ шинэ дээл оёж дуусгах гээд завгүй. Энэ жил бороо хур ихтэй, түүнээ дагаад сэрүүхэн байгаа сурагтай. Дээлээ дуусгахгүй л бол... чухам л хэрэг болно энэ чинь.

Хотод бол арай өөр өө. Наадмын хоол хүнсээ бэлдээд, зурагтаа үзэн тухалж авна. Уртын дуу хангинаж, морьдын уралдаан, бөхийн барилдаан харж, наадмын хуушуур амталсан шигээ сайхан тухална даа харин ч нэг. Тэгээд ч энэ жил их удаан сайхан амрах юм чинь...

Харин Нарантуул, Хархорин дээр бол 10-ны орой болтол багширна даа манайхан. Баяр болохоор л нөгөө цаг цагаар нэг цаддаг гэдэг шиг л амарч, идэж ууж, наргиж гэртээ өнгөрөөдөг болохоор хамаг юмаа бэлдээд л гүйлдэж гарна. Ядаж цалин пүнлүү нь цагийг нь тулгаж буудаг болохоор өөр ч аргагүй. Харин наймаачид баярыг далимдуулан овоо "новш"-ноосоо салж аваад, үлдсэнээ маргааш нөгөөдөр наадмын талбай хавиар дуусган, хөнгөрөх тухай бодож байгаа байх.

Энэ жил цагаан сараар ганцаараа байсан чинь наадмаар бас л ганцаараа байх нь. Сонин л юм. За гэхдээ яахав. Сэтгэл жаахан хөдөлж байна шүү. Өнөөдөр хагас сайн ч гэсэн ажлын өдөр болгосон болохоор сонин хэвлэлүүд ажиллаад унших юм нэлээн харагдаад...

Бөх. Бөх уг нь их сайхан л даа. Ялангуяа цол олгодог болоод тэр үү, наадмын барилдаан их сайхан байсан. Даанч одоо бас бөх үзэх дургүй болчихсон бас. Яагаад гэвэл тэд худлаа барилдаж, хүмүүсийг хуурдаг болохоор. Нар, бороо, шорооноос залхалгүй сууж тэднийг л харж баясан суугаа хүмүүсийг огтхон ч хүндэлдэггүй болохоор хүмүүс улам дургүй болоод л байгаа.

Сурын харвааг ч угаасаа сайн мэдэхгүй болохоор...

Миний мэдэх наадам нэг иймэрхүү л төсөөлөгдөж байна доо. Тэгээд сайхан мах чанаж идээд, айраг олдвол уугаад л зурагтаар Мандухай цэцэн хатан, 3 Магнай-г үзээд л наадам дуусдаг даа.

Дэлхийд ховор
Дээлтэй түмнийхээ
Дэнж хотойлгосон наадмаар
Уясан морь нь хурдан
Дэвсэн бөх нь хүчтэй
Тавьсан сум нь эрчтэй мэргэн байж
Түмэн олноороо сайхан наадаарай!

Виртуаль WiFi - Connectify

2011-06-17T19:23:00.003+08:00

WiFi гэдэг бол хүмүүс компьютер, төхөөрөмжүүдийг хаана, хэрхэн яаж ашигладаг байсныг үндсээр нь өөрчилсөн технологи билээ.

Майкрософтын судлаачид 2002 оноос хойш виртуаль WiFi хөгжүүлэлтийн асуудлыг эхлүүлсэн. Энэ нь сүлжээний картыг хэд хэдэн бие даасан адапторуудад хуваарилах асуудал дээр үндэслэгдсэн байж.
Өөрөөр хэлбэл Виртуаль WiFi буюу VWiFi нь програмын түвшинд wireless LAN картыг хэд хэдэн виртуаль адаптеруудад хуваадаг байна. Майкрософт төслийг 2006 онд зогсоосон боловч үйлдлийн систем дээрээсээ тэрхүү онцлогийг авч хаяагүй юм. Энэ нь Windows 7 хувилбар дээр нь "Native 802.11 Virtual Wireless Fidelity (Virtual Wi-Fi) object identifiers (OIDs)" байдлаар хэрэгжсэн байна. Тэгэхээр ямар нэг нэмэлт програмын тусламжгүйгээр Windows 7 үйлдлийн систем шууд Виртуаль WiFi үүсгэх боломжтой гэсэн үг. Интернэт холболтоо гүүр болгон дамжуулах, эсвэл хэдхээн хялбархан командын тусламжтайгаар тэр боломжийг бид ашиглаж болох юм.

Эдгээр нь өнөөдрийн бидний дурдаж байгаа Connectify програмын гарч ирсэн зам юм. Connectify бол, хэрэв танд wireless адаптор, Windows 7 бүхий компьютер байхад, ердөө л хэдхэн товшилтын дараагаар WiFi, LAN аль ч хэлбэрээр авч байгаа интернэтээ буцаагаад утасгүй байдлаар цацах WiFi hotspot үүсгэх боломжийг бидэнд олгож байгаа програм юм. Ингэснээр бүх төрлийн гар утас, зөөврийн компьютерүүд, утасгүй төхөөрөмжүүд таны WiFi рүү холбогдон ижил хурдаар интернэт ашиглах боломж бүрдэх юм. 3G, GPRS/Edge г.м интернэтийн төлбөрөө хэмнэх боломж ч гарч ирлээ шүү...

Таалагдана гэж найдаж байна :-)

Ашигласан материал:

http://www.connectify.me/

http://www.sheeptech.com/share-internet-connection-on-windows-7-without-software

http://www.istartedsomething.com/20090516/windows-7-native-virtual-wifi-technology-microsoft-research/

http://www.neowin.net/news/windows-7-as-a-wifi-hotspot

Ёстой хөөрхөн шүү, заавал үзээрэй :-)

2011-05-30T05:00:00.000+08:00

Ашгүй, тийм байлгүй дээ, энэ БЛОГГЕР ДОТ КОМ...

2011-05-25T04:29:00.003+08:00

Хэсэг салхи оруулаагүй блогоо хэсэг эргүүлдье үү гэтэл ойрд нэг л биш ээ энэ БЛОГГЕР ДОТ КОМ. Би ядаж шууд ордоггүйг хэлэх үү, дамжиж яваад нэг салгалж, удаж байж орж ирэхээр нэг бол бичлэг харагдахгүй, нэг бол сэтгэгдэл нь алга болох гэх мэтээр намайг дарамтлаад байсан чинь өнөөдөр бүр ордоггүй дээ. Гайхаад гайхаад барсангүй. Нууц үгийг маань хүлээж авахгүй байхаар нь, нөгөө орчин үеийн "өөртөө ч итгэдэггүй цаг" нь болохоор Гүүглийн цахим шуудангаа нээтэл зүгээр байх юм. Гайхалтай нь бусад нь зүгээр ч ганцхан блог руугаа л хандаж болохгүй, "санаатайгаар" оруулахгүй юм аа. Нэг ийм алдаа заагаад...

We're sorry, but we were unable to complete your request.

When reporting this error to Blogger Support or on the Blogger Help Group, please:

Describe what you were doing when you got this error.Provide the following error code and additional information.

bX-dn62wo

Additional information

host: www.blogger.com
uri: /forgot.g

Гайхшаа барж орхичихоод сая IE, Firefox ортол зүгээр байх юм. Тэгсэн харин Гүүгл Хромоос гадна Сафари, Опера дээр ч адилхан асуудал гарч байгаа юм байна. Веб хөтөчийнхөө cache/cookie -ийг нь цэвэрлээд үзвэл бүх юм ОК байна.
Хонины мах иддэг хүн хониныхоо махыг л идэж байж сайхан болдог шиг, Хром дээр харагдац нь хүртэл өөр болоод ирлээ гээч энэ БЛОГГЕР ДОТ КОМ чинь...

ХАХА

2011-05-25T02:50:00.004+08:00

Сурталчилгааг харвал нэг хэлбэрийн аян болох нь ээ дээ янз нь...

Овоо хулгайч юм аа...

2011-05-11T21:00:00.007+08:00

Бээжин дэх Хятадын хаадын ордон музей "Хориотой хот" -оос 10 гаран сая юаниар үнэлэгдэх 20-р зууны эхэн үеийн алтан хэтэвч, толь, цүнх зэрэг эмэгтэй хүний хэрэгслүүд болох 7 үнэт зүйлийг хулгайлаад авчихаж. Эдгээр зүйлсээс 2-ыг нь алдагдсан газраас олсон байна. Хамгийн гол нь тэр олон давхар хамгаалалт, 400 гаруй камерийг яаж аргалж дөнгөв гэдэг сонин байна. Хориотой хот хамгийн сүүлд 1987 онд хулгайд өртөж байсан бөгөөд гэмт хэрэгтнийг барьж насаар нь хохих ялаар шийтгэжээ. Хориотой хот 15-р зууны үед баригдсан бөгөөд Мин Чин гүрний үеүдэд хааны ордон байсаар ирсэн бөгөөд Чин гүрэн мөхсөний дараа 1925 онд музей болгосон аж.

Алдагдасан эд зүйлсийг Хонг-Конгоос хувь хүний цуглуулгаас зээлж авчирч байрлуулсан байсан бөгөөд үзэсгэлэнг түр хугацаагаар хаагаад байгаа юм байна.

Оригиналаараа энд хадгалагдаж байгаа хэдэн зуу, хэдэн мянган үнэт зүйл 62 жилийн тэртээ Тайвань эх газраас салан тусгаарласаас хойш Тайпей-н Ордон музейгээс ч нууцалж байдаг байна. Хятад одоо ч Тайванийг өөрийн газар нутаг хэмээн үзэж, Тайпей-н Ордон музейн үзмэрүүдийг зүй ёсоороо эх газрынх хэмээн шахаж шаардсаар байгаа аж. 2009 оны үзэсгэлэнгээр Бээжингийн ордон музейгээс олон үзмэрийг Тайвань руу зээлж аваачиж байсан хэдий ч, Тайваний тал буцааж өгөхгүй гэсэн шалтгаанаар Хятад руу үзмэр зээлүүлэхээс эргэлзсэн хэвээр байна.

Сайхан гарууд вэ...

2011-05-08T21:04:00.004+08:00

Өмнө хэлний тухай сонирхож явахдаа Монгол хэлний тухай Вики дээр юу байгааг харж байтал харин нэг сайхан гаруудыг олж үздэг юм байна. Яахаараа тийм бичлэг тэнд очоод орчихдог байна аа.

Бямбын Ринчен гуайн зургийн доохно та Монгол хэлээр Монголчууд ярьж байгаа тухай тайлбар бүхий бичлэгийг үзвэл... Гарууд харин ч нэг "гашрааж" байна даа.

- Гуйваад би согтох нь ээ гэсэн чинь нөгөөх нь

- Татчих аа наадах аа ч гэж байх шиг.

Төөрсөн нь...

2011-05-08T04:46:00.002+08:00

Мэдээ унших гэж явтал төөрчихөв үү яав???

Оллоо-гийн жилийн өмнөх факт бас ОЛЛОО :-p

НҮБ-ын хэл, соёлын өдрүүд

2011-05-06T10:43:00.003+08:00

Саяхан НҮБ-ын Хятад хэлний өдөр тэмдэглэж байгаа тухай мэдээ гарч байхаар нь сонирхож үзлээ. Хамгийн түрүүнд Монгол хэлний өдөр байна уу гэтэл алга аа, гайхаад лавшруултал бас Япон, Солонгос хэлний өдөр ч гэж байгаагүйд нь яамай гэж барьцав.

Гэтэл учир нь Япон Солонгостоо биш, харин НҮБ-ын албан ёсны 6 хэл болох Англи, Араб, Испани, Орос, Франц болон Хятад хэлний өдрүүдийг тэмдэглэдэг юм байна. Энэ нь эдгээр хэлүүдээр дамжуулан түүх, соёлыг хүндэтгэх, ололт амжилт, мэдлэгийг нэмэгдүүлэх, тэгш байдлыг дэмжих зорилготой аж.

Англи хэлний өдөр - 4 сарын 23 - Уильяам Шекспирийн нас барсан өдөр
Араб хэлний өдөр - 12 сарын 18 - Ерөнхий ассамблей Араб хэлийг НҮА-ийн үндсэн хэлээр зөвшөөрсөн өдөр
Испани хэлний өдөр - 10 сарын 12 - Испаний үндэсний баярын өдөр
Орос хэлний өдөр - 6 сарын 6 - Александр Пушкины төрсөн өдөр
Франц хэлний өдөр - 3 сарын 20 - La Francophonie олон улсын байгууллагын 40 дэх ойн өдөртэй давхацсанаар сонгосон
Хятад хэлний өдөр - 4 сарын 20 - 5000 жилийн өмнө Хятад дүрс бичгийг дүрсэлсэн Цанг Жие –г хүндэтгэх өдөр

болгон тус тус сонгон авчээ.

Хэрэв, Монгол хэлний өдөртэй боллоо гэхэд ямар өдрийг сонгох бол? Өнөөдөр болж байгаа тэр 5 сарын 6 гээд үндэсний бичгийн өдрийг сонгох болов уу?

Олон улсын эх хэлний өдөр гэж бас 2 сарын 21 өдөр тэмдэглэдэг юм байна. Энэ өдөр орон бүр өөр өөрийн төрөлх хэлийг сурталчлах, хадгалахад хувь нэмэр оруулах байдлаар тэмдэглэн өнгөрүүлдэг аж.

Дашрамд дурдахад, дэлхий дээр хамгийн олон хүн ярьдаг хэлээр гаргасан жагсаалтыг харвал

1. Англи хэл (1,400 - 1,800 million)

2. Мандарин Хятад (845 million)

3. Испани хэл (328.5 million)

4. Португал хэл (240 million)

5. Хинди хэл (236 million)

6. Араб хэл (221 million)

7. Бенгал хэл (181 million)

8. Орос хэл (143 million)

9. Панжаби (140 Million)

10. Япон хэл (122 million)

Төрөлх хэлний хувьд:

1. Хятад хэл Мандарин (1.1 billion)

2. Хинди/Урду хэл (350 million)

3. Испани хэл (330 million)

4. Англи хэл (300 million)

5. Портгуал хэл (220 million)

6. Араб хэл (200 million)

7. Бенгал хэл (185 million)

8. Орос хэл (160 million)

9. Перс хэл (149 million)

10. Панжаби (130 million)

Монгол хэл 5,7 сая хүний хувьд эх хэл нь гэж тооцогддог тухай дурдагдсан байна.

Машин дотор удаан байлгасан савтай ус аюултай!

2011-02-19T20:09:00.004+08:00

Хэрэгтэй мэдээлэл санагдаад и-мэйл листэнд ирсэн мэдээллийг оруулав.

Эллений шоун дээр Шерил Кров түүний хөхний хавдрын шалтгааныг ярьжээ. Ихэнх тохиолдолд, хөхний хавдрын тухайд ДИОКСИН нь өндөр түвшинд яригддаг юм байна. Түүний хавдар судлаач эмч нь түүнд, эмэгтэйчүүд машинд удаж халсан усыг уух нь хортой гэж хэлжээ. Учир нь халалт хуванцар дахь химийн элемэнтүүдтэй үйлчилснээр ус руу доиксиныг ялгаруулдаг байна. Диоксин бол хөхний хавдрын асуудалд хурцаар яригдаж байгаа хорт бодис юм. Тиймээс аль болох савтайгаа удаж халсан уснаас татгалзах хэрэгтэй юм байна. Хуванцрын оронд ган эсвэл шилэн савыг хэрэглэх нь зүйтэй.

Хуванцар сав, таглааг богино долгионы зууханд хийх, савтай усыг хөргөгчинд хийхээс татгалзахыг Волтер рийд –ийн армийн эрүүл мэндийн төвөөс мөн нийтэд мэдэгдсэн байна. Диоксин нь бидний биеийн эсийг ихээр хордуулдаг нь батлагджээ. Хөргөгчинд байлгаснаар мөн л хорт бодис ус руу тархдаг байна.

Түүнчлэн, Кейстл эмнэлгийн эрүүл мэндийн хөтөлбөрийн менежер Эдвард Фужимото зурагтаар энэ тухай тайлбарлахдаа, ялангуяа хуванцар саванд хийсэн өөх тостой хоолыг богино долгионы зууханд өндөр хэмд халаахад хуванцраас диоксиныг илүүтэй ялгаруулдаг гэжээ. Тиймээс оронд нь хоол халаахдаа шил, шаазан сав хэрэглэхийг санал болгосон байна. Тэрээр мөн түргэн хоолны газрууд хөөсөнцөр савыг цаасан саваар сольсны учир нь диоксин гэдгийг дурьджээ. Хуванцар таглааны хувьд, хорт бодис дотор талд нь ууршилтаар үүсээд хоол руу дусах боломжтой гэдгийг сануулсан байна. Тиймээс цаас эсвэл алчуураар саваа таглах хэрэгтэй юм байна.

Энэхүү мэдээлэл нь бид өөрсдийгөө хамгаалах нэг хэлбэр бөгөөд ойр тойрныхоо бүхий л эмэгтэйчүүдэд дамжуулахыг хичээгээрэй.

Догь

2011-01-25T10:38:00.004+08:00

< ? p h p
$myData = UseSQLToQueryDataFromAnyDatabase();
WriteNiceHTMLPageWithData ($myData);
?
>

Цасан...

2011-01-18T17:37:00.002+08:00

Цасан хүн л гэж бодож хийсэн чинь хүмүүс цасан охин гээд байсан шүү. Анх тэгж сонсоод гайхсан ч уруул нүдийг нь харахаар магадгүй л юм.

Хамгийн гоё нь цасыг хуйлж эвхэж болж байсанд л тэр өдрийн сайхан нь байсан байх.

Хүнийхээр

2010-10-25T19:53:00.003+08:00

- Монгол ингэхэд хэдэн улстай хиллэдэг юм бэ?
- ...
- Ердөө л үү?
- ..., ...
- Тэгээд ийм том 2 гүрэн. WOW... Тэгвэл ч та нар хөршүүдтэйгээ сайн л харилцаатай байх хэрэгтэй юм байна даа. Тэгэхгүй бол тун амархан...

Хүнийхээр

2010-10-10T15:33:00.003+08:00

2010 оны 5 сар

- Танайх хэдэн хүнтэй вэ?

- Пөөх тийм үү? Хятадын тал шиг ийм том газар дээр үү?

- Тэгвэл ч танайх их баян улс байх аа

Ганцаараа...

2010-10-07T12:57:00.004+08:00

2010-05-09

Гэртээ төдийгүй орчлон дээр ганцаараа юм шиг санагдав, шал сонин.

Эрхий мэргэний эрэлд

2010-10-06T22:18:00.011+08:00

2010-06-19

Нэг найзынхаа зөвлөснөөр цаг агаарын мэдээний энэ сайтыг дандаа хараад сурчихжээ бүр. Гол нь хэт ягаан туяаны индексийг давхар үзүүлдэг, өөр янз бүрийн мэдээ ч харуулдаг (жишээ нь газар тариалангийн хүмүүст хэрэгтэй мэдээ гэх мэт) болохоор их дуртай байдаг юм. Цөөн хүн ч гэсэн ингэж ашигладаг юм хийчих юмсан (ажлаа бодов).

Харин өнөөдөр энд чинь юу болоод байна аа гэмээр байх чинь... Эрхий мэргэн харваач гарч ирэхгүй бол ч энэ зун шатах шинжтэй болоод явчихлаа шүү гэж хэхэ.

Шөнө унтахаа больчихвол нээрээ яанаа...

Энэ Испанид бас эрхий мэргэний тухай үлгэр байдаг юм болов уу...

Уг нь бол ингээд л байж байдаг биз дээ

Дашрамд дурдахад манай Монголд ямар ч үүлгүй байсан ч хэт ягаан туяаны индекс аюултай түвшинд буюу 8-10 хооронд очих нь ховор юм билээ. Харин энд бол бүрхэг байхад л тэр түвшинд оччихсон байдаг юм билээ шүү. Харьцуулаад хараарай, 35 хэмтэй байхад дөнгөж 7 л харагдаж байна Монголд. Гэтэл энд 28 хэм болоход максимум хэмжээндээ очсон байна.Хэрэв тийм өндөр түвшинд хүрсэн бол нүд, арьсаа хамгаалах зорилгоор нарны шил, (UV xамгаалалттай) болон шүхэр хэрэглэхийг зөвлөдөг юм байна лээ.

2010-10-04T13:26:00.002+08:00

Цаг хугацаа гэдэг онгоцонд суугаад тэнгэрийн уудмаар аялаад байгаа ч гэмээр, эсвэл дарвуулт завинд суугаад далай тэнгисээр хөвөөд... Ер нь л нэг тийм хязгааргүйн дунд байгаа мэдрэмжийг авч удлаа. Бас л зөндөө л олон олон хоногийг баяр хөөр, уйтгар гунигтайгаар үдэн өнгөрөөгөөд...

Бичихсэн гэж их л бодох юм. Одоо, түр зуур цаасан дээр эсвэл цахим дэвтэртээ бичиж үлдээсэн тэмдэглэлүүдийг авчрах хэрэгтэй болох нь.

Түр баяртай миний блог

Төөрсөн нь...

2010-05-25T04:46:00.001+08:00

Мэдээ унших гэж явтал төөрчихөв үү яав???

Гарчиггүй

2009-04-28T14:30:00.014+08:00

Одоогоос яг нэг жилийн өмнө энэ өдөр...
Учиргүй их улаан шороогоор шуурч билээ Улаанбаатарт. Орой ажил тарахын хэрд дүү минь утастаад “Би чамайг оройн хоолонд урьж байна. Гэрэлээ бид хоёр Хүнсний 20-ын тэнд байдаг Грийн кафе гэдэг газар байна, хүрээд ир” гэв. Ажлаасаа гарах гэтэл юу ч харагдахгүй улаан. Ёстой л жинхэнэ утгаараа Улаанбаатар болчихсон байсансан. Хүлээж хүлээж арай гайгүй болохоор нь гарч, Баяраад төрсөн өдрийн мэндчилгээ өгөхөөр зам хөндлөн гарч ФМ 102.5 орох хооронд эгээтэй л төөрчихөөгүй. Мэндчилгээгээ дамжуулж, түүний юу хэлэхийг нь сонсчихоод л гараад гүйсэн дээ. Үнэхээр удсан л даа би ч. Тэр хооронд “хурдан ир л дээ, хоолыг чинь захиалж байх уу, юу идэх вэ, хоол чинь ирчихлээ ш дээ, очиж байна л гээд байх юм аа ямар их уддаг юм бэ, яг хаана явна аа, хоол чинь хөрчихлөө ш дээ” гээд л утастаад л утастаад л... тэвчээргүй хүн байсан ч юм уу чи?

Хамт сууж тухтай хооллосон сүүлчийнх нь тэр байж дээ. Цаг хугацаа гэдэг мөнхийн эргүүлэг намайг буцаагаад тэр зөрлөг дээр аваад ирж. Цаана нь бас өч төчнөөн ийм, үүнээс хэцүү өдрүүд ар араасаа хөврөөд л байх болно доо.

Хүний амьдрал богинохон. Гэтэл тэрийг хэд дахин богиносгоод явчихсан чамайг би яалтай...

Солонго билээ би

МУ-ын төрийн соёрхолт,

ардын уран зохиолч Бавуугийн Лхагвасүрэн

Ижийгээс минь асгарсан улаан бороо
Эцгийн минь зүрхийг норгож арилсны дараа
Голоо эгштэл хүлээсэн
Говь дээгүүр татсан
Нарыг зургаа хэрчсэн тоонотой
Гэр дээгүүр татсан
Намайг тэврэх гэж яарсан бүхний
Өвөр дээгүүр татсан
Солонго билээ би

Эрхий ороох сур шиг хүний богинохон заяанд
Элбэг дутуу нь ялгаагүй амьдын эрээн зүүдэнд
Нэгэн үзүүр нь тэнгэрээс хөллөж
Нөгөө үзүүр нь газарт уллах
Зуурхан төдий татаад өнгөрөх
Зургийн алаг
Солонго билээ би

Хүн дээгүүр гишгэлсэн он жилүүдийн
Зуурын төдий босоо үзэгдэл
Хувилгаан бор газар хөх тэнгэрийн
Зугаа төдий хоосон чанар
Нумын бөгтрөг шиг болж ирээд
Чулуу жийж татсан
Нарны тал шиг болж ирээд
Цэцэг илж татсан

Оногдсон заяаныхаа ааг омог дээгүүр
Олойртож татсан
Олдохгүй хоёр буурлынхаа булшин дээгүүр
Бөхийж татсан
Эхлэх үзүүр нь сүүнд дүрээстэй
Эцэслэх үзүүр нь нулимсанд дүрээстэй
Солонго билээ би

Сайхан шинэлээрэй бүгдээрээ

2009-02-24T12:55:00.001+08:00

Буян номын гэгээ тооноор чинь цацарч
Бурхад инээмсэглэн хаалган дээр чинь бууж
Буурал өвгөд халуун ам бүлээрэй цуглан
Бүхнээс элбэг сайхан шинэлээрэй
Шижир цацрагт нараа дэлхий тойрч нас нэмсний дан баяр
Шидрүүн мөнгөн өвлийг өнтэй давсны давхар баяр
Шинэхэн цэцэглэх хавартай энх золгосны гурамсан баяр
Шинэ нэгэн гэмээн эгнэн давхацсан дөрвөн баяраа сайхан тэмдэглээрэй

Мессенжерээр ирсэн сайхан мэндчилгээг оруулав

ОЛЗ

2009-02-15T14:58:00.006+08:00

Энэ сайхан зүйлийг ийм орой олж уншиж байгаадаа гайхаж байна. Найзынхаа зөвлөснөөр дөнгөж сая шүү... Тэгээд бас оройтоогүй дээр нь хэн нэг нь уншаасай гэж бодоод...

О.Дашбалбар

Ээж минь маш хөнгөн гавшгай хүн байлаа. Аргал түүх, үнээ малаа саах, тогоо нэрэх, цай чанах, гэр орноо цэвэрлэх боов боорцог хийх, хувцас оёх, дүү бидний уранхай цоорхойг нөхөх, маань мэгзэм унших, мөргөл хийх, зочдод үйлчлэх бүхий л цаг завыг гаргаж чадах хийгээд үүрийн гэгээнээс үдшийн бүрий хүртэл амсхийлгүй хөдөлж, аавд минь тус дэм болж, арван хүүхдээ өсгөсөн юм. Ээжийнхээ худал хэлэхийг би үзээгүй. Тэр туйлын шударга хүн байв. Аав, ээж хоёр маань хэн нэгэнтэй эв эвдэрч хэрэлдэх, хүнд муу санахыг ихэд цээрлэнэ. Айл хотынхонтой эвтэй найртай амьдарч, зовлон жаргалыг нь хуваалцана.

Харин бидэнд бол гар чанга байсан юм. “Бид ямар мөнхийн хүн биш. Хэзээ нэгэн цагт өнхрөөд өгнө. Одооноос юухан ч гэсэн хийж сур!…” гэж аав хэлнэ. Ээж, хар үүрээр бидний хучлагыг хуулж “бос…” гэх бөгөөд дүү бид ч уралдан босч ээжийн хэлсэн, заасан бүхнийг ёсоор гүйцэтгэнэ. Үнээ тугал нийлүүлэх гэр орон цэвэр бус байх, аяга таваг хиртэй, эсхүл айлын хүүхэдтэй муудсан тохиолдолд “хашрааж” өгнө. Гэхдээ хэзээ ч бидний толгой руу тоншиж байсангүй.

Мод шийдмээр цохиж байсангүй. Нарийхан сураар ороолгох буюу хөл гарыг хэд сайн чимхэнэ. Ийнхүү сургамж авсны дараа хөл хөнгөрч, чихний бөглөө арилж, хэд хоног хөнгөн шингэн дэгдэнэ. Удалгүй сар орчим болоод мартаж эхэлнэ. Тэр үеэс “та хэдийн зовлого нь загатнаад байна даа…” гэсэн сануулга ирнэ. Иймэрхүү сануулга зүгээр үг биш бөгөөд эл явдал хэд давтагдсаны дараа сураар ороолгуулах чимхүүлэх цаг ирнэ.

Ингэсний хүчээр л бид ахас ихсийг хүндэлж, ажил хөдөлмөрт хойш сууддаггүй болсон юм. Ээж минь жар хүртлээ ер амсхийлгүй хөдөлмөрлөсөн бөгөөд биднийг өсгөөд бас үр хүүхдийг маань, өөрөөр хэлбэл ач, зээ нараа өсгөж хүмүүжүүлж өгсөн. Ээж маань хүнийг бүү хэл, амьтныг хайрлахад биднийг сургасан. Жилд хэд хэдэн удаа маш их махтай, шар будаа чанаж хавийн нохой хооллодог сон. Мөн хүүхэд их баярлуулдаг сан.

Том ширмэн тогоо дүүрэн үзэмтэй, шар тостой цагаан будаа чанаж, ойр хавийнхаа хүүхдийг хооллон, атга дүүрэн чихэр боов өгч, бидэнд ч гэсэн хүүхэд, нохой баярлуулж бай гэдэг сэн. Насан туршдаа л хүүхэд, нохой хооллож явсан даа. Амьдралынхаа сүүлчийн долоон жил буюу ааваас хойш харин гэр орны ажлаа орхиж “Ээж нь үхэхээсээ өмнө хэдэн жил буян үйлдье” гэж билээ.

Чингээд намар болохоор л манайд ирж хар үүрээр босч мөргөл үйлдэж (1-2 цаг мөргөнө), ажилтай хүн шиг бидэнтэй цуг гарч, Гандан, Зүүнхүрээ зэрэг хурал номын газраар явж, өдөр ирж цайгаа уугаад маань мэгзэмээ тасралтгүй, уншиж, үдэш орой зул хүжээ бариад мөргөлөө эхэлнэ. Үүнийгээ хамаг амьтны тусын тулд залбирч буй юм гэдэг сэн. Дүү бидний өгсөн хэдэг төгрөгийг хадгалж “Ээж нь хүүхдүүддээ тийм ном уншууллаа, ийм хурал хурууллаа” гэсээр л орж ирнэ. Үргэлж инээж явдаг сан. Ээж минь сайхан дээл хувцас оёно. Залуудаа их сайхан дуулдаг. Хааяа “Жаахан шарга”-ыг дуулахад нь гангар шаазан жингэнэж байх шиг санагддагсан…

“Та нар өөрсдийн муугаас үхвэл, би харамсахгүй шүү. Миний нэг өндөг хагарлаа л гэж бодно. Харин амьтны үр хүүхдэд л битгий гай болоорой” гэж хатуухан захина. “Аяганы хариу өдөртөө, агтны хариу жилдээ… амьтанд тус бол!…” гэж байнга хэлнэ. Ээж минь ийм л хүн байлаа. Эмэгтэй хүн гэхэд зориг чанга, хэр баргийн юманд гуниж гутрахгүй, уур нь хүрвэл таг дуугүй болчихно.

Маш их сүсэгтэй, Зул хүж барих, маань мэгзэм унших, мөргөл хийх, настай хүмүүс, лам нарт хоол цай барих л ээжийн минь дуртай ажил байсан. Хоёрдугаар ангид байхдаа бичсэн анхны гэнэн шүлгүүдээ ээждээ л уншиж өгч билээ. “Ээж нь яаж мэдэхэв дээ. Сайхан л болж…” гээд үнссэн. Ийнхүү яруу найрагч болох анхны урам хайрласан юм. Хэрвээ надад жаахан авьяас буй аваас тэр нь ээжээс минь улбаатай гэдгийг л би зөвшөөрөх байна.

Хэдэн чихэр өгсөн ч, сайхан үг хэлсэн ч дүү нартай утсаар ярьсан ч баярлана. Үнэн сэтгэлээсээ баярлаж чаддаг тийм хүнийг би амьдралдаа мөн ч цөөхөн үзсэн дээ.

Ээж минь 66 жил амьдрахдаа үргэлж үүр цүүрээр босч, 66 жил нар мандахыг харсан юм. Үргэлж бусдын зовлонг хуваалцаж, тэр гуайн хүүхэд өвдөж, энэ гуайн бие муудаж гээд гүйж явдаг сан.

Ээж минь дүү бидний хэнийг нь ч эрхлүүлээгүй, бөгөөд хааяа унтсан хойно духан дээр минь үнэрлэж, толгой илбэн байдаг сан. Ээж минь хөдөөний мянга мянган эхчүүдийн адил өвөл цас мөс үүрч, хайлж, зун, намар аргал түүж, үнээ тугалтай ноцолдож, цагаан идээ хийж, гэр орон, үр хүүхэд гэж явсаар л насыг элээсэн. Харин сүүлийн хэдэн жилд ач нараараа ном, сонин, үлгэр домог, ялангуяа бурхны шашны холбогдолтой юм уншуулах дуртай болж, толгойгоо үл мэдэг гилжийлгэж, нүдээ анийлган сонсож суухдаа эрихээ эргүүлдэг сэн. Хүний амьдарч чадсан эсэхийг яаж үхсэнээр нь тогтоож болно гэж дорнын мэргэн үг байдаг.

Ээж минь амьдарч чадсан шигээ үхэж бас чадсан юм. Маш их зөн билигтэй хүн байж билээ. Дарьгангаас Баруун-Урт руу явж байх замдаа гурван дүүтэй минь хамт машины осолд орж азгүй явдал үүдсэн 1994 оны тавдугаар сарын 21-ний гунигт тэр үдэш гэнэт “Өмнөө яваа автобусыг гүйцэж, урд нь гарч яв!…” гэж хэлсэн гэдэг. Чингээд хэлснээр нь явсаар байтал аймгаас 60-аад км зайтай газар машин осолд орсон бөгөөд 30 минутын дараа арынх нь автобус гүйцэн ирж, тэднийг эмнэлэгт хүргэж өгсөн. Хэрвээ автобусны ард явсан бол тэр шөнөдөө хээр хонож (шөнө өөр машин яваагүй гэдэг) маргааш нь үд хүрэхэд бэртэж гэмтсэн дүү нар маань цус алдаж, бүгд аюулд орох байсан юм. Иймд ээж минь өөрийн зөн билгээр гурван үрээ аварсан билээ.

Яг ойчихоосоо хоёр хоногийн өмнө машинд сууж чадахгүй тул дүү биднээр тэврүүлэн гурван дугуйтад сууж, аймгийнхаа хийдэд очсон бөгөөд тэнд хүнээр тэврүүлэн сууж сахиусаа тахиулаад бүх бурхан тахилд мөргөж, бас арай ядан хөдөлж буй хэрнээ бүх бүх ламаас нь хоёр хүнээср сугадуулан явж адис аваад гарсан. Гэртээ ирээд авдрын өмнө сууж байхдаа “Ээж нь хэдэн хүүхдэдээ нэмэр болохгүй ч гэсэн харагдаж байвал хэрэгтэй л юм даа.

Ээжтэй хүний сэтгэл өег байдаг юм” гэж билээ. Хатуу чанга зоригтой хүн тул, зуны бүгчим халуун, өвдөхийн бэрх хоёрыг давж ер “ёо” хэлээгүй бөгөөд харин ч бидэнд “Миний хүүхдүүд уйлж л болохгүй шүү. Усан бороогоор нүдэх шиг хэцүү байдаг юм гэнэ лээ. Маань мэгзэм л сайн уншицгаа. Яг үхэх үед бурхныг минь л сануулаад байгаарай…” гэж билээ.

Ээжийн минь бие алгуур хөрсөөр л…Би бүх бурхныг нь авчирч толгой дээр нь адис тавив.

“Ээжээ, энэ бурхан багш байна. Одоо Очирваань бурхнаар адис тавилаа. Одоо дарь эхээр…” гэх мэтээр би шүтдэг бурхнуудыг нь нэрлэж нэг бүрчлэн адис тавив. Үг дуугүй толгой дохино. Хоёр гараа цээжиндээ авчирч арай ядан залбирч буйг нь харахдаа сэтгэлийн тэр их хүч хаанаас нь гарч буйг гайхсан юм.

Сүхбаатар эмчтэй би тав гурван үг шивэгнэж зогстол эгч намайг дуудаж, “Амьсгаа хураах гэж байх шиг байна” гэв. Би ээжийн ор руу дөхвөл амьсгаа нь давхцаж ам нь өмөлзөж байлаа. Би яаран өвөг дээдсийн шүтээн Ногоон – дарь эхийг гартаа барьж “Ээжээ, бурхнаа хараарай. Бурхан чинь таныг харж байна. Бурхнаа л хараарай” гэв. Ээж нүдээ нээлээ. Бурхнаа харав. Ногоон-дарь эх чинь … гэж би дахин хэлэв. Хоолой зангирч, нулимс бүрхэж ирэв. Би үг хэлэх гээд чадахгүй, уйлчих гээд бөөн юм хоолойд тээглэв. Магсаржав ламыг би хонхоо цохь, номоо эхэл гэв. Тэрбээр хоолой нь чичрэн ерөөлийн хаан уншиж, хонхоо цохиж эхлэв. Би, дүү нартаа маань мэгзэм уншицгаа, бүү уйл, ээж чинь ингэж захисан гэв.

Ээж минь бурхнаа харсаар л байлаа. Эцсээ хүртэл ухаан саруул байв. Бурхнаа харсаар байгаад нүднийх нь галыг дотроос нь ямар нэг юм хураагаад авчих шиг… бүүдийсээр… Гэвч энэ эцсийн харцанд Ногоон-дарь эх бурхан шингэж, ээж минь сүүлчийн удаа Ногоон-дарь эх бурхнаа ширтсээр амьсгал хураав.

“Амьсгал хураачихлаа, гэхдээ зүрх нь одоохоноо цохилж байна” гэж Сүхбаатар эмч хэллээ. Удалгүй зүрх нь зогсов. Хорвоо дуусчээ. Ээж минь таалал болов. Энэ насны нь зовлон дуусав. Зул сүүмэлзэнэ. Магсаржав лам толгой дээр нь хонх цохиж, ерөөл уншсаар… Батхүрэл дүү минь ээжийнхээ хөлд өвдөг сөгдөн чимээгүй уйлав. Би, түүний толгойг илж, бүү уйл, маань мэгзэм уншицгаа!… гэв. Тэр уйлахаа больж дүү нар маань уйлахаа хүчээр барьж, эрихээ чимээгүй эргүүлж, маань мэгзэм уншиж эхлэв. Би тэднийг уруу татахгүйн тулд нулимс унагахгүй, шүд зуун тэслээ. Ээж минь ийн одсон юм. Үүнээс хойш бид ээжгүй болсон.

Чи ямар ч сайхан юм үзсэн, түүнийгээ ярихад чинь үнэн сэтгэлээсээ баярлан хүлээж авдаг хүн тэр хоёроос өөр хэн буй? Чи яаж ч баярлалаа гэсэн тэр баярыг хоёр хөгшнөөс чинь өөр дүүрэн хуваалцах хэн буй бол? Чиний зовлонг ч чиний эдэлж буйн дайтай мэдэрч адилхан зовох нь хэн бол? Араас чинь сүү өргөөд үлддэг ээж чинь алга болохын цагт нутгаас буцахдаа чи нэгийг бодож, нөгөөг ухаарах буй заа. Ээжтэй хүн бүхэн, ээжийгээ амьд байгаад, ээжтэй байгаадаа нэг баярлагтун!

Ээжийгээ баярлуулах боломж буйдаа хоёр баярлагтун! Хэмээгээд цаглашгүй ачит ээжийнхээ дурсгалд зориулсан эл бичлэгийг өндөрлөе

Цуурхал

2009-01-20T20:39:00.006+08:00

Хөөе манайхаан, биш гэнэ шүү тэр хуи жиа чинь хужаа биш юм байна. Бараг л хальт цуурхал тараачихдаг юм даа. Сэтгэгдэл унших дургүй хүн байж магад гэж бодоод ил гарган тавихаар шийдлээ. Бас блоггер Өлзийд мунхаг намайг төөрөгдлөөс аварсанд баярлалаа гэж хэлье дээ.

Өмнөх бичлэгт үлдээсэн сэтгэгдэл:

Hitaddaas orj irsen ugnuud ih baigaa,manaihnii idej baigaa hool hunsnii zuils barag bugd hitad nernees garaltai,arga ch gui dee,manaihan ymar nogoo taridag baisan bish,mahaa,suu tsagaan idee 2 l bolood baisiim chini,ene hoyort l hitad ner baihggui baih,ternees busad buh nogoo,gurilan ideh yom hitad ugnees garaltai.harin ter hujaa gedeg ug hui jia(回家)gedeg ugnees garaagui harin hua qiao(华侨)gedeg ugnees garaltai,ene ni hitaddiin tsagaach gesen ug,ene hua qiao-d ni delhiin buh ornuudad baigaa,zarim pilipiin,indones zeregd hun amiih ni 20-30n huviig ezelsen baih jisheetei,hitaduud ni ch gesen ene ugeer tedniigee duuddag.harin mongold 1910-onii uyed iheer orj irj baisan hitaddiin tsagaachdiig manaihan hua qiao gedgiig ni hujaa gej duudaad,ene ni yavaandaa haraaliin utgatai bolson,ternees ene hujaa gedeg chini bol yag l hitadiin tsagaachaa l gsen ug.
Ter gamin gej ug yunaas garaltain bol gej suuliin bichlegendeeree bichsn baisan,ene bol harin hitadiin guo min dang(国民党)gedeg ugnees garaltai,ene ni hitaddiin ardiin namiin ner,mun l 1919 onii uyed hitadiin ene namiihan manaid orj irsnees manaihan gamin gej neriidsen.

Хөөе, чи гэртээ харьсан бай даа!

2009-01-16T17:22:00.011+08:00

За, эргэн тойрон юу болоод өнгөрөв гэдэг шиг юу болоод байна? Толгой эргэм олон блог дунд нэг мэдсэн явж байна ш дээ. Юу вэ, уншиж дуусна гэвэл нас хүрэхгүй бололтой. Дээр 2 жилийн өмнө нэг удаа тэрнээс болж бас шантарч байж билээ. Одоо бүүр замбараагүй болсон нь мэдээж. За энэ яахав.

Нэг мэдээ уншлаа. Би ч мэдээнээс илүү сэтгэгдэл уншиж нэг бол хаха инээж кайф авах, эсвэл уурандаа шууд кийбордоо идэвхтэй ажиллагаанд оруулж эхэлдэг болохоор харж явтал, сэтгэгдэл дотор "Тэр 3 эмэгтэйг Монгол улсын баатар цолоор шагна" гэнээ. Уншаад учиргүй их инээв. Уг нь тэр уншсан мэдээ нь бол эмэгтэйчүүд нийлээд нэг хужааг алчихсан бололтой. Ийм аймаар юм уншаад яанаа гэмээр юм аа, тэсэхгүй инээж л суулаа.

За тэгээд нэгэнт хужаатай холбогдсон юм чинь жоохон тэр талын юм бичдэг юм уу? Ер нь байна ш дээ, энэ хужаа гэдэг үг чинь хуи жиа = 回家 гэдэг үг юм шиг байна гэж манай Оюухай хэлсэн. Үнэн байх. Хэрэв тэгвэл энэ нь гэртээ харих, нутаг буцах гэсэн утга илэрхийлж байгаа бөгөөд тэд энэ үгийг шууд ойлгоод байдгийг нь бодоход үнэн л байх. Тэднийг хараад нүд нь хорсохдоо л тэгж дууддаг болсон байх, "Хөөе, чи гэртээ харь!" гэж. Нэг хүн хэлсэн ш дээ, энэ муу хужаа гээд Монголоор хэлсэн чинь нөгөөх нь барьж байсан ундааны саваа шидчихсэн гэсэн. Бид ч Монголдоо л нэг иймэрхүү амьдарч байгаа хүмүүс дээ.
Жунгаа гэдэг үг нь ч мэдээж жонг гуо = 中国 = дундад улс гэдгээс үүссэн бололтой. Харин тэр гамин гэдгийг тэгж байгаад нэг хайж үзнэ ээ. Өмнө нь хэдэн хятад үгтэй тулж ажиллаад бага зэрэг сонирхолтой санагдаад байгаа шүү.

За тэр яахав, цаашилбал энд нэг нэлээн алдар нэр олох магадлалтай нэг блог гарчээ. Хөтлөгч нь хятад эмэгтэй. Хараад байхад манай Монголчуудын цөсийг хөөргөхөөр л юм бичиж. Харин авууштай нь хөөрөх нэг нь хөөрч ална шулна дээрээ тулсан байх нь гарцаагүй ч үнэхээр тулхтай, баримттай, ухаалаг бичсэн байгаа олон залуусыг хараад баярлав.
Харин бичлэгүүдийг нь уншаад хятад хэл сурахаас дургүй хүрсэн ч гэнэт энэн шиг сурчаад энэн шиг эх хэл дээр нь бичээд бас дотроос нь жоохон арзагануулбал сайхан аа гэж бодоод бас л хаяхгүй байхаар шийдлээ. Учир нь тэрний Монгол хэл сайн юм аа. Харж байгаагаар бол нээрээ сайн юм. Артанъян, Гамп энэ тэр хүмүүс бас харууштай. Тэд сайн бичдэг ч товчилж, тасдаж, залгаж, эвдэж, эвлүүлж бичсэн эх хэлийг чинь цаана чинь хятад хүн чамаас дээр ашиглаж байна. Энэ тухай Яг тийм ээ блог дээр бас байсан, үнэхээр сайхан хэлсэн байна лээ. Гамп аа гоё бичвэл чи бүүр гоё шүү. Ямар ч л гэсэн эх хэлээ нээрээ л тэгж тасдаж, дэвсэж болохгүй л баймаар санагддаг шүү.
Баярлалаа бурхан минь санаа өгсөнд гэж гар бариад туслаарай гээд бугуй барихаас ;)) Хятад хэлийг сурахаас...
Тэр блогоос бас авууштай нь бид хятад хүний нүдээр өөрсдийгөө хараад авна гэдэг чинь ч бас зүгээр. Тэр оюутан охидын тухай бол арай аймаар бичиж. Гэхдээ үнэн ийм байвал яанаа л гэдэг бодол эргэлдэж байна. Линкдэх гэтэл хаагдчиж блог нь. Өөрөө үнэхээр хаасан юм болов уу, эсвэл худлаа хэлсний чинь төлөө хаалгачихъя гээд байсан нөхдүүдийн ажил юм болов уу?

Өө бас еэвэн сарын тухай, еэвэнгийн тухай, одоо тэр хэрүүлийн алим болоод байгаа зурхайны тухай бас нэг газраас уншсан юм байна. Уншиж байхдаа бичсэн хүнийх нь боловсролыг, магадгүй хятад хэлийг гайхаж л суулаа. Хятад эх сурвалжуудаас авч бичсэн энэ нийтлэл үнэхээр сайн болсон байна лээ, та эндээс уншаарай. ЗААВАЛ ШҮҮ. Энд ч бас арай өөр эх сурвалж байна. Тэгээд дараа нь "хөдөөний энэ олон замбараагүй замын алинаар нь явж, хаагуур нь гарч" цагаан сар хийхээ шийднэ биз таминь ээ.

Хагас. Жил.

2009-01-14T19:23:00.014+08:00

Өнөөдөр, дүү минь од болоод хамаг юмыг хагасруулан, эзгүйрүүлэн орхиод гэнэтхэн явчихсанаас хойш яг хагас жилийг өнгөрөөж байгаа өдөр. Түүнгүйгээр, зөвхөн түүний зураг, түүний тухай зүүд, зүүднээсээ хэлтэлж ирсэн хэдэн дусал нулимс... бас дандаа ийм муу биш ээ, түүнийхээ тухай гэгээн сайхан дурсамжууд, гэнэн хонгор хүүхэд насных нь үлгэр шиг, зүүд шиг жаргалтай олон олон өдрүүдийн нандин бүхэнтэйгээр амьдарч байгаа хагас жил өнгөрч. Ээ цаг хугацаа...

2008-12-31T00:43:00.002+08:00

За ингээд нэг мэдэхэд оны сүүлчийн өдөр эхэлчихлээ. Урсаад барагдахгүй бас тасардаггүй ганц юм энэ цаг хугацаа гэлтэй. Хэзээ ч давтагдахгүй хэрнээ тоолшгүй их хором мөчөөр хэлхэгдсэн өдөр хоногийн урсгал бидний хэн маань ч мэдэх боломжгүй хорвоо дээрх бүхний цорын ганц гэрч болон хөвөрсөөр л байна. Байсан, байгаа бас байх ер юм бүхэн гагцхүү түүний өмнө ээлжлэн солигдож, эргэж хөрвөсөөр байх аж. Он цагийн хэлхээсэнд сайн муу намтар, түүх зузаараад л...
Муухай хар дарсан зүүд шиг өнгөрч байгаа энэ жил баяртай. Hасыг минь зөөн , хороон хөврөх хэдий ч сайхан зүйлээр дүүрэн шинэ жил хаалга тогшиж байна, тавтай морил oo!

Тэргэл мөнгөн сар
Тэртээх гэрэлт одод
Тэнгэрт мандах нараар гоёсон
Он жилийн хуанли зузаарч
Онцгой таны түүх бууралтах
Одтой насыг минь зөөж одох
Он солигдох мөч ойртлоо
Ирэх оны хүсэл мөрөөдөл чинь
Энэхүү өдрөөс эхлэх болно

Дуулж баясч угтаарай, шинэ оноо
Дурлаж дурлуулж яваарай, шинэ ондоо
Дутуугаа дүүргээд аваарай, цаг байна
Дутагдлаа засаад амьдраарай, нас байна
Буурлаа дээдэлж яваарай, буян нь ирнэ
Бусдыгаа хүндэлж амьдраарай, нэр нь ирнэ
Бодлоо цэгцэлж амьдраарай, үйлс нь бүтнэ
Буянаа түгээж яваарай, жаргал ирнэ

Өглөө бүр үгийн сайхныг хэлэлцэж
Өдөр бүр хүний сайнтай учирч
Зүрх сэтгэл чинь баяраар гийж
Зүүд үргэлжлэх цагаар нас нэмж
Зөрж өнгөрөх 2 оны заагаар
Зүйрлэшгүй тансаг жаргалыг хүртээрэй
Танд шинэ жилийн мэнд хүргэе!

MONGOLIA

2008-12-28T20:15:00.012+08:00

За нөгөө аль дээр л ярьж байсан зүйлээ өнөөдөр нэг оруулъя даа, худлаа яриад он гаргах нь. Энд соёмбоны тухай оруулсан текстийн дээр төрийн далбаа наалттай байсан бөгөөд салаад уначихсан хойно нь зураг авсан байна. Тэгээд царайлаг биш гарчиж ;)) Соёмбоны тухай бичсэн зүйлийг Оюухай олсон нь таалагдсан учир далбаан доор наасан юм. Түүнийг доор хуулчихъя. Бас тэр гэрийн задаргаа зургийг сөхөхөөр гэрийн тухай бичээстэй байгаа юм.

(Зураг дээр дараад томоор харж болно)

БИД МОНГОЛДОО ХАЙРТАЙ

Soyombo is the symbol of the Freedom and Independence of the Mongolian people. The Soyombo appeared on the flag at different times in Mongolian history. In 17th century and 1911-1912 years it was used. And in 1921 the Mongolians fighting the Manchu emperor put it on their flag. In 1924 during the first conference of the new Republic of Mongolia it was appointed the Soyombo as part of national flag.

Always spread like fire
Always shine like the moon and the sun
Always be sharp like an arrow and a spear
Always be strong like armor
Always be strong like a big wall
Always be watchful like fish
Always be numerous

Ээж ээ, танд би хайртай

2008-11-29T02:48:00.009+08:00

Өнөөдөр асралт ээжийн минь төрсөн өдөр тохиож байна. Тандаа маш их хайртай ээж ээ! Хэрэв та байгаагүй бол би аавыг, таныг, дүүгээ, цаашлаад ах дүүс, найз нөхөд, орчлон ертөнцийг ч харахгүй байх байсан. Зүгээр л хэлэхэд тангүйгээр би байхгүй.

Арван сар хэвлийдээ тээн, ангир уургаа хөхүүлэн, эрүүл саруул өсгөж, хүн шиг хүмүүжүүлсэн ээж минь таны ачийг хариулж би дийлэхгүй ч...

ХАЙРТАЙ...

БИД МОНГОЛДОО ХАЙРТАЙ!

2008-11-26T16:31:00.033+08:00

1. Монгол гэх юм байна уу?

Хэл шинжлэлийн ухаанд дэлхий дээрх хэлүүдийг

үсэгт - alphabetical
дүрст - pictogram
? - logogram (Үүнийг мэддэг хүн байвал хэлж туслаарай)

гэж 3 ангилдаг бололтой. Эдгээрээс дүрснээс үүссэн, дүрсээр тэмдэглэгддэг нэг хэл болох хятад хэлний тухай хэдэн үг бичмээр санагдаад.

Хамгийн муухай гэж үзэн яддаг байсан энэ хэлийг сурах гэж явах юм гэж төсөөлөөгүй ч харин одоо сонирхолтой санагдаад хичээж байна. Ингэлээ гээд дургүй хятаддаа дуртай болохгүй нь лав байх. Гэхдээ их өөр нүдээр харах болно.

Хятад хэл нь дээр дурдсанчлан дүрс, зургаас үүсэлтэй бөгөөд тэр үг илэрхийлсэн дүрсийг ханз гэнэ. Зарим ханз хэрхэн үүссэн тухай ханзны ном үзэхээр сонирхолтой юм билээ.

Орчин цагийн Хятад хэлний үгийн сан 1 сая гаран үгээс бүрдэх бөгөөд хамгийн идэвхтэй хэрэглэгддэг нь 58000 орчим үг байдаг юм байна. Эртний хятад хэлэнд үг бүр нэг ханзаар дүрслэгддэг байсан бол орчин цагийн хятад хэл үг бүр 2 үетэй, өөрөөр хэлбэл 2 ханзнаас тогтдог болж. Нэг ханз нь тухайн үгийн утгыг илэрхийлдэг бол нөгөөх нь утгаа алдан, бие даасан утга илэрхийлдэггүй дагаж явдаг гэсэн үг. Ингэснээр ханзнууд өөр өөр утгаар, өөр дуудлагаар ашиглагдах болсон гэсэн үг.

Эдгээрийн дотроос сонирхол татсан нь字 ба 子 тэмдэгт. Ханзнуудын өөрийн утга нь эхнийх нь үсэг, хоёр дахь нь хүүхэд гэсэн утгатай. Аль аль нь хэд хэдэн өөр утгатай. Харин хоёулаа ЗИ гэж уншигддаг, нэр үг үүсгэдэг дагаварууд. Жишээ нь:

Дүрс - дуудлага - орчуулга

汉字 - хан зи - ханз

胡子 - ху зи - сахал, манайхан хууз гэдэг

袋子 - дай зи - сав, уут. Сумны дайз гэж бас мэднэ.

包子 - бао зи - бууз

гэх мэтээр үг бүтээнэ. Энэ нь дээхнэ "З" үсгээр төгссөн бүх үг хятад хэлнээс орж ирсэн байдаг гэж сонсож байсныг минь батлаад байх шиг. Хэрэв тэгвэл арз, хорз, банз, дүнз гээд олон үг хятад болж таарах нь ээ. Би үүнийг сонсоод НАЙЗ гэдэг үг битгий л хятад үг байгаасай гэж бодож байж билээ. Одоогийн байдлаар биш эсэхийг нь яг мэдээгүй ч, толиноос ойролцоо дуудлагатай үг хараагүй, бас найзыг бүр их өөрөөр дууддаг болохыг мэдээд санаа амар байгаа.

Гэтэл түүнээс ч гадна шууд хэрэглэгдэж байгаа үг их олон юм.

Дүрс - дуудлага - орчуулга

馒头 - ман тоу - мантуу

麻烦 - ма фан - маафаан, маапаан, төвөг, бэрхшээл

斤 - жин - хагас кг

样子 - ян зи - янз байдал(нөгөө алдарт зи)

灯 - дэн - дэн, гэрэл

画儿 - хуа р - зураг, хуар

萝卜 - луо бо - лууван

醋 - цу - цуу

白菜 - бай цай - байцай

西瓜 - ший гуа - шийгуа, тарвас

黎 - ли - лийр

葱 - цонг - сонгино

窗户 - чуан ху - цонх

За тэгээд ханзыг нь мэдэхгүй үг бас зөндөө. Зүү, жинтүү, мөөг, чинжүү, сампин, жонхуу, ший, бин гээд л өдөр өдрөөр энэ жагсаалт уртсаад л байх бололтой.

Бас дээр нь 不 - бү - бүү, битгий, үгүй гэсэн утгатай бөгөөд манай "бүү"-тэй адил ч юм шиг.

Сүүлдээ хятадаас манайх руу орсон уу, манайхаас хятад руу орсон уу мэдэхээ байлаа. Бодсоор байгаад толгой эргээд, хаячихдаг ч ижил үг гараад ирэнгүүт уур ч хүрэх шиг.

Монгол улс, Монгол хүн, Монгол хэл... гээд Монгол юмнуудаа тоочих гэтэл ийм холилдсон юм болчихоод гайхаж байлаа. Гэтэл дээр нь Монгол хувцас олдохгүй нь ээ. Өнгөрсөн жил нэг найз маань Япон явах гээд бүсэлдэг Монгол дээл хийлгэж авч явсан юмдаг. Азид бол ялангуяа манайхны загварын дээл гэж нэрлэдэг гоёог хэн ч гэсэн хятад хувцас гэж хэлэхээр байдаг болоод тэр. Гэтэл энд ирээд хараад байсан чинь нөгөө манай дээл, миний Монгол дээл гээд байгаа чинь Хятадууд хаа сайгүй кинон дээр өмсөөстэй. Зах, энгэр заам, товч, шилбэ... дутуу юм алга. (Угаасаа нээрээ товчийг зангидаж хийхээрээ сампин гэдэг) Бүс нь харин байгаагүй байх. Хүрэм гэсэн чинь бас л эрчүүд нь өмссөн. Тоорцог, хантааз(энэ бас нөгөө алдарт ЗИ байх даа) бүгд л байна. Энэ чинь Монгол дээл гэхээр одоо 2 сая хүнтэй биднийх гэх үү мэдээж Хятадынх гэх үү? Эмээ жоохон байхад мөрөн дээрээ бондгортой дээлийг эхнэр дээл гэж хэлдэг байсан, гадуураа давхар уужтай. Тэр л Монгол дээл юм болов уу? Эсвэл бас манайх эднийхээс авчихав уу?

За дээр нь цагаан сар. Энэ жил ядаж байхад манай цагаан сар, Хятадын хаврын баяр 1 сараар зөрж байгаа юм байна лээ. Зурхайчид бөөн хэрүүл тэмцэл хийж, шар сонингууд Бхэсэгтээ хийх ажилтай, хуудас дүүргэх юмтай болох байх даа. Дэлхий дахинд энэ баярыг Хятадын хаврын баяр, шинэ жил гэж мэддэг. Бид л Монголын цагаан сар гэнэ.

Харин Монгол бичгийн тухайд бас л өөр асуудал хөндөгдөх байх. Дэлхийд ганц манай босоо бичиг гэдэг ч бидний ихэнх мэдэхгүй, мэддэг нь ашигладаггүй. Гэтэл өвөрлөгч Монголчуудын албан ёсны бичиг.

Мэдээж Их Монгол улсын үед Хятад бүхэлдээ л тэр эзэнт гүрэнд багтаж байсан болохоор тэр цагаас бидний л зүйлс энд ингэтлээ шингэсэн байх гэж маш ихээр найдавч бид үүнийгээ хэрхэн нотлох вэ? Эсвэл тэгэх хэрэггүй юу?

Манай гэхээр юм байна уу?

2. Байна . Монгол хэл байна.

Хоосон толгойдоо жаахан юм олж хийх гэхээр хамаг юм англи хэл дээр. Миний англи хэл хангалтгүй болохоор заримдаа ойлгохгүй юм маш их гарна. Тэгээд ч эх хэл дээрээ уншиж ойлгох, сэтгэх, бичих шиг хэзээ ч чадахгүй байх даа гэж бодох юм.

Одоогоос яг 3 жилийн өмнө Африк залуутай ярьж байхдаа тэнд албан ёсны хэл нь Англи хэл гэж сонсоод атаархаж билээ. Хэлний асуудал гарахгүй нь ээ гээд юу ч бодолгүй атаархсан. Харин саяхан англиар тогтохгүй франц, испани хэлүүд ч албан ёсны хэл байдаг, хоёр ч хэлийг нь хэрэглэдэг орнууд цөөнгүйг мэдлээ.

Тэр Африк залууд Монголд цор ганц албан ёсны хэл бол Монгол хэл бөгөөд Монгол даяар бид эх хэл дээрээ ярьдаг гэхэд "Маш сайн хэрэг. Эх хэл дээрээ ярилцах нь..." гэхэд л нөгөө атаархал өөрчлөгдсөн юм. Тэр залууд баярлалаа.

Нээрээ тусгаар улсын хувьд өөрийн гэсэн хэлтэй байх нь бараг л бахархал юм гэдгийг ойлгож билээ. Тэгээд ийм агуу 2 гүрний дундах бидний цөөхөн Монголчууд шүү.

Мэдээж зөвхөн хятадаас гадна бидэнд орос хэлнээс ч нэвт шингэсэн үгс их олон. Тэгэхээр эх Монгол хэлээ авч үлдэх л хэрэгтэй байх даа. Саяхан бас нэг ийм мэдээлэл уншсан, сонирхолтой санагдсан. Эндээс уншиж болно.

Улам даяаршиж байгаа ертөнцөд авч үлдэхийн тулд бид харин юу хийх хэрэгтэй вэ? Юу хийх вэ гэхээр болохгүй нь ээ. Цаг гаргаад юм хийх болох гээд байна. Хүн бүхэн завгүй энэ цагт юун тэр манатай. Тэгэхээр бид яаж болох вэ? гэвэл илүү тохиромжтой юм байна. Миний бодлоор бид зүгээр зөв утгаар нь ашиглаж байхад л өөрийнхөө зүгээс хүч, цаг заралгүйгээр хэрэгтэй, яг тэр хэрэгтэй зүйлээ хийж байгаа мэт?

3. Тусгаар тогтнолын өдрөөр

Энд хятадуудаас өөр Монголыг мэддэг хүн ховор, хааяа мэддэг нь "Аан, Чингис хаан" гэнэ. Харин Япончууд мэдээж маш сайн мэднэ. "Долгорсүрэн Дагвадоржийг танина биз дээ?" гэж асууна.

Хятадууд болохоор "Аан мэднэ, та нар морь унадаг, гэрт амьдардаг" гэнэ. Сайн мэддэг нь "Архи их уудаг, баян...Хонины мах иддэг. Өргөн тал нутаг, морь..." гэнэ. Зарим нь харин хөрш улсаа мэдэхгүй уур хүргэнэ.

Энэ ч гадаадад амьдардаг хүмүүсийн хувьд хаа сайгүй л тааралддаш асуудал байх л даа. Тэгээд улс тунхагласны баяраар гадаад оюутнуудад, мэдээж бас Хятадуудад зориулж Монголын тухай мэдээлэл бүхий самбар гаргах боллоо. Энд байдаг ганц Монгол хүн болох Оюухайтайгаа нийлж хоёулаа хэдэн өдөр нухалдаж байж өөрсдөдөө л хөөрхөн юм хийж гаргалаа. Хийж байхдаа Монголын үзэсгэлэнт байгалийн зургуудаар өөрсдөө ч нүдээ хужирлан бахархаж, бас хүмүүс Интернэтээс хайхаар аймаар утаа энэ тэр л гарч ирэх байх даа гэж санаа зовж байлаа.

Самбарынхаа зургийг авч амжаагүй байгаа болохоор дараа оруулна аа. Харин бэлдсэн бахархал болсон зургуудаа харуулъя. Мэдээж бүх зургуудыг Интернэтээс авсан. Бид эвлүүлэх л ажил хийсэн гэсэн үг.

БИД МОНГОЛДОО ХАЙРТАЙ

Аз жаргал

2008-11-13T22:11:00.003+08:00

Жаргал зовлон хоёрыг ч ялгаж салгахгүй гэнэ тэнэг явахдаа хагацлын зовлонг амсч, хэрэндээ л өөрийгөө хэрсүүжсэнд тооцон явсан цаг саяхан боловч амьдралд өдөр хоногоор суралцдагийг бас л мэдсэнгүй. Санасангүй гэвэл илүү дөхөх байх. Мунхаг үзэж мэднэ гэгчээр...
Элэг эмтрэхийн зовлонг амссанаас хойш хүмүүсийг амьд ахуйд нь хайрлан хүндэлж, түүнийгээ илэрхийлж явах хэрэгтэйг ухааран, аминдаа л хэрэгжүүлнэ гэж хичээж, бодож явсан минь ч бас л худал байж. Бүүр дутуу хийжээ. Өнгөрсөн хойно нь хэчнээн харуусан гашуудаад ч амсаж эдэлж байсан жаргал маань зүүд зэрэглээ төдий болж. Хамгаас илүү илэрхийлэх дотно хүндээ л хамгийн бага хэлж.

Ер нь аз жаргал гэгч чинь юу билээ дээ? Зовлонгийн сүүдэр туссаны дараа сая л жаргалыг ухаарах нь хүний зан юм уу? Нарны гэрэл, солонгын өнгө, бороон дусал, салхи шороо, ширхэглэн будрах цасан гэх мэт байгалийн төрх, догшин ширүүн бороо, тэнгэрийн дуунаас айх, нар мандах, сар шингэхийг харах мэдрэмж, өглөө сэрэх, инээх баясах, хайрлах дурлах бүхэлдээ жаргал мэт. Энэ бол амьд байгаагийн жаргал. Бүр уйлах ч жаргал. Тэгвэл энэ хорвоо бүхэлдээ жаргалын диваажин юм уу? Үгүй ээ, харин ч зовлонгийн далай гэлтэй. Төрсний эцэст үхнэ, учирсны эцэст хагацна, өвдөж зовно, үгээгүй хоосны зовлонг ч амсана. Жаргал нь зовлон болно. Амьдрал нэртэй зовлонгийн далайд сэлж байгаа аятай. Хааяа арай гэж том, бага "арал олж" тухлах нь мөнөөх жаргал юм болов уу? Би мэдээж том эх газар хайж яваа учир сэтгэл ханахгүй цааш явна, нөгөө л зовлон дундуур сэлнэ.
Жаргал гэж юу вэ гэдгийг л мэдрэх юу юунаас чухал юм шиг. Энэ тухай би өмнө бичиж байсан санагдаж байна. Дээр нь Р.Чойном агсаны "Жаргал Зовлон" гээд агуу утгатай бүтээл байна. Энд олон хүний нүдээр бичсэн байгаа.

Энэ бүхнийг орхиод...

Саяхан АЗ ЖАРГАЛ гэдэг сүрлэг "уул"-ын бэлд тухлан, утааг нь үнэрлэж, аагтай цайг нь амталлаа. Тэр "уул" бол насан өндөр буурай аав, ээж хоёр минь билээ. 80 хол гарсан насандаа нэгнээ түшин, нүүр тулсан зовлонг хагаслан хувааж суух гэдэг үгээр хэлшгүй жаргал юм гэдгийг мэдэрлээ. Өтөл болсон ч гараасаа хөтлөлцөн үр хүүхэд, ач гуч, бүр тэдний хүүхдүүдийг ч тойруулан суугаа өвөө, эмээ хоёроо хараад цээж огшино гэдгийг мэдэрсэн. Энэ бол аз жаргал юм байна гэдэг бодол толгойд орж ирсэн уагаас эрхгүй л хамар шархирч, ярилцаж байгааг нь, хоорондоо харилцаж байгааг нь чимээгүй л удаан ажиглалаа. Тэр тусам гэгээ орон тодрох тэдний минь амьдрал, тоолшгүй олон зовлонг хамтдаа туулсан ч сөхрөөгүй сэтгэлийн хат, үр хүүхэддээ үлдээх алтнаас ч үнэт сургаал үгс, хайр энхрийлэл... Үнэхээр гайхамшигтай. Надад эцгийн, бас эхийн хайраар хандаж байгаа та нарынхаа хүчээр би олон зовлонг бас давах юм гэдгээ ч бас ухаарсан.

Дээрх бичлэгийг 9 сард бичиж байгаад ноороглоод үлдээчиж. Хэвээр нь гаргаад тавьчихлаа.

Меламин...

2008-11-03T01:42:00.030+08:00

Энэ магадгүй бага зэрэг оройтсон байж мэдэх ч энд оюутны холбооноос ирсэн мэдээн дотор байсныг үзээд хэрэг болж юу магад гээд, дээр нь сонирхолтой санагдаад... орчуулж тавихыг оролдов. Захиа ирснээс хойш бас нэлээн удаж, цаг алдсан байна.
Зураг нь чанар муутай байгаад хүлцэл өчье. Дараа сайжруулахыг бодно оо, шөнө болчихсон чинь залхуу хүрээд байна. Ялангуяа сүүлийн 2 зураг чухал учраас хүсвэл та дээр нь дараад чанартай хэлбэрээр нь хараарай.

Хятадад сүү хордуулсан хэрэг гарч хүн бүхэн л айж байгааг өдөр тутмын сонингууд мэдээлж байна. Өдөр бүр мэдээ өөрчлөгдөж байгаа хэдий ч бидэнд юуг идэж болох юуг болохгүй гэдгийг хэн ч хэлэхгүй л байна.

1. Хортой сүү гэж яг юу вэ?
Энэ бол меламин хольсон сүүг л хэлж байгаа юм.

Меламинийг юунд ашигладаг вэ?
Химийн үйлдвэрлэлийн бүтээгдэхүүнд, жишээ нь хуванцар үйлдвэрлэхэд
Түүнчлэн гэрийн засал, чимэглэлд
МЕЛАМИН бол үйлдвэрлэлийн бүтээгдэхүүнд хэрэглэдэг болохоос ИДЭЖ БОЛДОГ ЗҮЙЛ БИШ!

2. Хуурай сүүнд яагаад меламин хольсон бэ?
Сүүний хамгийн чухал шим тэжээл бол уураг. Меламинд НИТРОГЕН гэж нэрлэгдэх яг ижил уураг байдаг байна.

Сүүнд меламинийг нэмснээр сүүний агууламж багасахын зэрэгцээ хямд аргаар сүү бий болно гэсэн үг. Ингэснээр мэдээж бизнест ашиг авчирна.

Дараах зураг бол меламин.

Энэ сүү шиг л харагдаж байгаа биз? Ямар ч үнэргүй учраас танигдахад бэрх.

3. Xэзээ анх энэ илэрсэн бэ?

2007 онд. Америкт нохой муур гэнэт үхэж, ингээд амьтны тэжээл нь Хятадаас ирсэн меламин бүхий бүтээгдэхүүн болохыг илрүүлсэн юм.

2008 оны эхнээс Хятадад, нялх хүүхдийн дунд бөөрний чулуу, бөөрний гажигийн тохиолдлууд нэмэгдэж эхэлсэн байна.

2008 оны 8 сард Хятадын СанЛу хуурай сүүнээс меламин илрэв.

2008 оны 9 сар – Шинэ Зеландын ЗГ энэ асуудлыг шалгаж үзэхийг сануулав.
2008 оны 9 сарын 21 – Тайванд маш их хүнсний бүтээгдэхүүнд меламин илрэв.

4. Меламин шингээд юу болдог вэ?

Меламин бөөрний дотор үлдэнэ. Дараа нь чулуу болоод гуурсуудыг таглаж орхино. Өвдөлт бий болсон бол хүн шээж чадахгүй гэсэн үг. Ингээд хаван бий болно.

Хэдийгээр мэс заслын аргаар чулууг авсан ч бөөрийг эргэлтгүйгээр аюул руу түлхсэн байдаг. Энэ нь бөөрний хэвийн үйл ажиллагааг алдагдуулж, бөөрний диалез шаардах эсвэл бүр “uremia” шалтгаанаар үхэл рүү ч хүргэх аюултай болсон байдаг.

Диалез гэж юу вэ?

Үүнийг цусыг угаах гэж нэрлэж ч болох юм. Энэ нь хүний бие дэх бүх цусыг шүүж машин руу хийгээд буцаагаад бие рүү гаргана гэсэн үг.

Энэ процесст 4 цаг зарцуулагддаг бөгөөд нэгэнт диалез шаардагдах хэмжээнд очсон бол хүн амьдралынхаа туршид 3 хоног тутамд 1 удаа үүнийг хийх шаардлагатай юм.

Диалезийн төв
Диалезийн катетерийг оруулахад шаардагдах гар дээрх жижиг нүх

Яагаад хүүхдэд илүү ноцтой вэ?

Учир нь тэдний бөөр маш жижиг, тэгээд тэд сүүг маш ихээр уудаг. Сүүнээс өөр хүнс хэрэглэдэггүй нь тэднийг аюул руу түлхдэг байх нь

Диалез хийлгэж байгаа хүүхэд
Одоогоор хятадад 13,000 гаруй нялхас эмнэлэгт хэвтээд байна.

Меламинийг их бага хэмжээгээр хэрэглэсэн гэдэг нь огтхон ч чухал биш бөгөөд хамгийн гол нь түүнийг идэж болохгүйд л байгаа юм.

5. Ямар хүнс меламин агуулах боломжтой вэ?
Ноцтой нь бидний өдөр тутам хэрэглэдэг хүнсний бүтээгдэхүүнүүд агуулна.
Санамж: Kрем, сүү агуулсан бүтээгдэхүүнүүд хамгийн ихээр меламинтай байх боломжтой.

6. Ямар компаниуд...?

Доорх бүгд бүтээгдэхүүнээс нь меламин илэрсэн компаниуд. Бас л бидний өргөн хэрэглэдэг барааг үйлдвэрлэдэг компаниуд байгаа нь харамсалтай.

/гэхдээ Nestle бол эсэргүүцээд л байсан, юу болж байгаа юм бол?/

7. Бид юу хийх вэ?

Дээр дурдсан бүтээгдэхүүнүүдээс ядаж 6 сар хэрэглэхгүй байх хэрэгтэй.
Хэрэв та зуушийн газар, ресторанд эсвэл кофе уугаад гарахдаа ч дурдсан хугацаанд дээрх хэрэглээгээ зогсоох хэрэгтэй.
Хэрэв танайх нялх хүүхэдтэй бол эхийн сүүгээр нь тэжээхийг санал болгож байна.

Эцэст нь энэ мэдээллийг бусдад түгээснээр тэд ч бас хортой сүүний эрсдэлийг ойлгох болно.

Жич: Бид Монголд ихэнхдээ импортын бүтээгдэхүүн хэрэглэдэг, түүний бараг 80 хувь нь Хятадаас орж ирдэг учраас ялангуяа бидний цөөхөн Монголчууд анхаарвал зүгээр л байх даа.

Надад хэрэггүй нэг дүрс байгаа ч...

2008-10-05T18:50:00.003+08:00

Энэ нээрээ тас дуу болсон шүү.

Өөр хувилбар нь

Эр хүн

2008-09-27T20:18:00.006+08:00

"Шөнө амталсан нулимс" жүжгийн дуу

СТА С.Жавхлан дуулсан.

Бороотой тэнгэрээс уйдахдаа
Оддоо газар нь зүүдлэх шиг
Босоо заяагаар өөрийгөө бүсэлсэн
Дээлтэй хийморь нь биш гэж үү эр хүн би чинь

Тахилтай уулын оройгооос
Чулууг нь гуйж хөндөх шиг
Таван хана нь нар зөв тойрсон
Тооно нь биш гэж үү дээ эр хүн би чинь

Манантай уулнаасаа залхахдаа
Мэлмийн сэжүүр нь хөлөрдөг шигээ
Миний эзгүйд гал минь санаа алдсан
Голомт нь биш гэж үү дээ эр хүн би чинь

Салхитай саран намраас нь
Навчаа гуйж үлдээх шиг
Цайны дээж нь тогоондоо хүлээсэн
Айлын хоймор нь биш гэж үү эр хүн би чинь

Нүгэлтэй хорвоог эндүүрэхдээ
Нулимсаа ханцуйдаа нуудаг ч гэсэн
Нүүгээд ирдэг шувуудын цувааг
Уйлж л угтаагүй гэж үү дээ эр хүн би чинь

Ижий аавын залбирлаар
Заяагаа дуудсан эр хүн би чинь
Инээж уйлдаг нарны дор
Ийм л амархан гудайна гэж үү
Эр хүн би чинь

Нэгэн цагт түүнд зориулан бэлдсэн байснаа орууллаа
Клипийг нь холбох гэхээр миний бичсэн сэтгэл харагдахгүй байхаар нь болилоо

2008-09-24T20:46:00.002+08:00

Халуун сэтгэл

2008-09-21T20:16:00.008+08:00

Харанга хамтлаг дуулсан

Итгэлт сайхан хань минь дэргэд ч
Танаараа л дутаж явнаа би
Эвийлж хайрлах ээж минь байгаа ч
Таныгаа л үгүйлээд байх юм

Алтан наран ээлээ ч
Илчгүй мэт санагдана
Арван тавны саран гийлээ ч
Гэрэлгүй гэмээр бодогдоно

Ээжийн минь өргөсөн цай сүүний дээж
Танд минь хүрээ юм болов уу
Тэртээх олон оддын дунд
Зүүдэндээ таныг би үзлээ

Тариан түрүү халиурсан
Шаргал тал чинь үгүйлнэ
Тэрсхэн өссөн хонгор насаа
Оддын тэндээс харлаа

Хүнийг хайрладаг сэтгэлийг тань
Дээдлэн эрхэмлэж явъя
Бусдын төлөө биеэ мартахыг
Босон суун бодож амьдаръя би

Дэндүү гэмээр дулаахан
Сэтгэл чинь надад үлдсэн
Эндүү бодоогүй чин хүслийн
Итгэл чинь бас үлдсэн

Дэндүү гэмээр халуухан
Сэтгэлийг тань бодохоор
Тэргүүнд минь мөнгөрөх буурал нэмлээ ч
Дурсаж явъя таныгаа

“Yili” сvvн бvтээгдэхvvнийг Хятад улс зах зээлээсээ эргvvлэн татаж байна

2008-09-20T14:40:00.012+08:00

БНХАУ-ын сvvний компаниуд хvvхдийн сvvндээ химийн хортой бодис меламин хэрэглэсний улмаас дөрвөн хvvхэд нас бараад байна. Vvнтэй холбогдуулан Хонг Конг тус компаниудын сvvн бvтээгдэхvvнийг зах зээлээсээ эргvvлэн татаж байна.
Одоогоор уг химийн бодисийг агуулсан сvv, зайрмаг, тараг зэргийг илрvvлээд байгаа бөгөөд тvvнчлэн бидний хэрэглэж байгаа “Yili” сvvн бvтээгдэхvvнийг Хятад улс зах зээлээсээ эргvvлэн татаж байгаа ажээ.

Сvv орлуулагч дээрхи бvтээгдэхvvнээр хооллосон 6200 гаруй хvvхэд Хятадад эмнэлэгт хэвтэн эмчлvvлж байгаа бол дөрвөн хvvхэд уг бvтээгдэхvvнд хордож нас бараад байна. Дахиж хvvхэд нас барсан тохиолдол одоогоор тодорхойгvй байна.
Энэ хэрэгтэй холбоотой 18 хvнийг Хятадын цагдаа нар баривчилжээ. Хамгийн анх Хятадын Санлу Групп меламин химийн хорт бодисыг хvvхдийн сvvнд хэрэглэсэн нь тогтоодсон бол дараа нь “Yili” болон нийт 22 компани хэрэглэсэн нь тогтоогдсон юм. Эдгээр компаниудын хоёр нь Бангладеш, Еймен, Габон, Бирм зэрэг улсуудад сvvгээ экспортолдог байна.
Хонг Конг “Yili” vйлдвэрийн 30 гаруй сvvн бvтээгдэхvvний наймыг нь худалдаанд гаргахыг хориглоод байна.
Меламин химийн хорт бодис нь хvнийг бөөрний чулуутай болоход нь нөлөөлдөг. Ийм ч учраас Хятадын Бээжин хотод эцэг эхчvvд хvvхдээ бөөрний чулуутай болсон эсэхийг тогтоохын тулд эмнэлэгт шинжилгээ өгөж байна. Одоогоор мянга гаруй байцаагчид улс даяар сvv худаалдалж байгаа болон vйлдвэрлэж байгаа бvх газруудыг шалгаж байна.

Орчуулгын эх сурвалж: http://news.bbc.co.uk/2/hi/asia-pacific/7623037.stm

http://www.sonin.mn/2008/09/19/7238/

Yanaa... Manaihan yu yu gej surtalchlaad l heregleed bailaa daa... Yadaj baihad deer ni savlasan Mongol suu gej baina uu? "Oulen eh" gedeg bas hujaa suu gesen shd ee?! Suugee niiluuldeg gedegt ni manaih suraggui baih shiv dee??? Mal aj ahuin oron baij, maliinhaa buteegdehuuniig bolovsruulaad hereglej chadahguim baij ...

2008-09-01T12:17:00.013+08:00

Цагийн урсгал биднийг хүлээхгүй урсдагаараа урсан өнгөрсөөр. Уй гашуу, уйтгар гуниг, ганцаардал гомдол, атаа хорсол, учрал хагацал, сайхан сэтгэл, хайр дурлал, тус дэм, нөхөрлөл бүхний гэрч болон хэдэн зуун жилээр бидний зүрхэн дундуур зовлон жаргалаар ээлжлэн хувиралгүй, "цөхрөлгүй", тасралтгүй, зогсолтгүйгээр урсана. Урсахдаа зөвхөн урагшилж урсана. Харин бид эсрэгээрээ заримдаа ухарна. Түүний урсгал энэ бүхнийг элээн хуучруулна. Гэвч цагийн эргэлтэд хуучрах биш тодордог ч зүйл цөөнгүй.
Хэдийгээр хүн зовлонг туулж байж л цаг хугацаа өнгөрөн алс тэртээ одсон хойно нь аз жаргалын амт, үнэр, үнэ цэнийг мэдэрдэг ч гэсэн ийм хэтэрхий их үнэ цэнээр түүнийг мэдэрч байсан гэдгээ ухаараад ч яах юм. Тэрхүү бал бурам шиг цаг хугацаа зүүд зэрэглээ төдий хий хоосон зүйл болон үлдэнэ, аль хэдийн...

...аль хэдийн 49 өдөр 49 шөнийг ардаа үдэж. Гомдолтой, нулимстай өдрүүд бага тохиолдоосой.

АРЪЯАБАЛ УМ МА НИ БАД МЭ ХУМ

МААНИЙН СУРГААЛ

2008-08-25T13:35:00.011+08:00

МЭРГЭН ГЭГЭЭН ЛУВСАНДАМБИЙЖАЛЦАН

МААНИЙН СУРГААЛ

Ертөнц болбоос гаслант ертөнц мөний тул аливаа хүн бүү гутарч гунирч, биедээ төлж баршгүй хилэнц нүглийг хийгтүн! Ертөнцийн аливаа хүн цөм хилэнц нүглийг хийхгүйгээр сайн санаа бодь сэтгэлээр явбаас харанхуй замаас салж, Диваажингийн оронд дэвшин, үхэлгүй мөнхийн шидийг олж, үгүйршгүй баян шидийг олж жаргах нь магад болой!

Оломгүй далайн усыг

Онгоцоор үл гатлах

Орчлонгийн амьтан бүхэн

Мөнх үл суух

Оосоргүй тамд

Очих магад тул

Ум ма ни бад ми хум

Ганга мөрний ус нь

Ганганд үл багтах

Галбын амьтан бүхэн нь

Мөнх үл суух

Гайхагдсан орчлон нь

Магад хоосон тул

Гайхамшигт маанийн зургаан үсгийг

Уншилтай ажгуу

Ум ма ни бад ми хум

Алт нь байгаад мөнгө нь байвч

Тамд үл хүнс болох

Амраг нь байгаад тавтай байвч

Эрлэгт үл дагах

Ангижраад салахын үест

Энэ бие ганцаар тулд

Ариун мөрийн цагаан үйлст

Зүтгэлтэй ажгуу

Ум ма ни бад ми хум

Эд нь байгаад мөнгө нь байвч

Тамд үл хүнс болох

Эвтэй нь байгаад тавтай нь байвч

Эрлэгт даган үл явах

Эвдрээд салахын үест

Энэ бие ганцаар тулд

Эрхэм цагаан ариун үйлст

Хичээлтэй ажгуу

Ум ма ни бад ми хум

Гар нь хэдий урт боловч

Тэнгэрийг үл тулах

Ганц бие нь сайн эр боловч

Галбыг үл сахих

Гайхавч маны биес

Гайхамшигт зургаан үсгийг

Ганц сэтгэлээр итгэж уншилтай ажгуу

Ум ма ни бад ми хум

Хөл нь хэдий урт боловч

Луст үл хүрэх

Хүний бие нь сайн эр боловч

Мөнх үл суух

Хүсэвч маны биес

Магад хоосон тул

Хүч ихт зургаан үсгийг

Хүчлэн зүтгэж уншилтай ажгуу

Ум ма ни бад ми хум

Аавын буян байна хэмээн !

Аван бүү хөөрөгтүн

Аяга барьсан гуйранч гэж

Дороор бүү үзээрэй

Адилгүй үйлийн үр

Анхын хийсэн хөрөнгө

Ариун цагаан үйлсийг

Санаж явах хэрэгтэй

Ум ма ни бад ми хум

Баян ноён болов хэмээн

Бардам бүү аашил!

Баахан буурай болов хэмээн

Гутарч бүү бодоорой!

Энэхүү ертөнцийн хүмүүсийн

Баян, ноён, жаргал гэдэг нь

Өглөө, үдшийн шүүдэр!

Ийнхүү жамыг мэдэн авч

Үүрдийн сайн үйлсийг бүтээхээр

Шамдалтай ажгуу

Ум ма ни бад ми хум
Хулгай дээрэмд үл автах
Сурсан эрдэм мөнх!
Хоцролгүй нэхэж гүйцэх
Үйлийн үр мөнх
Хуурмаг үнэнд үл ялгагдах
Доорд суртал хэврэг!
Хувцас мэт элэгдэн барагдах
Янаг амраг хэврэг!
Ум ма ни бад ми хумАяганы төдий харагдавч Нарны гэрэл мөнх!Амьтан бүхнийг соёрхон сургах
Номын хүчин мөнх!Асар хот шиг харагдахЗэрэглээ хоосон!Ашиг хонжлогод хөөцөлдөх
Сэтгэл үйл хоосон!Ум ма ни бад ми хум

Тайлбар: Их нигүүлсэгч бодисад Аръяабал зургаан их ертөнцийн амьтны зовлонг арилгахын тулд маанийн зургаан үсэг “Ум ма ни бад ми хум”–ыг бүтээн хайрлажээ. Иймээс энэхүү маанийн зургаан үсгийг “Аръяабалын зүрхэн тарни” гэдэг билээ. Үүнд “Эх болсон зургаан зүйлийн хамаг амьтны тусын тул” гэсэн утга багтаж буй. Эх болсон зургаан зүйлийн хамаг амьтан гэдэг нь тэнгэр, асури, хүн, адгуус, бирид, тамын амьтныг өгүүлж буй!

Маанийн сургаалийг монгол бичгээс кирил үсэгт буулган, олонд түгээсэн ач буянаар буянт үйлстэн арвидах болтугай!

Ш.Чоймаа

Сэтгэлийн зул

2008-08-01T14:27:00.010+08:00

Өнөөдөр дүү минь 28 нас хүрэх байсаан.
Хүмүүний биеийг олж нарт ертөнцөд мэндлэхийн эцсийн үр дүн үхэл хэдийгээр мөн боловч үүлэн чөлөөний нар адил үзэгдээд л өнгөрөх тавиланд төрсөн гэж чамайг мэдсэнгүй хайрт дүү минь. Ийм зовлон ганц надад ирээгүй ч арай л дэндүү эрт таарч. Төрөхөөс үхэх хүртэл хүний амьдрал гэдэг "урт" атлаа асар богинохон тойрог байдаг хэдий ч чинийх хэтэрхий богинохон байжээ.
Харуусал, хүнд бодол, гашуун нулимс, үүрэг хариуцлагын дунд биднийг орхиод ийм хурдан одохыг чинь мэдсэн бол...
Тэр аймшигт өдрийн, асар богино хэдий ч хэтэрхий урт хэдхэн хоромд мэдэрсэн, бодсон бүхнийг чинь нүднээс чинь ч атугай уншиж чадсан бол...

Тэнгэрт алтан наран хиртэж байгаа бүүдгэр энэ өдөр шиг л зуны аагим халуун өдрүүд дээшээ тэнгэр хол доошоо газар хатуу гэдгийг мэдрүүлэн зүрхэн дундуур нулимстай хамт урсаад л байна. Элэг эмтрэх гэдэг энэ байх аа.

Орчлонг хамтдаа элээх байсан эгч нь дүүдээ сэтгэлийн зул өргөж байна. Орж ирсэн хүмүүс энэ зулыг асаан, мөнхөд бадамлаж байх болно оо гэж сэтгэлдээ бодсондоо тэр.

Ээж минь дүүг хэвлийдээ тээснээс хойш 29 жил мэднэ. Харин би ухаан орсон цагаасаа гээд бодвол 25 жил мэдэх байх. Гэвч энэ хугацаанд дүүгээ зэмлэж байсан нь олон. Бүр дэндүү их. Тиймээс хүмүүс ээ, бие биенээ амьд ахуйд нь хайрлая.

АРЪЯАБАЛ УМ МА НИ БАД МИ ХУМ

ЗОВЛОН ҮНЭН
ЗОВЛОНГИЙН ШАЛТГААН ҮНЭН
ЗОВЛОНГ ГЭТЛЭХ НЬ ҮНЭН
ЗОВЛОНГООС ГЭТЛЭХ АРГА ЗАМ ҮНЭН

ЭМГЭНЭЛ

2008-08-01T14:04:00.007+08:00

Бидний хамгийн эрхэм дотны хүн Шинэ Жалайр овогт Чинбатын ХҮДЭРЧУЛУУН 2008 оны 7-р сарын 14-ний өдөр зуурдаар тэнгэрт хальж бидэнд нөхөж баршгүй хүнд гарз тохиолоо.

Талийгаач 1980 оны 8-р сарын 1-нд Говь-Алтай аймгийн Алтай хотод төрсөн. 1997 онд дунд сургууль төгсч 2001 онд ШУТИС-ийг Геодезийн инженер мэргэжлээр дүүргэсэн юм. 2001-2006 онд Аэрогеодези ХХК-д техникч, инженерээр ажиллаж байгаад 2006 онд TOP SURVEY ХХК-ийг үүсгэн байгуулалцаад өнөөг хүртэл инженер, ахлах инженерээр эзэмшсэн мэргэжилдээ эзэн болж, сэтгэл зүтгэл гарган үр бүтээлтэй ажиллаж ирсэн билээ.
Улсын хилийн халдашгүй дархан байдлыг баталгаажуулах ариун үйлсэд оролцон, хил шалгах Монгол Улсын багт орж, нэн хариуцлагатай, нэр хүндтэй түүхэн ажилд идэвх зүтгэлтэй ажилласныг нь төр засаг, холбогдох байгууллагууд өндрөөр үнэлж байсан юм.

Талийгаач маань ханьдаа түшиг тулгуур, үр хүүхэддээ халамжит эцэг, эцэг эхдээ хайртай үр нь байж чадсан юм. Талийгаачийн ажилсаг, хичээнгүй, хүнлэг, шулуун шударга зан чанарыг мөнхөд санан дурсах болно.
Түүний минь эгэл гүндүүгүй дүр төрх бидний сэтгэл зүрхэнд үүрд хоногшин үлдэнэ.

Цаг бусаар тэнгэрт хальсан хайрт хүний минь гэгээн дурсгалыг хүндэтгэн, бидэнд тохиолдсон уй гашууг хуваалцсан бүхий л хүмүүст чин сэтгэлийн талархал илэрхийлье.

Талийгаачийн хань, үр хүүхэд, гэр бүлийнхэн
2008-07-18

"Өнөөдөр" 2008 оны долдугаар сарын 18. Баасан.
№164(3427) В2 тал

Боржигоны бор тал

2008-07-30T18:15:00.010+08:00

Төрийн соёрхолт, ардын уран зохиолч Бавуугийн Лхагвасүрэн

Санаа алдахад
Эхийн сүү тагнайд амтагдаж
Салхины үзүүрийг нь залгихад
Агь хоолойд аргасан
Боржигоны бор тал минь

Тэргэл саран туулж баралгүй хээр хонодог
Тэнгэрийн хэвтэр буурал тал минь
Таанын цагаан толгойноос өөр
Тайтгаруулах цэцэггүй нүцгэн тал минь
Нандин эрхэмсэг, эгэл боргилын туйл
Нар хур царайчилсан газрын саальтай хормой минь
Тэнгэр тийчиж, чулуу ханарааж төрөхөд тал минь чи
Торго шиг зөөлөн байсаан
Жаргал зовлон хоёрыг амсаж эдэлж
Чулуун дээр чинь баяр гунигийн нулимсаа унагахад
Эр хүн шиг нуруутай бай гэсэн шиг
Эргүүлж над руу цацан хатуугаас хатуу байсан чи
Сайран дээр чинь өдөлсөн жигүүртэн тэнгэртээ нөгчихөд
Салхи хөлөглөсөн өд нь чам дээрээ эргэж буудаг
Ботго нь үхсэн ингэний
Борвио хагартал савирсан цусны туяатай сүүг
Чи л залгилж зовлонг нь хугасалж
Чинэсэн хөхийг нь амирлуулсан
Дээдсийн шарил харваж унасан тэнгэрийн солирыг ч
Дэлхийн төвтэй чи л нийлүүлсэн
Чиний шарх
Зүрхний минь шархнаас хождож аньдаг юм аа тал минь
Тугалын бэлчээрээс эхлэн
Тоглоом дэлгэсэндээ чи
Намайг эрх болгосон
Туулсан зуунуудын гашуун сургамжийг
Хэлж зүрхлээгүйдээ чи
Намайг гэнэн болгосон
Газрын нүдэн булгийн чинь
Хад цоолсон дошгин цамнаа
Намайг эрэмгий болгосон
Хөрөөний ир шиг алсын намхан уулсын чинь орой
Хөх галын чинь ирт улаан дөл
Намайг бадрангуй болгосон
Сайхан чиний гандах элэгдэх хоёр
Сартай шөнийн чинь чимээнд зангирах цагаан аялгуу
Намайг уяхан болгосон
Байдуу мянганы уулсаа дуурайж
Толгойд минь буурал сууж
Багадаа хөхсөн эхийн минь сүү
Гадагшлахын цагт
Шүлгээ би чам дээрээ
Хүн чулуу шиг орхиод
Сүүдрээ дарж унахдаа
Элгий чинь цөмлөн шингэнэ ээ
Боржигоны бор тал минь

"Би хэзээ төрөө вэ?"

2008-06-25T19:27:00.004+08:00

Дорнын их найрагчийн "Би хаана төрөө вэ?" найраглалыг мэддэггүй Монгол хүн ховор биз. Тийм ээ, Хаана төрснөө би мэднэ, та ч бас, ер нь бид бүгдээрээ мэднэ. Хөх тэнгэрийн орныг эзэгнэнхэн төрсөн бидний цөөхөн Монголчууд. Гагцхүү харин "Хэзээ төрсөн бэ?" гэдэг нь сонин болоод байна.
Би хэзээ төрөө вэ?
Социализм, коммунизмын үед төрсөн бол??? Бидний аав ээж, эмээ өвөө шиг амар тайван, авдаг цалингаа хүргээд л санаа амар. Дөрвөн төгрөгний элсэн чихэр, Төгрөг нойл тавын талх, есийн тос, хорин дөрвийн чихэр хэрэглэсэн шиг ээ... Нийтээрээ нийгмээрээ дундаа өмчтэй, хэлэх ярих зүйлгүй, нэг нь нийтийн төлөө нийт нь нэгийнхээ төлөө гээд л сайхан ч байсан юм уу? Сонголтгүй сонгууль явуулчихаад л.

Үгүй ээ. Бид ийм нийгмийг өнөөдөр төсөөлж ч чадахгүй нь. Тэгэхээр энэ цаг үед бид төрсөн мэндэлсэн нь азтай зүйл юм, бурхан минь баярлалаа. Би хэзээ ч компьютер, интернэт, гар утас ашиглахгүй амьдарна гээд төсөөлөх гэхээр болохгүй нь ээ. Бас, дэлгүүрийн лангуун дээр үнээрээ бараг нэрлэгдчихсэн хэдхэн төрлийн бараатай, зурагтын нэг сувагтай гээд л тоочоод байвал барахааргүй "дутагдал"-тай тийм үед амьдралынхаа ихэнх үеийг өнгөрөөнө гэхээр арай л амжихгүй мэт. Гэхдээ мэдээж тэр цагт сайхан зүйл зөндөө байсан. Хүний сайхан сэтгэл, бусдын хөрөнгөөр биш өөрийн гараар амьдралаа босгон цогцлоох гээд л... Миний л бодлоор олон сайхан зүйл байсан.

Эсвэл бид одоо мөрөөддөг хэдий ч олж үзэхгүй ч байж мэдэх хөгжсөн Монголд төрсөн бол... Хааяа Ганбаагийн блогоор шагайхдаа хэд дахин уншиж байсан төсөөллүүд бүхий тийм нийгэм. Магадгүй дахин төрөхдөө тийм Монголд төрөх байх аа :-)

Харин өнөөдөр...
Ганбаагийн блогоос харсан
" Хамгийн сүүлчийн мод цавчигдаж унахад
Хамгийн сүүлчийн загас ангаж үхэхэд
Хамгийн сүүлчийн гол ширгэж дуусахад
Хүмүүс та нар мөнгийг идэж болдоггүйг мэднэ" гэсэн Харанга хамтлагийн дууны үгийн үнэн утгыг бид мэдрэх тийм цагт төрсөн бололтой. Эсвэл тийм цагийн эхлэлийг тавих цаг үед л Монгол хүн болон мэндэлсэн юм уу?
Бид өөрсдөө байгалийн тасархай гэдгээ мэдэхгүй Эрдэс баялгийг нь авахын төлөө харийнхантай хамжин байж газрын хэвлийг сэндийчсэн хөрстэй үлдээж байгаа өнөө цагт өнөөдрийг, маргаашийг өнгөрүүлэн байсаар удахгүй нөгөө алдарт ирээдүйгээс ирсэн захидал-ыг гар бие оролцон биелүүлчих гээд л үзээд байна уу даа гэмээр санагдах юм. Учир нь тэнд өөрөө тэгээгүй ч, түүнийг зогсоохын төлөө ямар нэг юм хийгээгүй гэдгээ ухаарсан, харууссан хүний үг байсан.
Нэг янзын хэвийн өдрүүд хэдэн жилээр үргэлжлээд л...

Хаврын адаг сарын шинийн 28

2008-05-15T11:08:00.010+08:00

Хан Хэнтийн дархан цаазат газрын салбар Тэрэлжийн уулс, "Аянчин" жуулчны баазад

Дахиад гоё бичлэг

2008-05-13T21:05:00.003+08:00

Гайхалтай авъяас

2008-04-20T13:43:00.013+08:00

ПиСи-гээ нэгжиж суугаад гайхамшигтай зүйл оллоо. Ямар нэг зүйлийг... юуг ч хамаагүй, ингэж эзэмшихсэн. Та заавал үзээрэй, таалагдана.

Нэг жилийн өмнө ПиСи-д маань хадгалагдсан энэ зүйлийн эх сурвалжийг тавих гээд олоогүй болохоор нэт-ээс хайсан чинь энд байж байх юм аа... YouTube дээр өөр гайхамшигтай бичлэгүүд нь ч байна лээ. Жишээ нь: Хүн-Аалз, Скарлет Йохансон гэх мэт

Бороо

2008-04-19T19:39:00.003+08:00

Өнөөдөр анхны бороо орсон. Өглөө тэнгэрийн дуунаар цочиж сэрээд. Оройтож унтсан болохоор эргээд унтмаар байсан ч гэсэн бороо орох чимээ нойрыг хаа нэг тийш нь хулжаан хөөгөөд би гэдэг хүн чинь орноосоо үсрэн босох шив дээ. Гадаа хүмүүс шүхэр бариад алхаж байгааг харахад гоё байна лээ шүү :-) Би бол норох хүсэлтэй байсан учир зүгээр л зорилгогүй алхаад л...

Бороо бороо ороорой
Оросын маамуу ирээрэй

/Өнгөрсөн жил блогтоо бас л ингэж бичсэн санагдаж байна... Гэхдээ яахав/

Амьдрал бидний зүрхэн дундуур өөр өөрийнхөө өнгө, хэмээр урсаад л...

2008-04-18T13:03:00.003+08:00

Өчигдөрхөн улаан шороогоор шуурч, Богд уул ч харагдахаа больж байсан тэнгэр өнөөдөр "Тэр чинь би биш" гэсэн аятай хачин дулаахан, тогтуун, нарлаг... бүр +25 хэм дулаантай халуун өдөр болж байх чинь. Хаврын тэнгэр ээ гэж... Тэнгэрийн муухай арилах л юм даа. Өчигдөр шиг өдөр олон битгий байгаасай.

За яахав хэлье л дээ...

2008-04-15T17:11:00.002+08:00

Нөгөө миний хэлэх гээд яараад байсан гоё хариулт бол

"Эр хүн бол хүчинд суурилсан ухаан, урагшлах хүчний нэгдэл"

Үүнийг хэлсэн Баяраад баярлалаа.
Миний бодлоор оновчтой хариулт санагдсан.

Эр хүн

2008-04-04T11:59:00.002+08:00

Эр хүний мөн чанар юу вэ? Би маш гоё хариулт олсон, тэрийг бичихээсээ өмнө таны бодлыг сонсъё.

Бас л хөөрхөн

2008-03-31T11:25:00.004+08:00

Гоё

2008-03-19T11:43:00.003+08:00

Эртээдээс хойш хайж байснаа олчихлоо. Их хөөрхөн байгаа биз :-)

Баяр хүргэе

2008-03-18T16:27:00.002+08:00

Эр цэргийн албанд зүтгэсэн, зүтгэж байгаа, ирээдүйд зүтгэх, зүтгэхийг хүсч байсан ч чадаагүй, зүтгэснээс бараг ялгаагүй, зүтгэх дургүй алин боловч “амьдралын төлөөх албанд амь хайргүй зүтгэж яваа” эр хүн танд 03-18-ны баярын мэндийг дэвшүүлье.

Эх орныхоо төлөө цусаа урсгаж үзээгүй ч
Эрдмийн их далайд хөлсөө дуслуулж яваа
Цэрэгт явж үйлээ үзээгүй ч
Цээжиндээ үргэлж эх орноо багтаадаг
Хөх Монголынхоо Хөгжлийн ирээдүй болсон
Хүчтэй биш ч ухаантай
Соёлтой биш ч боловсролтой /энэ 2 мөр утгагүй юм аа/
Эр хүн танд

Цэргийн биш Эрчүүдийн баярын мэндийг хүргэе!!!

/мессенжерээр ирэв/

2008-03-18T10:30:00.005+08:00

Хавар нээрээ л сэтгэл хөвсөлздөг бололтой. 3-р сар дундаа ороход л өмнөх 2 сарынхаа бичлэгийг нийлүүлснээс бараг 2 дахин ихийг тэмдэглэж. Хэрэгтэй хэрэггүй ч гэлгүй л бичмээр санагдсан хэрэг байх :-)
За тэгээд өнөөдөр...
Үнэхээр хүлээн зөвшөөрсөн тул доорх зүйлийг, Y!M-ээр ирдэг зөндөө олон зүйлсийг миний жагсаалтанд нэр нь байхгүй хэн нэгэн бас уншаасай гэж бодоод үлдээдэг тэр л зангаараа энд үлдээхээр шийдлээ. Бодол маань явсаар байгаад тавилан болох бололтой. Зөв бодолтой явбал хувь тавилан зөв эргэнэ гэсэн үг байх нь...

Юу бодож буйгаа анхаарч бай, учир нь бодол үг болдог.
Юу хэлж буйгаа хянаж бай, учир нь үг үйлдэл болдог.
Юу хийж буйгаа анхаарч бай, учир нь үйлдэл зуршил болдог.
Юуг үргэлж хийдгээ анхаарч бай, учир нь зуршил маань зан чанар болдог.
Зан чанараа анхаарч бай, учир нь зан чанар хувь тавилан болдог.

Хэрэв Та үүнийг хүлээн зөвшөөрч байгаа бол бусдын тусын тулд цааш нь дамжуулна уу!!!

/мессенжерээр ирэв/

Олчихсон шүү, хайр хаана байдгийг ;))

2008-03-14T12:22:00.017+08:00

Өнөөдөр бас бичихгүй байж болмооргүй сайхан өдөр байна. Улаанбаатарт 2 хоног шороо шуурсан чинь өглөө босоод иртэл сайхан цас орчихсон, тэгээд бас хүйтэн биш дулаахан сайхан өглөө эхэлж байна.

Өчигдөр орой зураг үзэж суухдаа нэг зураг олсон. Энэ зураг хайр хаана байдагт хариу өгөх юм шиг санагдлаа. Сонирхвол томруулаад хараарай. Тархинууд бас зүрхнүүдийн хооронд нь холбоо тогтсон байгаа биз?

Тэгэхээр үнэхээр тийм юм байна. Хайр зүрх, тархи хоёрт хоёуланд нь зэрэг оршдог юм шиг санагдлаа. Хаана нь эхлээд үүсдэг нь харин сонин байж болох юм.

Энэ зургийг надад илгээсэн Хуягаадаа баярлалаа. :-)

Хайр хаана байдаг вэ?

2008-03-13T08:28:00.008+08:00

Хайр хаана байдаг вэ? Хайр зүрхэнд байдаг гэж бүгдээрээ хариулах байх. Тэгвэл зүрх шилжүүлэн суулгах мэс заслын дараа яахуу? Шал танихгүй хэн нэгнийг хайрлаад эхэлбэл ... хэхэ. Бодсон чинь инээд хүрчихлээ.

Зүрхэн дэх хайр уураг тархи, оюун ухаанаар жолоодогддог юм болов уу?

Болсон явдал

2008-03-11T12:02:00.004+08:00

Бяцхан хүү зурагтынхаа араар гүйж ороод "Аав аа, би зурагтаар гарч байна уу?" гэхэд нь аав нь "Гарахгүй байна" гэж. Хүү гарч ирээд зурагт руугаа хараад дахиад л араар нь ороод ааваасаа асууж. Аав нь мөн л гарахгүй байгааг нь хэлэхэд хүү нь зурагтаа түлхэж унагаад хагалчихсан гэнэ ээ хэхэхэ.
Мартын 8ны өдөр байсан болохоор залуу эхнэртэйгээ зурагт хулалдаж авахаар гараад тэндээсээ нэг баярын хүлээн авалтанд ороод тасраад унаж дээ. Эхнэр нь хүүхдүүд рүүгээ харьж хоноод, шартсан залуу маргааш өглөө нь зурагтаа тэврээд харихаар явж байна гэнэ шүү.

Тэмцэл-2

2008-03-10T21:37:00.008+08:00

Эхний удаа хэтэрхий олон дутагдлаа бичээд тэмцэхээр шийдсэн ч олигтой амжилтанд хүрээгүй байх аа. Харин одоо бага багаар урагшилъя гэж бодлоо.
Энэ удаа илүүдэл жинтэйгээ тэмцэхээр шийдлээ. Турах юмсан гэсэн блог руу хэдэнтээ шагайгаад тэмцэх хүсэл өөрийн эрхгүй төрөөд...

Таргалалт бол иргэншлийн өвчин гэж би боддог. Нийгмийн ч гэх юм уу. Ихэнхдээ л алхахгүй бид чинь булан тойрох газар байсан ч унаанд л суухыг хичээнэ. За тэгээд цайны цагаараа гарахгүй, хүнээр дайгаад хоол авчруулна, эсвэл дуудлагын пицца ч юм уу авчраад идчихнэ. Бүх хүн яаруу сандруу цагт баригдаж байдаг болохоор болсон болоогүй нэг юм идсэн болоод л ажилдаа, эсвэл өлсч өлсч байснаа харьж идээд л унтчихна. За тэгээд дэлгүүр хоршоо, билетийн касс, банк энэ тэр явах ажил өдөр ирэх бүр л хасагдаад л байгаа юм чинь... Нийгмийн амьдрал биднийг хөдөлгөөний хомсдол руу түлхээд л байна гэсэн үг.
Дээр үед бидний аав ээжийн үед бол хүмүүс өдөр тутмынхаа амьдралаар эрүүл мэндээ хамгаалдаг байж. Тэр үед хэдийгээр мах гурилаас өөр олон төрлийн хүнс одоогийнхоос бага байсан ч эрүүл хүнс байсан байх тэр нь. Тэгээд байнга суухгүй алхаад, хөдлөөд байх боломжтой байсан байх ихэнх ажил.
Харин одоо бид зориуд цаг гарган эрүүл мэнддээ анхаарал хандуулахгүй бол ... Идэж байгаа хүнс, амьсгалах агаар гээд л бүхэлдээ хор болох зүйлс дүүрэн.

Бид хэтэрхий их мэдээллийн дунд толгой эргээд яг хаанаас юунаас эхлэхээ мэдэхгүй байх шиг. Турах гэхэд л хэдэн арван зөвлөгөө, дасгал, жор, хоолны дэглэм хаа сайгүй. Тэгэхээр миний бодлоор аль өөртөө арай наалдацтай нэгийг нь сонгоод тууштай явах хэрэгтэй байх. Тэгээд ч турах, таргалах гэхээс илүү жин барих гэдэг хамаагүй чухал байх шүү. Ойрхон жин нэмэх, хасахаас болоод арьс суларч унжих явдал гардаг.

За ингээд миний хийх эхний алхам.

Нөхцөл байдалд дүгнэлт хийх /Маргааш жингээ үзнэ ээ/
Зорилго тавих /Тавьсан байгаа. Гэхдээ хүрсэнгүй дээ гэж шантрахааргүй холын, тэгээд бас жижигхэн зорилго /
Аргаа сонгох /Ука -ийн фитнессийн ДиВиДи -ээр явахаар шийдсэн байгаа/

Жич: 7 хоногт 1 удаа тогтмол зааланд тоглож байхаа мэдээж хаяагүй байгаа.

За ингээд амжилт!

Олон улсын эмэгтэйчүүдийн баярын мэнд хүргэе!

2008-03-07T12:05:00.007+08:00

Өлгийн зөөлөн бүүвэй сэтгэлээс тань уянгалсан
Өргөлийн цагаан сүү гараас тань цацарсан
Өглөгийн дээд хайр зүрхнээс тань ундарсан
Өрх гэрийн жаргал сэтгэлээс тань гэрэлтсэн
Сайхан эх орны минь саран гоо бүсгүйчүүддээ
Олон улсын эмэгтэйчүүдийн баярын мэнд дэвшүүлж
Эрүүл энх, аз жаргалтай, инээд баясал дүүрэн явахыг ерөөе

Уяхан аашинд чинь хатуу бүхэн зөөлөрч
Уран хоолойд чинь сэтгэл бүхэн нялхарч
Бүүвэйн зөөлөн дуунд чинь үр бүхэн тайвширч
Бүсгүй хүний эрдэм агуу төгс билээ
Хатуудаа хатуу хорвоогийн
Хахиран аашийг зөөллөх
Хатангоо бүсгүй танд эмэгтэйчүүдийн баярын мэнд хүргэе.

Үлэмжийн гоо төрхөнд чинь сэтгэлээ хөглөдөг
Үнэн зөв дэнсэнд жигнүүлж явдаг
Үнэнхүү хөөрхий эрчүүд нь та бүхэндээ хоргоддог юм.
Энэхүү буурал хорвоогийн тоосонд
Дарь эх болсон юм бүсгүйчүүд
Эх хүний тэр л нандин хайр бүхнийг
Асгарсан сүү нь ширгэдэггүй дээ л адил
Эмэгтэйчүүд та бүхэн энэ л орчлонг тээдэг юм бүсгүйчүүд

Дэлбээгээ дөнгөж нээгээд турьгүйхэн цөмцийх
Дэлхийн аашинд дасаж ядах хэнзхэн цэнхэр яргуй нь бүсгүй та юм шүү
Цэцгийн дэлбээ, нарны цацраг, салхины үзүүрээс ертөнцийн аясыг мэдэрдэг
Цэгээн гэрлийн цагаан давалгаа нь бүсгүй та юм шүү
Халтай жаргалтай хүний орчлонгоос хорвоогийн өнгийг мэдэрдэг
Хайрлаад ч үл барам ховор эрдэнэ минь бүсгүй та юм шүү
Дундрашгүй хайрын дуртгалыг тээсэн он жилүүдийн мөнгөн хэлхээс
Дуусашгүй амьдралын авралын сахиус нь бүсгүй та юм шүү

Сэтгэлд чинь сүү өөрөө асгарч байг
Харцанд чинь хорвоо өөрөө гэрэлтэж байг
Алганд чинь цэцэгс өөрөө дэлбээлж байг
Зүүдэнд чинь бурхад өөрсдөө бүжиж байг
Сайхан ээжүүд бүсгүйчүүд охидуудаа баярын мэнд хүргэе!!!

Сайхан баярлаарай.

/мессенжерээр ирэв/

Тэнцэтгэл

2008-03-06T08:39:00.006+08:00

Нэгэн цагт Чингис хаан "Өөрийнхөө эзнийг хайрлаагүй хүн намайг ч бас хайрлахгүй" хэмээн боолуудыг цаазалсан тухай Монголын нууц товчоонд бичигдсэн байдаг. Түүнтэй адилтгаваас "Энэ чинь өөрийнхөө эх орныг ч хайрладаггүй өнөөх Монгол хүн шүү дээ..." гэж бид хэлэгдэх вий дээ

Єнгєрсєн vеийнхээ булшин дээр амьдарч буй бид
Євєг дээдсийнхээ цусаараа тамгалж нулимсаараа бvлээцvvлсэн
Єлгий сайхан эх орноо
Єр зvрхнээсээ хайрлахгvй юм бол
Татсан тамхиний иш, талаар тарсан лонх
Тагтаршиж муудсан хєрс шороо болж
Хатгах модгvй, урсах голгvй
Халуун зун цас орж, хvйтэн євєл бороо шивэрч
Цєл газар, цэвдэг мєс
Цээрлэх ёсгvй Цагааныг хар гэж
Ясаан тавих газаргvй
Ядрах цаг ирж мэднэ

Та хогоо хаана ч хамаагvй битгий хаяарай

/мессенжерээр ирэв/

Сонирхолтой

2008-03-06T08:34:00.004+08:00

/ UNO /

What is the plural of 'mouse' on a computer? mice or mouse?

MOUSE is an acronym, and is short for Manually-Operated User-Selection Equipment so technically MOUSE is already the plural (... Equipments?) Most people, however pluralize acronyms, and initials in general, by adding a small s, so it would be MOUSEs, which seems a bit silly. Mice is also wrong, as it doesn't stand for anything.

English Language Institute ~ Missouri State University

2008-03-04T12:10:00.005+08:00

Хүйтний ам цаашилж Хүүхний гуя наашиллаа гээд л радиогоор рекламдаад байх юм. Уг нь хөхүүрийн ам наашилна гэдэг билүү?
Хавар ийм хурдан, ийм эрт ирж, ийм дулаан болж, ингэж их сэтгэл хөдөлгөдгийг бараг мэдэхгүй юм байна гэмээр байна энэ хавар. Онцгой сайхан дулаахан байна шүү цагаан сараас хойш. Усны шувууд бараг ирэх гэж байгаа байх даа.

Дулаараад хүмүүсийн сэтгэл хөдлөөд л... Ойр ойрхон баяр болж, хүмүүс баяраас баярын хооронд амьдраад л... Бас л гунигтай санагдчихлаа.
Үгүй ингэхэд бидний сэтгэл хөдөлж байгаа юм чинь хавар болохоор сэтгэцийн эмгэгтэй хүний сэтгэл хөдлөлгүй яахав дээ. Яагаад зэрэглээ босох цагаар ингэж хүмүүний сэтгэл гэгэлзэн хөдөлдөг юм бол. Нэг багш маань хэлэхдээ, эрс тэс уур амьсгалтай учир хатуу ширүүн улирлын дараа тэгж байгаа юм гэж байсан даа?

Баярлалаа

2008-03-03T15:01:00.004+08:00

Сайн уу бүгдээрээ? :-) Өнөөдөр орж ирээд түрүүчийн бичлэгт маань хэн нэгэн сэтгэгдэл үлдээж үү гэж харсан чинь "5 сэтгэгдэл" гэж хараад, хамгийн анх удаагаа сэтгэгдэл унших гэж байгаа юм шиг догдоллоо ш дээ хэхэ. Баярлалаа найзууд минь манайхаар шагайж байсанд. Та бүхэнд бүгдэд чинь амжилт хүсье!

Ашиггүй наймаа

2008-02-29T11:02:00.008+08:00

Өнөөдөр онцгой өдөр учир энд ямар нэг юм бичмээр санагдлаа. Бичих санаа байсан боловч бас л нөгөө арьсаа хамгаалсан "завгүй" гэдэг үгээр бүгдийг таглаад л юу ч хийхгүй л яваад л байна ойрд. Блогоо хаагаад, хавтаслаад таг дараастай хэдэн сар болов доо. Өвөлжөөд хаваржчих бололтой юм аа. Монголд цагаан сараас хойш хавар ирж дулаараад сайхан байна. Бас дээр нь хамаг юм баяр, сонгуулиар амьсгалаад хэрэг алга. Цагаан сар, Валентин... одоо Март, тэгээд цэргийн баяр гээд явж өгөх бололтой юм аа. 14-ний орой 2 дүүтэйгээ уулзаж чухал яриа хийх гээд гартал унаа олддоггүй, их дэлгүүр хүртэл алхаад, тэнд уулзаж ороод суучих газар хайх гэж юу болов оо. Гудамжинд бэлэг барьсан, хайсан хүмүүс дүүрэн, дэлгүүрт орно бас л бэлэгний худалдаа, тухтайхан суучих кафе хайгаад ийш тийшээ шагайна бас л битүү.

Залгаад сонгууль. Сурталчилгаа, ном, календарь тараагаад эхэлсэн байна лээ. Ингээд л өдөр тутмын ямар ч юм болсон сонгуультай холбож тайлбарлаад л... хэхэ. Гунигтай ч юм шиг.

Манайхан гэж нэг л их ууртай хүмүүс. Дошин дээрээ томорч бие биенээ загнасан л хүмүүс шүү.
Замаар гарахад жолоооч нь гарцан дээр ч хүлээхгүй томорно. Харин замаар гарч байгаа хүмүүс нь намайг хүлээсэнгүй гэж уурлана, тэгэхээс тэгэх гэж удаан гэгч нь мөлхөх шахаж жолоочийн уурыг барна. Хаа нэгтээгээс цагдаа гарч ирээд нөгөө жолоочид томорно, торгоно. Хэрэв асуудал эвгүйдвэл харин жолооч утас цохин танилын хүрээнээсээ олсон хэн нэг албан тушаалтнаар цагдааг номхруулж авна. Ингээд л гинжин сүлжээ шиг биднийг хэрнэ.
Төрийн үйлчилгээний байгууллагуудаар үйлчлүүлэх гэж бөөн юм болно. Хүлээж бай, би ажилтай байна. Чадахгүй бол боль гэнэ. Бас л нөгөө танилын хүрээнээс эрэл үүснэ.
Адаглаад дэлгүүрт ороод бараа сонгож авах гэж хачин юм болно доо. Худалдагч нь гэж ихэнхдээ л ямар ч үйлчилгээний мэдлэггүй, соёлгүй хүн. Бараагаа үзүүлж, танилцуулах гэж ихээхэн "зовж зүдэрнэ". Хялалзана, цэхэлзэнэ, дуу нь гарахгүй цаашаа орно.

Интернэт дэх Монгол агуулга нэмэгдэхийн хэрээр баярлууштай боловч нэлээд нь хэрүүлийн алим тарьсан мэдээнүүд. Хот хөдөөгийнхөөрөө дуудалцана. Чамаас надаас болж утаа, хог гарсан гэнэ. Дуучид нь ч хүртэл үхэр мал дуулсан зохиолын дуучин, эсвэл ёс бусаар үглэсэн хип хопчид, эсвэл чадал муутай хоолойндоо ам барьсан рок попынхон гэж нэгнийгээ чичилнэ. Тэр ч бүү хэл ихэнх сайтууд дээр бүүүр... ЭР, ЭМ-ээрээ талцан хэрэлдэнэ гээч. Төрийн толгойд байдаг хэд нь ч ялгаагүй, огтхон ч ялгаагүй гээч. Харин ч хэрүүлийг зааж өгдөг гэлтэй.
За нэг иймэрхүү өнгө төрхтэй амьдрал үргэлжилсээр л...
Хэрүүл хийж, уурлаж байгаа эдгээр хүмүүсийн хэнд ч, ядаж нэгэнд нь ч ашиггүй. Монголчууд ингэж дээр дооргүй гэдсэндээ хөлөө жийлцэх нь хэнд ашигтай вэ? Хаа сайгүй л нэг л их ууртай догшин хүмүүс...

Муу талаас нь харж бичсэндээ биш энэ бүхнийг хараад байхад ашиг нь хэнд гараад байгааг л олж харах гээд л...

2008-02-07T10:26:00.000+08:00

Шижрүү мөнгөн өвлийг өнтэй давсны баяр
Шинэхэн цэцэглэх хавартай энх золгосны баяр
Хөрст алтан дэлхийд шинэ жил ирсний баяр
Хөхөөн дуутай хавартай найртай учирсны баяр

XVII жарны “Хотлыг баригч” хэмээх Шороон Хулгана жилийн Сар шинийн мэнд дэвшүүлье! Хамаг бурхад авран нигүүлсч
Хотол түмнээрээ амгалан жаргаж
Ам цагаан хулгана жилдээ
Ач буян нь арван зүгтээ дэлгэрч
Аз хийморь дүүрэн байхыг ерөөе!
ХОТЛООРОО САЙХАН ШИНЭЛЭЭРЭЙ!

САЙХАН ШИНЭЛЭЭРЭЙ

2008-02-06T10:48:00.000+08:00

Ширүүн хүйтэн өвлийг өнтэй давсаны баяр
Шинэхэн ногооны үнэртэй энх золгосоны баяр
XVII жарны хотлыг баригч шороон хулгана жилийн
Сар шинийн мэнд дэвшүүлье
Хамаг бурхад авран нигүүлсч
Хотол түмнээрээ амгалан жаргаж
Ам цагаан хулгана жилдээ
Ач буян нь арван зүгтээ дэлгэрч
Аз хийморь дүүрэн байхыг ерөөе
САЙХАН ШИНЭЛЭЭРЭЙ

2008-01-12T16:25:00.000+08:00

Бүх өглөгийн дээд нь номын өглөг болой
Бүх амт шимийн дээд нь номын амт шимт болой
Бүх баяр баяслын дээд нь номын баясгалан болой
Бүх шуналыг устгах нь зовлонг дийлэх болой

Зүүдний тайлал

2008-01-09T09:37:00.002+08:00

За ингээд яаж ийсээр байтал он гараад 10 хоночихлоо. Ихийг хийж бүтээх он гарч байгаа байх гэж найдаж байна. Бас та бүхэнд ч сайхан зүйл олныг авчрах болтугай гэж хүсье.
Энэ оны анхны бичлэгээ зүүдээр эхлэх нь. Урьд шөнө олигтой унтаж чадсангүй. Элдэв өнгийн юм зүүдлээд. Компьютерт маань вирус орчихлоо гэж хүртэл зүүдэлдэг байна шүү. Унтахын өмнө нойр хүрэхгүй орондоо эргэж хөрвөөн элдэв өнгийн юм бодсоных л байх даа.

Би тэртэй тэргүй их зүүдэлдэг хүн болохоор өмнө нь ч бас зүүдний тухай тэмдэглэж байсан санагдаж байна. Гэхдээ "Зүүдчин" блоггерийг гүйцтэл зүүдэлж амжаагүй байх аа :)
Саяхан нэг хүнээс зүүдний тухай асуусан чинь тайллынх нь тухай надад ярьсан юм. Түүнийг доор сийрүүлбээс:

Хүн олон өнгийн юм л зүүдэлдэг. Энэ бүхэн нь бодол, зөн билэг, ядаргаа, мөрөөдөл, санаа зовнил, тэр ч бүү хэл ор дэрний тав тухаас ч хүртэл хамаардаг. Тэгээд тэр нь сайхан, муухай, хөгжилтэй, харуусалтай янз бүр байна. Эвгүй зүүд зүүдэлсэн ч зөв тайлбал муу юм болохгүй гэнэ. Би нэг түүх ярьж өгье. Нэгэн хүн 7 чононд бариулж байна гэж зүүдэлжээ. Сэрээд их эвгүйцэн хүнд хэлтэл "Тийм олон чононд идүүлнэ гэж юу байхав дээ" гэж хэлж. Гэтэл яг л зүүдээр болж дээ. Тэгээд мэргэн хүн дээр очин асуусан чинь "Их сайхан 7 хүүтэй болоод сайхан амьдрах хүн байсан байна. Зүүдийг нь буруу тайлсан байна даа" гэсэн гэнэ лээ. Тэгэхээр муу зүүдийг хамаагүй хүнд хэлээд тэр хүн чинь буруу тайлбал буруу л болно гэсэн үг. Янз бүрийн дом байдаг. Элдэв муу зүүдийг тэгээд домновол зүгээр.гэж ярьсан юм. Над шиг их зүүдэлдэг, муу зүүдэндээ санаа зовдог хүнд хэрэгтэй гэж бодоод бичлээ.

2007-12-29T13:01:00.001+08:00

Өглөө бүр үгийн сайхныг хэлэлцэж
Өдөр бүр хүний сайнтай учирч
Зүрх сэтгэлд чинь баяр гийж
Зүүд үргэлжлэх цагаар нас нэмж
Зөрж өнгөрөх хоёр оны заагаар
Зүйрлэшгүй тансаг жаргалыг хүртээрэй
Алсаас хундага тулгалаа шүү
Хундагаа бариад тосоорой
Ажлын амжилт шидлээ шүү
Алтаар өлгийдөөд аваарай.

Цаг хугацааны түүх болон үлдсэн хуучин оноо
Цаглашгүй их амжилт бүтээлээр үдэж
Он цагийн тооллоор учран золгож байгаа шинэ жилээ
Од хийморьтой угтаарай
Орчлонд аз жаргал гэж байдаг бол
Оргилд нь хүрээрэй
Сэтгэлээр дулаан итгэлээр дүүрэн
Шинэ жилээ угтаарай
Ганган хэтэвч дүүрэн мөнгөтэй
Гар утас дүүрэн нэгжтэй
Ганц олдох амьдрал нь жаргалаар дүүрэн
Гал халуун зүрх нь хайраар дүүрэн байж
Шинэ оноо угтаарай

Ирж буй шинэ он танд аз жаргалаар дүүрэн 366 өдрийг авчраасай гэж хүсье!

2007-12-21T22:28:00.001+08:00

Он солигдох торгон агшинд
Оргилуун дарс шиг оргилсон сэтгэлд
Аз жаргал авчрах гэж юм бүхнийг шинэ болгох гэж
Ертeнцийн бүгдийг ариусгах гэж
Шинэ он хаалгыг чинь тогшлоо…
Үүдээ та нээгээрэй!
Шинэ он мэнд хүргэж байна!
Цонхоо чи нээгээрэй!
Аз жаргал 12 цагт ирнэ.
Шинэ оноо хүлээгээрэй!
2008 ондоо Бизнес тань амжилт, орлогоор дүүрэн
Амдраль тань тэгш, дүүрэн байх болтугай!
Зовлонгоор хомсдож, жаргалаар бялхаж явах болтугай

Угтах оноо бүтээлээр дүүрэн
Урам тэтгэсэн амжилтаар баян
Зорьсон зүйлс тань өөдрөг байж
Зоосны бурхан таныг ивээж
Гэгээн гэрлээр гэр чинь гийж
Гэрэлт оюунаар ухаан чинь тэлж
Ариун хүсэл тань амьдрал болж
Аз жаргалаар дүүрэн явахыг хүсэн ерөөе!
Ширхэглэн будрах цагаан цастай
Чимэглэн гоёсон ногоон гацууртай
Ширээ тойрсон хайртай хүмүүстэйгээ
Шинэ оноо сайхан угтаарай!

Андын захидлаас...

2007-12-20T20:04:00.002+08:00

Өнөөдрөөс эхлээд ийм нэгэн ангилалд надад ухаарал, урам нэмсэн андуудынхаа захидлаас оруулна гэж бодож байснаа эхэлж байна.
Танд ч бас нэгийг бодогдуулбал баярлана.

1. Зүүдний тэмдэглэл. (Туулын захидал)

...Байгалийн хатуу ширүүн шуурганы өмнө хүн бид өчүүхэн амьтад болон хувирч... амьд мэнд үлдэхийн төлөөх тэмцэл явагдлаа.

Удалгүй зүүдний орчин солигдож... надад охиноо аваад зугтах зам үлджээ. Хил ч юмуу нэг тийм юмаар гарах гэтэл охиноо тэвэрсэн намайг гаргахгүй гээд. Намайг тэр чигээрээ гүйтэл араас буудацгаалаа. Би эргэж харлаа.. Бурхан минь нэг нь буудлаа... "үрийг минь бурхан өршөө" гэж шивнэсээр би сумыг алгаараа хаалаа, хоёр дахь нь гурав дахь нь буудсан ч би бас л алгаараа хаалаа. Тэд гайхсандаа дахиж буудалгүй орхичих юм.

Ийм л нэг сэтгэлийн торгон мэдрэмж өгсөн зүүд зүүдэллээ. Зүүдний туршид би охиноо л гэж үхэн хатан гүйж байсан хэрнээ ээжийгээ анзаараагүй байх юм. Тэгсэн хэрнээ ээж гэдэг хүнийг байхгүй болсныг мэдэнгүүт салхи хүртэл өөрчлөгддөг байна шүү. Азаар ээж минь гэртээ эсэн мэнд суугаа. Ээж охин 2 руугаа утсаар яръя байз.

Дахиад л зүүдний орчин солигдож би аюулгүй газар охиноо орхиод өөрөө эргээд "хилээрээ" гараад иржээ. Дахиад л сонин сонин адал явдал...

Гэнэт би ээжийгээ үгүй болсныг мэдэж байх юм. Уг нь ээж зүүдний адал явдлуудад туслах дүр шиг үе үе харагдаж, оролцож байсан байхгүй юу. Би анзаарсан ч үгүй явж. Ээжийгээ байхгүй болсон гээд бодтол салхилах салхи хүртэл нэг л сонин хүйтэн, жихүүн... юу гэмээр юм бэ дээ. Ээж минь байх үеийн салхинаас тэс ондоо болохыг мэдэрч байгаад би сэрчихлээ. Бодвол уйлах гээ биз дээ, тэгж байгаад сэрсэн байх.

"Найз бол миний хоёр дахь мөр"

2007-12-17T09:49:00.001+08:00

Хувьтай хүн хулгана жилийг үздэг нь үнэн юмуу эсвэл хүний сайн нь түрүүлж явдаг гэдэг нь үнэн юм уу? Хийж бүтээх ид оргил насан дээрээ явсан олонд танигдсан танигдаагүй хэчнээн сайхан хүмүүсийн орон зай хоосроод байна даа эргэн тойронд.

Найз минь энэ хорвоог орхин одоод 2 сарын нүүр үзэх нь. Амьдын зол... гэгчээр л өдөр тутмынхаа амьдралд автаад мартагнаж л явна даа бид чинь. Найз аа гэж... Нэгэн удаа блогтоо энэ тухай тэмдэглэж байсан санагдах юм.

Зүтгэж нэг нь ирж найзалдаг

Зугтаж нөгөө нь салж оддог ч билүү нэг иймэрхүү байсан санагдаж байна.

Хэн миний найз юм бэ? Дүү минь намайг хэт олон найзтай гэж зэмлэх юм. Би бодохдоо тэдний хэн нь миний найз биш танил юм бэ? гэдэг асуултанд хариу олж чадахгүй юм билээ. Учир нь өнөөдөр танилцсан хүн намайг миний найз аа гэх юм. Маргааш нь хүнтэй танилцвал бас л миний найз аа гэж дуудах юм. Тэгээд хэн нь юм бол оо? Найз гэдэг үгээр лав дэнсэлж чадахгүй нь. Гэхдээ хүмүүсээс асуусаар яваад их сайхан үг олж сонслоо. Он удаан жил найзалсан найз минь? Эсвэл намайг өчигдрөөс эхлээд найз аа гэж дуудаж байгаа хүн... Хэн нь? Би шүүрэн дээр тэднийг шүүх хэрэгтэй юу? Тэгвэл хэд нь үлдэх бол?

Найз гэж хэн бэ гэж асууж яваад миний олсон сайхан хариулт бол шинэхэн найзын маань хэлсэн “Найз гэдэг бол миний хоёр дахь мөр юм” гэсэн Орос үг байлаа. Би нэг дэх мөрийг гаргахад найз маань цааш дараагийн мөрийг гаргана гэсэн үгээр хүмүүсийг шүүж үзлээ. Бас л олон байна аа. Гэхдээ бас хорогдсон шүү миний бодлоор.

Хүн бүхэнд үнэнч найз нөхөд байдаг. Хэн нэгэн надаас зугтаагаад явсан ч тэр хүн өөр хэн нэгний үнэнч найз нь л байдаг. Тэгээд бодвол бид ялгаагүй л хүмүүс. Хүн бүхэн хэн нэгний итгэлтэй сайн найз.

Хувь заяаны дэнсэн дээр хүмүүн заяагаа хайрлаж нэгнээ хүндэлж явахыг хичээе хүмүүс ээ! Амьддаа бие биеэ хайрла!